അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<സാമി എല്ലാദ്‌നാമ് പുദ്യാദ് മാഡ്‌ഗാട്ടി മന്‌സാനായി പ്‌റാന്തവാന് തന്ന് മദ്‌പ്പുള്ള കുറുഞ്ചില് കുക്കാന്ത് ആള്‌ഗാട്ടി എന്ന് പിന്ന്‌മേലെ ബന്ത്‌റ്‌ക്കുവ നിമ്മാമ് പന്നന്റ് കുറിഞ്ചില് കുക്കാന്ത് ഇസ്‌റവേല്‌ല പന്നന്റ് കുലഗാറാര്‌ന ആളുവുറു എന്റ് നാന് നിമാക്ക് സത്ത്യമായിമ് സൊന്റെ.
ബെ്ളിപട്ട കാര്യ 4:4 - സാമി സേദി4 അയി കുറിഞ്ചിക്ക് സുറ്റുമു ബേ്റെ ഇരുവത്തിനാല് കുറുഞ്ചിഗാള്‌മ് ഇന്ത്‌ദ്. ബെ്ള്ളെ ഉഡുപ്പുഗാള് ഇക്കിമ് പൊന്നു ഗിര്യാഡന ഇക്കിമ് ഇര്‌ക്കുവ ഇരുവത്തിനാല് മൂപ്പനാമ് അദ്‌ല് കുക്കാന്തിന്താര്. အခန်းကိုကြည့်ပါ။ |
ബെ്ളിപട്ട കാര്യ 4:4
24 ပူးပေါင်းရင်းမြစ်များ
നാന് സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേത്താദ്‌നാലെ കെ്ഡേക്കുവ ഗിര്യാഡന സാമി എനാക്ക് ബേ്ണ്ടി ബെത്ത്‌റ്‌ന്റാന്. ആള്‌ഗാള്‌ന നേരോഡ ദെ്ണ്ടണെ ബിദിക്കുവ ആണ്ടവാന് താന് ദെ്ണ്ടണെ ബിദിക്കുവ നാള്‌ക്ക് എനാക്ക് അയി ഗിര്യാഡന തരുവാന്. എനാക്ക് താനെ അല്ല ആണ്ടവാന് മറിസി ബരുവാദ്‌ന നെഞ്ചഡെബെത്ത് കാത്ത്‌റ്‌ക്ക്‌ന്റവാര്‌ക്ക് ഒട്ടുക്കുമു കൊഡുക്കുവാന്.
അദ്‌ക്ക് പ്‌റ കുറിഞ്ചിഗാള്‌നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്‌ല് കുക്കാന്ത് ഇര്‌ക്കുവാദ്‌നാമ് നാന് കണ്ടെ. ഏസ്സ്‌ന പറ്റ്യുള്ള സത്ത്യന സൊന്നാദ്‌നാലേമ് സാമി സൊല്ലുസുലാക്കാന സൊന്നാദ്‌നാലേമ് ആള്‌ഗാള് തലെനെ ബെ്ട്ടി കൊന്റവാര് നിഗാല്‌ഗാള്‌നാമ് നാന് കണ്ടെ. അവാര് ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡത്തവാര്‌മ് നെറ്റിക്കൊ കയിക്കൊ മുദ്ദുറെ കുത്താത്തവാര്‌മ് ആയിന്താര്. അവാര് ഉജുരു കെ്ഡേസി ക്‌റ്‌സ്‌ത്തോഡൊപ്പ ആയിര ബര്‌സ്സ പെ്ളേത്താര്.
കുറിഞ്ചില് നാക്ക് ഉജുരുകെ്ളെഗാള്‌ക്ക് നഡ്‌ക്കേമ്, ഇരുവത്തിനാല് മൂപ്പനാമ്‌ഗാള്‌ക്ക് നഡ്‌ക്കേമ് ഒന്റു കൊറ്യാഡ് കുട്ടി നിന്റ്‌റ്‌ക്കുവാദ്‌ന നാന് കണ്ടേന്. അദ്‌ന കണ്ട അറ്‌ത്ത് കൊന്റു ബെത്ത്‌റ്‌ക്കുവ പാസെ ഇര്‌ക്ക്‌ന്റ്. അദ്‌ക്ക് ഏ്ള് കൊമ്പുമു ഏ്ള് കണ്ണ്‌മ് ഇന്ത്‌ദ്. ബൂമിക്ക് എല്ലാ സാരിമ് സാമി സൊല്ലി ബ്‌ട്ട്‌റ്‌ക്കുവ സാമി നിഗാല്‌ഗാള്‌ത്തെ അയി കണ്ണ്‌ഗാള്.
അദ്‌ക്ക് പ്‌റ എല്ലാ ജാദിഗാള്‌ലിന്ത്‌മ്, എല്ലാ കുലഗാള്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ് ആര്‌ക്ക്‌മ് എ്ണ്ണ്‌സ്യ മുഡ്യാത്ത ദൊഡ്ഡ ഒന്റു ആള്‌കൂട്ട ബെ്ള്ളെ ജൊഗെ ഇക്കിമ് കയില് പേരീസ് പുല്ലുന പ്‌ഡിത്ത്‌മ് കുറിഞ്ചിക്ക്‌മ് കൊറ്യാഡ് കുട്ടിക്ക്‌മ് മുന്നുക്കു നിന്റ്‌റ്‌ക്കുവാദ്‌ന നാന് കണ്ടേന്.
ကြော်ငြာတွေ