ബെ്ളിപട്ട കാര്യ 3:2 - സാമി സേദി

² സത്തവാര്‌ന പാസെ ഇര്‌ക്കാദെ ഇ്ളാഗ്, നിനാക്ക് ഇന്നാല് മിച്ച ഇര്‌ക്കുവാദ് ഒന്റേപെ്ട്ട് സത്ത് തള്ളുവാദ്‌ക്ക് മുദാല് അദ്‌ന ബിലപഡ്‌സ്. എന്ത്‌ക്കെന്റ് സൊന്ന നീ ഗേവ ഗിലാസ എന്ന് സാമി കണ്ണ്‌ക്ക് കുറ്റകൊറേവു ഇല്ലത്തദായി കാണാലെ.

ബെ്ളിപട്ട കാര്യ 3:2 ပူးပေါင်းရင်းမြစ်များ

മത്തായി 23:5

തമ്മ ഗേവ ഗിലാസഗാളെല്ല മന്‌സാര് കാണ്യ ബേ്ണ്ടിത്തെ അവാര് ഗേവാദ്. സാമി സൊല്ലുസുലാക്കന എ്ള്‌ദി ഇക്കി ബെത്ത്‌റ്‌ക്കുവ പെ്ട്ടിന ദൊഡ്ഡാദ് മാഡി തലേക്ക് കെ്ട്ടി ബെക്ക്‌ന്റാര്. തമ്മ ഇക്കുവ ജൊഗേക്ക് കുത്തി മൂട്ടുവ താനെന നീ്ട്ട മാഡ്‌ന്റാര്.

മത്തായി 25:13

അദ്‌നാലെ അയി നാള്‌മ് ഗളിഗേമ് എന്നാല്‌ക്കെന്റ് തെര്യാത്താദ്‌നാലെ നിമ്മ സൊക്കാന സൂസാരിത്തിര്‌ന്.>>

മത്തായി 25:7

അദുക്കുള ബീ്ണ്യാര് എല്ലാവാര്‌മ് ഇ്ളാഗി തമ്മ് ബ്‌ളാക്ക്‌ഗാള്‌ന കത്ത്‌സ്‌നാര്.

അപ്പോസുത്തലാര് 18:23

അദ്‌ല് പവുലോസു ലേസ നാള് തങ്ക്‌നാന്. അദ്‌ലിന്ത് അയാള് ഗലാത്ത്യ, പുറുഗ്യ എന്നുവ എ്ഡെഗാള്‌മേലെ പോയി അദ്‌ല ഏസ്സ്‌ഗാറാര്‌ന ഒട്ടുക്കു ദയിരപഡ്‌സ്‌നാന്.

1 പത്ത്‌റോസു 4:7

ആന ഈ ഉലഗാത്ത്‌ലിര്‌ക്കുവാദെല്ല അളിവാദ്‌ക്കുള്ള കാല അഡ്‌ത്ത്‌റ്‌ന്റ്. അദ്‌നാലെ നിമ്മ സൂസാരിത്തിര്‌ന്റവാര്‌മ് അഡക്കൊദുക്കത്തോഡ ഇര്‌ക്ക്‌ന്റവാര്‌മ് ആയി പരേസി കൊണ്ടേ ഇര്‌ന്.

1 പത്ത്‌റോസു 5:8

നിമ്മ അഡക്കൊദുക്കത്തോഡ ഇര്‌ക്ക്‌ന്റവാര്‌മ് സൂസാരിത്തിര്‌ക്ക്‌ന്റവാര്‌മ് ആയിര്‌ന്. എന്ത്‌ക്കെന്റ് സൊന്ന നിമ്മ് പോട്ടിഗാറാന് സെയിത്താന് മൊരേവ സിങ്കന പാസെ ആര്‌ന പ്‌ഡിത്ത് നുങ്ക്യ എന്റ് നോഡികൊണ്ടു സുറ്റ്യറ്റി നഡാക്ക്‌ന്റാന്.

ബെ്ളിപട്ട കാര്യ 16:15

<<നോഡുനു, ഒന്റു ത്‌റ്‌ട്ടാന് ബരുവ പാസെ നാന് ബരുവെ. ബെ്റ്‌ദെകറി നഡാന്ത് അഡ്‌ത്തവാര് നാണഗെ്ഡ്‌സാദെ ഇര്‌ക്ക്യ ബേ്ണ്ടി തന്ന് സീലെസിലാപ്പ്‌ഗാള്‌ന സൊക്കാന സൂസാരിത്ത്‌മ് ഉറാങ്കാദേമ് ഇര്‌ക്ക്‌ന്റവാന് ബാഗ്യകേ്ട്ടവാന്.>>

ബെ്ളിപട്ട കാര്യ 2:4

എന്റാല്‌മ് നിനാന പറ്റി ഈ കുറ്റ എനാക്ക് സൊല്ല്യ ഇര്‌ക്ക്‌ന്റ്, നീ എനാന മുദാല് സീവാന്‌ബെത്തിന്ത പാസെ ഇന്നാല് സീവാന് ബെക്കാലെ.

ബെ്ളിപട്ട കാര്യ 3:1

<<സറ്‌ദീസ് പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: സാമിത്ത് ഏ്ള് നിഗാല്‌മ് ഏ്ള് ബെ്ള്ളിമ് ഇര്‌ക്ക്‌ന്റവാന് സൊല്ലുവാദ് ഇദ്‌ത്തെ. നീ ഗേവ ഗിലാസ എനാക്ക് തെരിമ്. ഉജുരോഡ ഇര്‌ക്ക്‌ന്റവാന് എന്റ് നിനാക്ക് പേര് ഇന്താല്‌മ് നീ സത്തവാന്‌ത്തെ.

ബെ്ളിപട്ട കാര്യ 3:3

അദ്‌നാലെ നീ പഡിത്താദ്‌നാമ് കേ്ട്ടാദ്‌നാമ് മറാക്കാദെ. അദ്‌ക്ക് നീ കെ്ട്ട്‌പട്ട് നഡ. നീ ഗേവ പാവഗാള്‌ന തള്ളി സാമിസാരി തിര്‌ഗ്. നീ ഇ്ളാഗാദെ പോന, നാന് ഒന്റു ത്‌റ്‌ട്ടാന് ബരുവ പാസെ ബരുവേന്. ഏദ് ഗളിഗേക്ക് നാന് നിന്ന് പട്ട്‌ക്ക് ബരുവേന് എന്റ് നിനാക്ക് തെര്യാമ് മാട്ട.