ബെ്ളിപട്ട കാര്യ 3:19 - സാമി സേദി

¹⁹ നാന് സീവാന്‌ബെത്ത്‌റ്‌ന്റവാര്‌ന നൊഡിവെ, അവാര്‌ന ബുദ്ദി സൊല്ലിമ് തിരുത്തുവെ. അദ്‌നാലെ നിമ്മ സുറുസുറുപ്പോഡ ഇര്‌ക്കുഡൊ. നിമ്മ ഗേവ പാവഗാള്‌ന തള്ളി സാമിസാരി തിര്‌ഗുഡൊ.

ബെ്ളിപട്ട കാര്യ 3:19 ပူးပေါင်းရင်းမြစ်များ

മത്തായി 25:7

അദുക്കുള ബീ്ണ്യാര് എല്ലാവാര്‌മ് ഇ്ളാഗി തമ്മ് ബ്‌ളാക്ക്‌ഗാള്‌ന കത്ത്‌സ്‌നാര്.

ഓഗന്നാന് 2:17

അദുക്കുള അയാള് സൊല്ലുപഡി നഡാക്ക്‌ന്റവാര്‌ക്ക്: <<നിന്ന് ബീ്ഡ്‌ന പറ്റി എനാക്കിര്‌ക്കുവ എ്ണ്ണ എന്ന് മനേസ്സ്‌ല് ബെന്തുരുഗുന്റു>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവാദ്‌ന നെനേവു ബന്ത്‌ദ്.

റോമഗാറാര് 12:11

നിമ്മ കള്ള ബീ്ഗാദെ സുറുസുറുപ്പോഡ ഇന്ത് ആണ്ടവാന് സൊല്ലുവ കാര്യഗാള്‌ന ബക്‌ത്യോഡാമ് മനേസ്സാറാമ് ഗേന്.

1 കൊരിന്ത്യഗാറാര് 11:32

ഇത്തെ ആണ്ടവാന് നമാന ദെ്ണ്ടിത്ത് അഡിത്ത് പഡുസുവാദ് ഉലഗാത്ത്‌ല ആള്‌ഗാള്‌ന ആണ്ടവാന് ദെ്ണ്ടിക്കാട്ടി നമാനാമ് ദെ്ണ്ടിക്കാദിര്‌ക്ക്യ ബേ്ണ്ടിത്തെ.

2 കൊരിന്ത്യഗാറാര് 6:9

എമ്മ നേര്‌മോഡ സാമിക്ക് ഗിലാസ ഗേന്റവാര് എന്റ് ആള്‌ഗാള്‌ക്ക് തെരിമ്. ആനാല്‌മ് അവാര് നമ്പുവാദില്ലെ. എമ്മ് ഉജുരുക്കു ആവാത്ത് ബന്റവാര് ആനാല്‌മ് എമ്മ പെ്ളേക്ക്‌ന്റേമ്. എമ്മ അഡി തിന്റവാര് ആനാല്‌മ് എമ്മ സാവാലെ.

2 കൊരിന്ത്യഗാറാര് 7:11

നിമ്മ പട്ട ഈ ദുക്കന ബെത്ത് സാമി നിമാക്ക് എന്ത് ഗുണ ഗേന്ത്‌റ്‌ന്റാന് എന്റ് നോഡുനു. അയി ദുക്ക നിമാന സുറുസുറുപ്പുള്ളവാര് മാഡ്‌റ്റ്. നിമ്മ തപ്പ് ഗേഗാത്തവാരായി പെ്ളേക്ക്യ പഡിത്ത്‌റ്, തപ്പ് ഗേവാദ്‌ന ബെ്റ്‌ക്ക്യാമ് അദ് ഗേഗാദിര്‌ക്ക്യാമ് പഡിത്ത്‌റ്, സാമിന പിര്യപഡിസ്യാമ് അയാള്‌ക്ക് ബേ്ണ്ടി പെ്ളേക്ക്യാമ് പഡിത്ത്‌റ്, തപ്പ് ഗേന്റവാര്‌ന ദെ്ണ്ടിക്ക്യാമ് പഡിത്ത്‌റ്. ഇത്തെ നിമ്മ എല്ലാ കാര്യഗാള്‌മ് നലമായി ഗേയ പഡിത്ത്‌റ്.

ഗലാത്ത്യഗാറാര് 4:18

നാന് നിമ്മോഡിര്‌ക്കാട്ടി താനേമല്ല, ഏദ്‌ഗളിഗേക്ക്‌മ് നല്ല കാര്യഗാള്‌ക്ക് ബേ്ണ്ടി സുറുസുറുപ്പു കാട്ടുവാദ് നല്ലാദ്‌ത്തെ.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

ആക്കോവു 1:12

ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.

ബെ്ളിപട്ട കാര്യ 2:5

അദ്‌നാലെ നിനാക്ക് എന്നാലിന്ത് തപ്പ് ബന്ത്‌ദെന്റ് നെനേത്ത് നോഡി സാമി പട്ട്‌ക്ക് തിരിഗി ബന്ത് നീ മുദാല് ഗേന്തിന്ത അദേ കാര്യന താനെ ഗേഗ്. നീ അത്തെ ഗേഗാദെ പോന നാന് നിന്ന് പട്ട്‌ക്ക് ബന്ത് നിന്നോഡ ഇര്‌ക്കുവ നിലബ്‌ളാക്ക്‌ന അദ് ബെത്ത്‌റ്‌ക്കുവ പട്ട്‌ലിന്ത് എ്ഡ്‌ത്ത് തള്ളുവെ.