ബെ്ളിപട്ട കാര്യ 3:18 - സാമി സേദി

¹⁸ അദ്‌നാലെ നീ സൊത്തുഗാറനായ തീയില് സുത്താപ്പ് മാഡി എ്ഡ്‌ത്ത പൊന്നുമു, നീ ബെ്റ്‌ദെകറി ഇര്‌ക്കുവാദ്‌ന മറേസ്യ ബെ്ള്ളെ ഉഡുപ്പുമു, നിനാക്ക് കണ്ണ് കാട്ടുവാദ്‌ക്കുള്ള മര്‌ന്ത്‌മ് നീ എന്നോഡിന്ത് ബാങ്കുഡൊ എന്റ് നാന് നിനാക്ക് ബുദ്ദി സൊന്റെ.

ബെ്ളിപട്ട കാര്യ 3:18 ပူးပေါင်းရင်းမြစ်များ

മത്തായി 13:44

<<സാമി ആളുവ നാഡ് എന്നുവാദ് കാഡ്‌ല് ഒളിസി ബെത്ത്‌റ്‌ക്കുവ മുദാല്‌ക്ക് സമാത്തെ. അദ്‌ന ഒരുത്താന് കണ്ട് മറിസിമ് അയി കാഡ്‌ക്ക് താനെ ഒളുസ്‌നാന്. അയാള് തനാക്ക് ബന്ത പിര്യാത്ത്‌ല് പോയി തനാക്കുള്ളാദ്‌ന ഒട്ടുക്കു ബിറ്റ് അയി കാഡ്‌ന ബാങ്ക്‌നാന്.>>

മത്തായി 25:9

അദുക്കുള ബുദ്ദിര്‌ക്ക്‌ന്റവാര്: <എമാക്ക്‌മ് നിമാക്ക്‌മ് കൂഡി എ്ണ്ണെ തെഗേഗമാട്ട. അദ്‌നാലെ നിമ്മ എ്ണ്ണെ ബിക്ക്‌ന്റവാര് പട്ട്‌ക്ക് പോയി ബാങ്ക്‌ന്> എന്റ് സൊന്നാര്.

ലൂക്കോസു 12:21

സാമിക്ക് പിര്യര്‌ക്കുവ കാര്യഗാള് ഗേവാദ്‌ല് ദൊഡ്ഡവാനാഗാദെ തനാക്ക് താനെ സമ്പാരിത്ത് സേത്തി ബെക്ക്‌ന്റവാന് ഗെദി ഇത്തെത്ത്യാമ്.>>

2 കൊരിന്ത്യഗാറാര് 5:3

അയി സരിഗല എമാക്ക് കെ്ഡേക്കാട്ടി എമ്മ ബെ്റ് നിഗാലായി താനെ അല്ല, മേലോഗാത്ത്‌ല സരിഗല ഉള്ളവാരായി താനെ ഇര്‌ക്കുവേമ്.

2 കൊരിന്ത്യഗാറാര് 8:9

നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് എത്ത്‌റ പ്‌ണ്ണ്യ ഗേന്താന് എന്റ് നിമാക്ക് തെരിമ്. ക്‌റ്‌സ്‌ത്ത് സൊത്തുഗാറാന് ആയിന്താന്. എന്റിന്ത് ഗുഡി നിമാന സൊത്തുഗാറാര് മാഡ്യ ബേ്ണ്ടി അയാള് ഏ്ളെ ആനാന്.

1 തിമിത്തോസു 6:18

നല്ലാദ് ഗേയാമ്, നല്ല കാര്യഗാള് ഗേവാദ്‌ല് ഗട്ടിഗാറാര് ആയിര്‌ക്ക്യാമ്, ദാന ഗേയാമ്, തമാക്ക് കെ്ഡേക്കുവാദ്‌ന ആങ്കീങ്ക് പങ്കിപജ്‌ന്ത് കൊഡുക്ക്യാമ് മനേസ്സുള്ളവാര് ആയിര്‌ക്ക്യ നീ അവാര്‌ക്ക് സൊല്ലു.

ആക്കോവു 2:5

എനാക്ക് മെച്ച്‌പ്‌ഡിത്ത ഏസ്സ്‌ഗാറാരെ, നാന് സൊല്ലുവാദ്‌ന സൊക്കാന കേ്ള്‌ന്. ഈ ലോഗാത്ത്‌ല് ഏസ്സ്‌ന നമ്പി പെ്ളേക്കുവ ഏ്ളെഗാള്‌ന സാമി ദൊഡ്ഡവാരായി കണാക്ക് മാഡ്‌ന്റാന്. അത്തവാള്‌ഗാള് സാമ്യോഡ സീവാന്‌ബെത്ത് പെ്ളേക്കുവാദ്‌നാലെ സാമി അവാര്‌ന തന്ന് സൊന്ത മക്കാളായി എ്ഡ്‌ത്ത് ബെക്ക്‌ന്റാന്.

1 പത്ത്‌റോസു 1:7

ഈ സോദെണെഗാള് നിമാക്ക് നേര്‌മായിമ് നമ്പിക്കെ ഇര്‌ക്ക്‌ന്റ് എന്റ് കാട്ട്യ ബേ്ണ്ടിത്തെ. അളിന്ത് പോവ പൊന്നുന ഗുഡി തീക്കിക്കി സോദണെ ഗേവദാന പൊന്നുന ബ്‌ഡ ബെലെ ഇര്‌ക്കുവ നിമ്മ് നമ്പിക്കെനാമ് സോദെണെ ഗേഡൊ. അത്തെ നിമ്മ് നമ്പിക്കെ പോഗാദിന്തദാന ഏസ്സ് ക്‌റ്‌സ്‌ത്ത് ബരുവ നാള്‌ല് നിമാക്ക് പേര്‌മ് പെരിമേമ് മാനാമ് കെ്ഡേക്ക്‌മ്.

ബെ്ളിപട്ട കാര്യ 16:15

<<നോഡുനു, ഒന്റു ത്‌റ്‌ട്ടാന് ബരുവ പാസെ നാന് ബരുവെ. ബെ്റ്‌ദെകറി നഡാന്ത് അഡ്‌ത്തവാര് നാണഗെ്ഡ്‌സാദെ ഇര്‌ക്ക്യ ബേ്ണ്ടി തന്ന് സീലെസിലാപ്പ്‌ഗാള്‌ന സൊക്കാന സൂസാരിത്ത്‌മ് ഉറാങ്കാദേമ് ഇര്‌ക്ക്‌ന്റവാന് ബാഗ്യകേ്ട്ടവാന്.>>

ബെ്ളിപട്ട കാര്യ 19:8

ദഗദഗാത്ത് മിന്നുവ ബെ്ള്ളെ ഉഡുപ്പു ഇക്ക്യ അവാള്‌ക്ക് കെ്ഡേത്ത്‌ദ്>> അയി ബെ്ള്ളെ ഉഡുപ്പു സാമിഗാറാര് ഗേവ നല്ല കാര്യഗാള്‌ന കാട്ട്‌ന്റ്.

ബെ്ളിപട്ട കാര്യ 2:9

നീ കജട്ട പട്ടാദ് എനാക്ക് തെരിമ്. നീ ഏ്ളെ എന്റ്‌മ് എനാക്ക് തെരിമ്. ആന സെരിക്ക്‌മ് നീ പണഗാറാന്‌ത്തെ. എഗുദാര് അല്ലാദിന്ത് ഗുഡി തമ്മ എഗുദാര് എന്റ് സൊല്ലുവ സെയിത്താന്‌ന പരേസുവ ബീ്ഡ്‌ഗാറാരായി ഇര്‌ക്ക്‌ന്റവാര് നിനാന പറ്റി കെ്ട്ട കാര്യ സൊല്ലുവാദ്‌മ് എനാക്ക് തെരിമ്.

ബെ്ളിപട്ട കാര്യ 3:17

<നാന് സൊത്തുഗാറാന്, എനാക്ക് ബേ്ഡ്‌മാനദെല്ല എക്കസക്ക ഇര്‌ക്ക്‌ന്റ്, എനാക്ക് ഒന്റുക്കുമു കൊറേവില്ലെ> എന്റ് നീ സൊന്റായി. ആന നീ അറങ്കെ്ട്ടവാന്‌മ്, കണ്ട കറ്‌മ്മപ്‌ഡിക്ക്‌ന്റവാന്‌മ്, ഏ്ളേമ്, കുറുഡാന്‌മ്, ബെ്റ്‌ദെകറി ഇര്‌ക്ക്‌ന്റവാന്‌മ് എന്റ് നിനാക്ക് തെരിവാദില്ലെ.

ബെ്ളിപട്ട കാര്യ 4:4

അയി കുറിഞ്ചിക്ക് സുറ്റുമു ബേ്റെ ഇരുവത്തിനാല് കുറുഞ്ചിഗാള്‌മ് ഇന്ത്‌ദ്. ബെ്ള്ളെ ഉഡുപ്പുഗാള് ഇക്കിമ് പൊന്നു ഗിര്യാഡന ഇക്കിമ് ഇര്‌ക്കുവ ഇരുവത്തിനാല് മൂപ്പനാമ് അദ്‌ല് കുക്കാന്തിന്താര്.

ബെ്ളിപട്ട കാര്യ 7:13

അദുക്കുള മൂപ്പനാമ്‌ഗാള്‌ല് ഒരുത്താന് എനാന: <<ബെ്ള്ളെ ജൊഗെ ഇക്കിര്‌ക്കുവ ഇവാര് ആര്? ഏദ്‌ലിന്ത് ബന്റാര്?>> എന്റ് കേ്ട്ടാന്.