ബെ്ളിപട്ട കാര്യ 3:17 - സാമി സേദി

¹⁷ <നാന് സൊത്തുഗാറാന്, എനാക്ക് ബേ്ഡ്‌മാനദെല്ല എക്കസക്ക ഇര്‌ക്ക്‌ന്റ്, എനാക്ക് ഒന്റുക്കുമു കൊറേവില്ലെ> എന്റ് നീ സൊന്റായി. ആന നീ അറങ്കെ്ട്ടവാന്‌മ്, കണ്ട കറ്‌മ്മപ്‌ഡിക്ക്‌ന്റവാന്‌മ്, ഏ്ളേമ്, കുറുഡാന്‌മ്, ബെ്റ്‌ദെകറി ഇര്‌ക്ക്‌ന്റവാന്‌മ് എന്റ് നിനാക്ക് തെരിവാദില്ലെ.

ബെ്ളിപട്ട കാര്യ 3:17 ပူးပေါင်းရင်းမြစ်များ

മത്തായി 5:3

<<എല്ലാ കാര്യഗാള്‌ക്ക്‌മ് ബേ്ണ്ടി സാമിക്ക് അണ്ട്‌ന്റവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന അവാര് സാമി ആളുവ കാലാക്ക് പട്ടവാര് ആവാര്.

മത്തായി 9:12

അവാര് സൊല്ലുവാദ്‌ന ഏസ്സ് കേ്ട്ട പ്‌റ: <<നോയിഗാറാര്‌ക്ക്‌ത്തെ ബയിദ്യാന് ബേ്ഡ്‌മ്. അല്ലത്തവാര്‌ക്ക് തേവില്ലെ.

ലൂക്കോസു 1:53

പജിര്‌ന്റവാര്‌ക്ക് സാമി ബേ്ഡ്‌മാനാദ് കൊഡുത്തു മദിബര്‌സ്‌നാന്. സമ്പോത്ത പെ്ളേപ്പ്‌ഗാറാര്‌ക്ക് ഒന്റുമു കൊഡുക്കാദെ ബെ്റ്‌ദെ ബ്‌ട്ടാന്.

ലൂക്കോസു 6:24

ആന പണഗാറാര് ആയിര്‌ക്കുവ നിമാക്ക് കജട്ടാത്തെ. എന്ത്‌ക്കെന്റ് സൊന്ന നിമ്മ ഇന്നാല് സമ്പോത്ത പെ്ളേക്ക്‌ന്റ്‌റ്.

റോമഗാറാര് 11:20

അദ് സെരിത്തെ. അവാര് നമ്പാത്താദ്‌നാലെ അവാര്‌ന ബെ്ട്ടി തള്ള്‌നാന്. നിമ്മ നമ്പ്‌നാദ്‌നാലെത്തെ അയി മര താറ്‌ഗാളായി നിമ്മ ഇന്നാല്‌മ് ഇര്‌ക്കുവാദ്. അദ്‌നാലെ പെരിമെപഡാദെ അഞ്ചിക്കോഡ ഇര്.

റോമഗാറാര് 11:25

ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.

റോമഗാറാര് 12:3

നിമ്മ എത്തവാള്‌ഗാള് എന്റ് നിമാക്കെ തെരിമ്. ആന അദ്‌ന ബ്‌ഡ നിമ്മ ദൊഡ്ഡവാര് എന്റ് നെനേക്കാദെ സാമി ഒന്റൊന്റാള്‌ക്ക് തന്ത്‌റ്‌ക്കുവ നമ്പിക്കേക്ക് തഗ്‌ന്ത പാസെ ബുദ്ദ്യുള്ളവാരായി നെനേക്കുഡൊ എന്റ് സാമി എനാക്ക് ഗേന്ത പ്‌ണ്ണ്യാത്ത്‌ല് നിമാക്ക് സൊന്റെ.

റോമഗാറാര് 7:24

അവ്വോ! എന്ന് ഗെദി എത്ത്‌റ കജട്ട? ഈ സാവുക്കു അഡിപട്ട്‌റ്‌ക്കുവ സരിഗലാത്ത്‌ലിന്ത് എനാന ആര് ബ്‌ഡ്‌സുവാര്?

2 പത്ത്‌റോസു 1:9

ആന ഇത്തവ ഗുണഗാള് ഇല്ലത്തവാര് മാഗെമാഗ്യ കണ്ണ്‌കാട്ട്‌ന്റവാന്‌മ് കുറുഡാന്‌മ്‌ത്തെ. അയാള് താന് ഗേന്ത പാവാത്ത്‌ലിന്ത് സാമി തനാന കച്ചി സുത്താപ്പ് മാഡ്‌ന കാര്യന മറാന്ത്‌മ് തള്ള്‌നവാന്‌ത്തെ.

ബെ്ളിപട്ട കാര്യ 16:15

<<നോഡുനു, ഒന്റു ത്‌റ്‌ട്ടാന് ബരുവ പാസെ നാന് ബരുവെ. ബെ്റ്‌ദെകറി നഡാന്ത് അഡ്‌ത്തവാര് നാണഗെ്ഡ്‌സാദെ ഇര്‌ക്ക്യ ബേ്ണ്ടി തന്ന് സീലെസിലാപ്പ്‌ഗാള്‌ന സൊക്കാന സൂസാരിത്ത്‌മ് ഉറാങ്കാദേമ് ഇര്‌ക്ക്‌ന്റവാന് ബാഗ്യകേ്ട്ടവാന്.>>

ബെ്ളിപട്ട കാര്യ 2:9

നീ കജട്ട പട്ടാദ് എനാക്ക് തെരിമ്. നീ ഏ്ളെ എന്റ്‌മ് എനാക്ക് തെരിമ്. ആന സെരിക്ക്‌മ് നീ പണഗാറാന്‌ത്തെ. എഗുദാര് അല്ലാദിന്ത് ഗുഡി തമ്മ എഗുദാര് എന്റ് സൊല്ലുവ സെയിത്താന്‌ന പരേസുവ ബീ്ഡ്‌ഗാറാരായി ഇര്‌ക്ക്‌ന്റവാര് നിനാന പറ്റി കെ്ട്ട കാര്യ സൊല്ലുവാദ്‌മ് എനാക്ക് തെരിമ്.

ബെ്ളിപട്ട കാര്യ 3:16

ആന നീ സൂഡുള്ളവാനൊ തണ്‌പ്പുള്ളവാനൊ ആഗാദെ ബെജ്‌ബെജ ഇര്‌ക്കുവ നീര്‌ന പാസെ ആയിര്‌ക്കുവാദ്‌നാലെ നിനാന എന്ന് ബായിലിന്ത് തുപ്പി തള്ളുവെ.