ബെ്ളിപട്ട കാര്യ 22:9 - സാമി സേദി

⁹ ആന അയി ദൂദാന്, <<നീ അത്തെ ഗേഗാദെ. നിനാന പാസേമ്, ഏസ്സ്‌ഗാറാര് ആന സാമിദാസ്‌ഗാള്‌ന പാസേമ്, ഈ ബൊക്കുലു എ്ള്‌ദിര്‌ക്കുവ സൊല്ലു സുലാക്കഗാള്‌ന കേ്ട്ട് നഡാക്ക്‌ന്റവാര്‌ന പാസേമ് ഇര്‌ക്കുവ ഒന്റു ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ>> എന്റ് സൊന്നാന്.

ബെ്ളിപട്ട കാര്യ 22:9 ပူးပေါင်းရင်းမြစ်များ

മത്തായി 4:9

<<എന്ന് കാല്‌ക്ക് ബ്‌ന്ത് എനാന കുമ്മുഡുവദാന ഇദ്‌നൊട്ടുക്കു നാന് നിനാക്ക് തരുവെ>> എന്റ് ഏസ്സ്‌ക്ക് സൊന്നാന്.

ലൂക്കോസു 4:7

അദ്‌നാലെ നീ എനാന കുമ്മുഡുവദാന ഇദ്‌നെല്ല നാന് നിനാക്ക് തരുവെ>> എന്റ് സൊന്നാന്.

1 ഓഗന്നാന് 5:20

സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.

ബെ്ളിപട്ട കാര്യ 1:1

സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് ബെ്ളിപഡിസ്യ ബേ്ണ്ടി സാമി ഏസ്സ് ക്‌റ്‌സ്‌ത്ത്‌ക്ക് ബെ്ളിപഡിസി കൊഡുത്ത കാര്യഗാള്. അദ് അയാള് തന്ന് ദൂദാന്‌ന സൊല്ലി ബ്‌ട്ട് തന്ന് ഗിലാസഗാറാന് ഓഗന്നാന്‌ക്ക് ബെ്ളിപഡ്‌സ്‌നാന്.

ബെ്ളിപട്ട കാര്യ 1:11

അദ്‌ല്: <<നീ കാണുവാദ്‌ന ഒന്റു ബൊക്കുക്കു എ്ള്‌ദ്. എപസോസു, സിമ്‌റ്‌ന്ന, പെ്റ്‌ഗമോസു, തയിതിര്യ, സറ്‌ദീസ്, പിലദല്‌പ്യ, ലവുദിക്ക്യ എന്നുവ പട്ടണഗാള്‌ല് ഇര്‌ക്കുവ ഏസ്സ്‌ഗാറാര്‌ത്ത് ഏ്ള് കൂട്ടഗാള്‌ക്ക് അദ്‌ന സൊല്ലു>> എന്റ് സൊല്ലുവാദ്‌ന നാന് കേ്ട്ടേന്.

ബെ്ളിപട്ട കാര്യ 14:7

ദൂദാന് ദൊഡ്ഡാദ്‌ക്ക്, <<സാമിക്ക് അഞ്ചി നഡാന്, അയാള്‌ക്ക് മദ്‌പ്പ് കൊഡുനു. എന്ത്‌ക്കെന്റ് സൊന്ന അയാള് എല്ലാ ആള്‌ഗാള്‌നാമ് ദെ്ണ്ടിക്കുവ നാള് ബന്ത്‌റ്‌ക്ക്‌ന്റ്. ബാന്‌നാമ്, ബൂമിനാമ് കഡാല്‌നാമ്, നീര് ജെനിക്കുവ പണ്ണിഗാള്‌നാമ് ദ്‌ട്ട്‌സ്‌നവാന്‌ന കുമ്മുഡുനു>> എന്റ് സൊന്നാന്.

ബെ്ളിപട്ട കാര്യ 15:4

ആണ്ടവാനെ, നിനാന അഞ്ചാത്തവാര് ആര് ഇര്‌ക്ക്‌ന്റാര്? നിന്ന് പേര്‌ന മദ്‌സാത്തവാര് ആര് ഇര്‌ക്ക്‌ന്റാര്? എന്ത്‌ക്കെന്റ് സൊന്ന നീ ഒരുത്താന് തനെത്തെ സുത്താപ്പുള്ളവാന്. നീ നേര്‌മ്യോഡ ഗേവാദ്‌ന എല്ലാവാര്‌മ് കണ്ടാദ്‌നാലെ ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌മ് നിന്ന് പട്ട്‌ക്ക് ബന്ത് നിനാന കുമ്മുഡുവാര്.

ബെ്ളിപട്ട കാര്യ 19:10

അദുക്കുള നാന് അയാള്‌ന കുമ്മുഡ്യ അയാള് കാല്‌ക്ക് ബ്‌ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്‌ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്‌ഗാറാര്‌ന പാസേമ് ഇര്‌ക്കുവ ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ. എന്ത്‌ക്കെന്റ് സൊന്ന ഏസ്സ്‌ന പറ്റ്യുള്ള സത്ത്യന ആള്‌ഗാള്‌ക്ക് സൊല്ല്യ ബെക്കുവാദ് സാമിനിഗാല്‌ത്തെ>> എന്റ് സൊന്നാന്.

ബെ്ളിപട്ട കാര്യ 22:10

പിന്നേമ് അയി ദൂദാന് എനാക്ക്, <<സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന മറേസി ബെക്കാദെ. എന്ത്‌ക്കെന്റ് സൊന്ന ഇദെല്ല നഡാക്കുവ സമ്യ അഡ്‌ത്ത്‌റ്‌ക്ക്‌ന്റ്.

ബെ്ളിപട്ട കാര്യ 22:18

സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ന കേ്ള്‌ക്ക്‌ന്റവാന്‌ക്ക് നാന് സൊല്ലുവാദ് എന്തെന്റ് സൊന്ന, ആരാറ്റ ഈ നായഗാള്‌ക്ക് എന്താറ്റ ഒന്റു സേത്ത്‌നദാന ഈ ബൊക്കുലു എ്ള്‌ദിര്‌ക്കുവ ദൊഡ്ഡ ദെ്ണ്ടണെഗാള്‌ന സാമി അവാര്‌ക്ക് കൊഡുക്കുവാന്.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 4:10

ഇരുവത്തിനാല് മൂപ്പനാമ്‌ഗാള്‌മ് അയി കുറിഞ്ചില് കുക്കാന്ത് ഇര്‌ക്ക്‌ന്റവാന്‌ക്ക് മുന്നുക്കു സഡങ്ക ബ്‌ന്ത്, എന്നാല്‌ക്ക്‌മ് പെ്ളേത്ത്‌റ്‌ക്ക്‌ന്റവാന് ആന അയാള്‌ന കുമ്മുഡുനാര്. അയി കുറുഞ്ചിക്ക് മുന്നുക്കു തമ്മ് ഗിര്യാഡഗാള്‌ന ബെത്ത് കൊണ്ടു ഇത്തെ സൊന്നാര്:

ബെ്ളിപട്ട കാര്യ 9:20

ഈ തീയിമ്, പൊഗേമ്, ഗെന്തഗാമ് തട്ടി സാഗാദെ മിച്ച ഇന്ത ആള്‌ഗാള് തമ്മ കയില് കുമ്മുഡുവ ജാദിഗാള് മാഡുവാദ്‌ന തള്ളി സാമിസാരി തിര്‌ഗാലെ. അദ്‌താനേമല്ല, പൊന്നുലുമു, ബെ്ള്ളില്‌മ്, ബെ്ങ്കലാല്‌മ്, കല്ല്‌ല്‌മ്, മരാത്ത്‌ല്‌മ് ഉണ്ടാക്ക്‌ന കാണ്യാമ് കേ്ള്‌ക്ക്യാമ് അലിങ്ക്യാമ് മുഡ്യാത്ത സെലെഗാള്‌ന കുമ്മുഡുവാദ്‌നാമ് കെ്ട്ടജാദിഗാള്‌ന കുമ്മുഡുവാദ്‌നാമ് അവാര് തള്ളാലെ.