ബെ്ളിപട്ട കാര്യ 22:7 - സാമി സേദി

⁷ <<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 22:7 ပူးပေါင်းရင်းမြစ်များ

ബെ്ളിപട്ട കാര്യ 1:11

അദ്‌ല്: <<നീ കാണുവാദ്‌ന ഒന്റു ബൊക്കുക്കു എ്ള്‌ദ്. എപസോസു, സിമ്‌റ്‌ന്ന, പെ്റ്‌ഗമോസു, തയിതിര്യ, സറ്‌ദീസ്, പിലദല്‌പ്യ, ലവുദിക്ക്യ എന്നുവ പട്ടണഗാള്‌ല് ഇര്‌ക്കുവ ഏസ്സ്‌ഗാറാര്‌ത്ത് ഏ്ള് കൂട്ടഗാള്‌ക്ക് അദ്‌ന സൊല്ലു>> എന്റ് സൊല്ലുവാദ്‌ന നാന് കേ്ട്ടേന്.

ബെ്ളിപട്ട കാര്യ 1:3

സാമിലിന്ത് നേരെ കേ്ട്ട് സൊല്ലുവ ഈ നായഗാള്‌ന പഡിക്ക്‌ന്റവാന്‌മ് അദ്‌ന കേ്ള്‌ക്ക്‌ന്റവാന്‌മ് അദ്‌ല് എ്ള്‌ദിര്‌ക്കുവ പാസെ നഡാക്ക്‌ന്റവാന്‌മ് ബാഗ്യകേ്ട്ടവാന്. എന്ത്‌ക്കെന്റ് സൊന്ന ഇദ് നഡാക്ക്യുള്ള സമ്യ അഡ്‌ത്ത്‌റ്‌ക്ക്‌ന്റ്.

ബെ്ളിപട്ട കാര്യ 16:15

<<നോഡുനു, ഒന്റു ത്‌റ്‌ട്ടാന് ബരുവ പാസെ നാന് ബരുവെ. ബെ്റ്‌ദെകറി നഡാന്ത് അഡ്‌ത്തവാര് നാണഗെ്ഡ്‌സാദെ ഇര്‌ക്ക്യ ബേ്ണ്ടി തന്ന് സീലെസിലാപ്പ്‌ഗാള്‌ന സൊക്കാന സൂസാരിത്ത്‌മ് ഉറാങ്കാദേമ് ഇര്‌ക്ക്‌ന്റവാന് ബാഗ്യകേ്ട്ടവാന്.>>

ബെ്ളിപട്ട കാര്യ 2:16

അദ്‌നാലെ നിമ്മ് പാവഗാള്‌ന ബ്‌ട്ട്‌തള്ളി സാമിസാരി തിരിഗി ബാന്. അല്ലാദെ പോന, നാന് സട്ടന നിമ്മ് പട്ട്‌ക്ക് ബന്ത് എന്ന് ബായിലിന്ത് കഡാക്കുവ ബാള്‌ല് അവാരോഡ ജുദ്ദ ഗേവേന്.

ബെ്ളിപട്ട കാര്യ 22:12

<<ഇദാ നോഡുനു, നാന് സട്ടന ബന്റെ, ഒന്റൊന്റാള്‌ക്ക്‌മ് അവനവാന് ഗേന്താദ്‌ക്ക് തഗ്‌ന്ത പാസെ കൊഡുക്കുവ കൂലി എന്നോഡ ഇര്‌ക്ക്‌ന്റ്.

ബെ്ളിപട്ട കാര്യ 22:18

സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ന കേ്ള്‌ക്ക്‌ന്റവാന്‌ക്ക് നാന് സൊല്ലുവാദ് എന്തെന്റ് സൊന്ന, ആരാറ്റ ഈ നായഗാള്‌ക്ക് എന്താറ്റ ഒന്റു സേത്ത്‌നദാന ഈ ബൊക്കുലു എ്ള്‌ദിര്‌ക്കുവ ദൊഡ്ഡ ദെ്ണ്ടണെഗാള്‌ന സാമി അവാര്‌ക്ക് കൊഡുക്കുവാന്.

ബെ്ളിപട്ട കാര്യ 22:19

സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ലിന്ത് ആരാറ്റ ഏദാറ്റ ഒന്റു നായന എ്ഡ്‌ത്ത് തള്ള്‌ന ഈ ബൊക്കുലു എ്ള്‌ദിര്‌ക്കുവ ഉജുരു കൊഡുക്കുവ മരാത്ത്‌ല്‌മ് സാമി പട്ടണാത്ത്‌ല്‌മ് അയാള്‌ക്ക് ഇര്‌ക്കുവ പങ്ക്‌ന സാമി എ്ഡ്‌ത്ത് തള്ളുവാന്.

ബെ്ളിപട്ട കാര്യ 22:20

ഈ കാര്യഗാളെല്ല സൊന്റവാന്, <<കണ്ടിപ്പായിമ്, നാന് സട്ടന ബന്റെ>> എന്റ് സൊന്റാന്. ആമേന്, ആണ്ടവാന് ഏസ്സുവേ ബരുഡോമെ.

ബെ്ളിപട്ട കാര്യ 22:21

ആണ്ടവാന് ഏസ്സ് സാമിഗാറാര് ആയിര്‌ക്കുവ നിമാക്ക് പ്‌ണ്ണ്യ ഗേഡൊ.

ബെ്ളിപട്ട കാര്യ 3:11

നാന് ബേഗ ബരുവേന്. നിന്ന് ഗിര്യാഡന ആര്‌മ് ത്‌റ്‌ഡി എ്ഡ്‌ക്കാദെ ഇര്‌ക്ക്യ നിനാക്ക് ഇര്‌ക്കുവാദ്‌ന കയി ബ്‌ഡാദെ ബെയ്യി.

ബെ്ളിപട്ട കാര്യ 3:3

അദ്‌നാലെ നീ പഡിത്താദ്‌നാമ് കേ്ട്ടാദ്‌നാമ് മറാക്കാദെ. അദ്‌ക്ക് നീ കെ്ട്ട്‌പട്ട് നഡ. നീ ഗേവ പാവഗാള്‌ന തള്ളി സാമിസാരി തിര്‌ഗ്. നീ ഇ്ളാഗാദെ പോന, നാന് ഒന്റു ത്‌റ്‌ട്ടാന് ബരുവ പാസെ ബരുവേന്. ഏദ് ഗളിഗേക്ക് നാന് നിന്ന് പട്ട്‌ക്ക് ബരുവേന് എന്റ് നിനാക്ക് തെര്യാമ് മാട്ട.