ബെ്ളിപട്ട കാര്യ 22:6 - സാമി സേദി

⁶ അയി ദൂദാന് എനാക്ക്, <<ഈ നായഗാള് സത്ത്യാമ് നമ്പ്യ മുഡിവാദ്‌മ്‌ത്തെ. സാമിദാസ്‌ഗാള് എന്ത് സൊല്ലുഡൊ എന്റ് സൊല്ല്യ ബെക്കുവ ആണ്ടവാനാന സാമി ഇന്നി സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് കാട്ടി കൊഡുക്ക്യ തന്ന് ദൂദാന്‌ന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.

ബെ്ളിപട്ട കാര്യ 22:6 ပူးပေါင်းရင်းမြစ်များ

മത്തായി 13:41

മന്‌സാനായി പ്‌റാന്തവാന് തന്ന് ദൂദാര്‌ന ബ്‌ട്ട് താന് ആള്‌ന്റവാര് കൂട്ടാത്ത്‌ല് പാവ ഗേന്റവാര്‌നാമ് കെ്ട്ട കാര്യഗാള് ഗേന്റവാര്‌നാമ് ഒന്റുക്കു സേത്തുവാന്.

ലൂക്കോസു 16:16

നീര്‌ക്ക് മുളുഗുസുവ ഓഗന്നാന് ബരുവ മാട്ട്‌ക്ക്‌ത്തെ മോസെ ബെത്ത സാമിസട്ടാമ് സാമിദാസ്‌ഗാള്‌മ് നിമാന നഡാത്തി ബന്താദ്. ആന ഓഗന്നാന് ബന്ത പ്‌റ സാമി ആളുവാദ്‌ന പറ്റി സൊല്ലി ബന്റാര്. എഞ്ചോ ആള്‌ഗാള് സാമി ആളുവാദ്‌ക്ക് കഡാക്ക്യ തമാക്ക് മുഡിന്തളാവുക്കു ഓരാഡ്‌ന്റാര്.

അപ്പോസുത്തലാര് 12:11

അന്നാപ്പ്‌ത്തെ തനാക്ക് എന്താറ്റ് എന്റ് പത്ത്‌റോസുക്കു തെരിന്ത്‌ദ്. പ്‌റ അയാള്: <<ആണ്ടവാന് തന്ന് ദൂദാന്‌ന ബ്‌ട്ട് എരോദ കയില് ഇന്ത്‌മ് എഗുദാര് എനാക്ക് ഗേയ ആസെപട്ടാദ്‌ല് ഒട്ടുക്കുമു ഇന്ത് എനാന കാപാറ്റി ഇര്‌ന്റാന്. ഇദ് ഇന്നാല്‌ത്തെ എനാക്ക് സെരിക്ക്‌മ് തെരിന്റ്>> എന്റ് സൊന്നാന്.

അപ്പോസുത്തലാര് 3:18

ആന തന്ന് ക്‌റ്‌സ്‌ത്ത് കങ്കേഞ്ചിപഡുവാന് എന്റ് സാമി തന്ന് ദാസ്‌ഗാള്‌ക്ക് സൊല്ലിന്താന്. അദ്‌ന അയി സാമിദാസ്‌ഗാള് മുന്തെ കാലാല് താനെ സൊല്ലിര്‌ന്റാര്. അദേപാസെ താനെ അദ് ഇന്നാല് നഡാന്ത്‌ദ്.

റോമഗാറാര് 1:2

അയി നല്ല സേദിന സൊല്ല്യ ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റവാന്‌മ് അപ്പോസുത്തലാനായി ബ്‌ളിത്ത്‌റ്‌ന്റവാന്‌മ് ക്‌റ്‌സ്‌ത്ത് ഏസ്സ് ഗിലാസഗാറാന്‌മാന പവുലോസു എന്നുവ നാന്,

1 കൊരിന്ത്യഗാറാര് 14:32

സാമി നായന നേരെ കേ്ട്ട് സൊല്ലുവ സാമിദാസ് നിഗാല്‌ഗാള് അവാര് കയിക്കഡിത്തെ ഇര്‌ക്ക്‌ന്റ്.

1 കൊരിന്ത്യഗാറാര് 7:29

ഏസ്സ്‌ഗാറാരെ, നാന് സൊല്ലി ബരുവ അര്‌ത്ത എന്തെന്റ് സൊന്ന, ഇന്നി അദിഗ നാള് ഇല്ലെ, അദ്‌നാലെ ഇന്നാലിന്ത് പെ്ണ്ടച്ച്യാമ് ഇര്‌ക്ക്‌ന്റവാര് പെ്ണ്ടച്ച്യാമ് ഇല്ലത്തവാര്‌ന പാസെ പെ്ളേക്കുഡൊ.

2 തെസെലോനിക്ക്യഗാറാര് 1:7

അദുക്കുള സാമിന തെര്യാത്തവാര്‌നാമ് നമ്മ് ആണ്ടവാന് ഏസ്സ് സൊന്ന നല്ല സേദി സൊല്ലുപഡിക്ക് നഡാക്കാത്തവാര്‌നാമ് അയാള് പള്യെ്ഡ്‌ക്കുവാന്.

എവുറായാര് 12:9

നമാന ബുദ്ദി സൊല്ലി തിര്‌ത്ത്‌ന അപ്പനാമ് ഈ ബൂമില് നമാക്ക് ഇര്‌ക്ക്‌ന്റാര്. അവാര്‌ന നമ്മ മദ്‌സ്‌ന്റാമ്. അത്ത്യാന മേലോഗാത്ത്‌ല് ഇര്‌ക്കുവ നമ്മ് അപ്പാനാന സാമി നമാന ബുദ്ദി സൊല്ലി തിരുത്തുവാദ്‌ക്ക് എത്ത്‌റാഗോ അദിഗ നമ്മ കെ്ട്ട്‌പട്ട് ഇര്‌ക്കുഡൊ.

2 പത്ത്‌റോസു 1:21

എന്ത്‌ക്കെന്റ് സൊന്ന സാമി സൊല്ലുവാദ്‌ന മന്‌സാര്‌ഗാള്‌ക്ക് സൊല്ലുന്റവാര് സൊന്ന ഈ സേദിഗാള് എന്നാല്‌മ് മന്‌സാന് തന്ന് പിര്യാക്ക് സൊന്ന കാര്യഗാളല്ല. ആന അദ്‌ഗാളെല്ല സാമിനിഗാല് ഉദാവിനാലെ സാമിക്ക് പട്ടവാര് സൊന്നാദ്‌ത്തെ.

ബെ്ളിപട്ട കാര്യ 1:1

സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് ബെ്ളിപഡിസ്യ ബേ്ണ്ടി സാമി ഏസ്സ് ക്‌റ്‌സ്‌ത്ത്‌ക്ക് ബെ്ളിപഡിസി കൊഡുത്ത കാര്യഗാള്. അദ് അയാള് തന്ന് ദൂദാന്‌ന സൊല്ലി ബ്‌ട്ട് തന്ന് ഗിലാസഗാറാന് ഓഗന്നാന്‌ക്ക് ബെ്ളിപഡ്‌സ്‌നാന്.

ബെ്ളിപട്ട കാര്യ 18:20

<മേലോഗഗാറാരെ, ഇത്തെ അവാള്‌ക്ക് അളിവു ബന്താദ്‌നാലെ പിര്യപൊങ്കുനു, സാമിഗാറാര്‌മ് അപ്പോസുത്തലാര്‌മ്, സാമിദാസ്‌ഗാള്‌മ് ആനവാരെ പിര്യപൊങ്കുന്, എന്ത്‌ക്കെന്റ് സൊന്ന അവാള് നിമാന ഗേന്താദ്‌ക്ക് സാമി അവാള്‌ന ദെ്ണ്ടിത്താന്.> >>

ബെ്ളിപട്ട കാര്യ 19:9

അദ്‌ക്ക് പ്‌റ ദൂദാന്, <<കൊറ്യാഡ് കുട്ടി കല്യണ ബിര്‌ന്ത്‌ക്ക് സാമി ബ്‌ളിത്തവാര് ബാഗ്യകേ്ട്ടവാര് എന്റ് എ്ള്‌ദ്. സാമി സൊല്ലുവ ഈ നായ സത്ത്യത്തെ>> എന്റ് എനാക്ക് സൊന്നാന്.

ബെ്ളിപട്ട കാര്യ 21:5

കുറിഞ്ചില് കുക്കാന്ത്‌റ്‌ന്റവാന്, <<ഇദാ, നാന് എല്ലാദ്‌നാമ് പുദ്യാദ് മാഡ്‌ന്റെ>> എന്റ് സൊന്നാന്. പിന്നേമ് അയാള്, <<ഇദ്‌ന എ്ള്‌ദ്, എന്ത്‌ക്കെന്റ് സൊന്ന ഈ നായഗാള് സത്ത്യാമ് നമ്പ്യ മുഡിവാദ്‌മ്‌ത്തെ>> എന്റ് സൊന്നാന്.

ബെ്ളിപട്ട കാര്യ 21:9

കഡേസി കൊഡുക്കുവ ഏ്ള് ദൊഡ്ഡ ദെ്ണ്ടണെഗാള്‌ന തുമ്പിസിന്ത ഏ്ള് സട്ടിഗാള്‌ന പ്‌ഡിത്തിന്ത ഏ്ള് ദൂദനാമ്‌ല് ഒരുത്താന് എന്ന് പട്ട്‌ക്ക് ബന്ത് എനാക്ക്, <<ബാ, കൊറ്യാഡ് കുട്ടി പെ്ണ്ട് ആയ പോവ കല്യണ പെ്ണ്ണ്‌ന കാട്ടി തന്റെ>> എന്റ് സൊന്നാന്.

ബെ്ളിപട്ട കാര്യ 22:1

അദ്‌ക്ക് പ്‌റ പള്‌ങ്ക്‌ന പാസെ തെങ്ക്‌തെങ്ക ഇര്‌ക്കുവ ഉജുരു തരുവ നീര് ഇര്‌ക്കുവ ബാനിന ദൂദാന് എനാക്ക് കാട്ടി തന്താന്. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി പട്ട്‌ലിന്ത്‌ത്തെ അയി ബാനി ബരുവാദ്.

ബെ്ളിപട്ട കാര്യ 22:16

ഏസ്സ്‌ഗാറാര് കൂട്ടഗാള് ആയിര്‌ക്കുവ നിമാക്ക് ഈ കാര്യഗാള്‌ന സൊല്ല്യ ബേ്ണ്ടി ഏസ്സ് എന്നുവ നാന് എന്ന് ദൂദാന്‌ന നിന്ന് പട്ട്‌ക്ക് സൊല്ലി ബ്‌ട്ട്‌റ്‌ന്റെ. നാന് ദാവീദ് കാല്‌ക്ക് പട്ടവാന്‌മ് ദഗദഗാത്ത് എരേവ ബെ്ഡിബെ്ള്ളിമ്‌ത്തെ.>>

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 4:1

അദ്‌ക്ക് പ്‌റ നാന് നോഡുഗാട്ടി, മേലോഗാത്ത്‌ല് ഒന്റു ബാസ ത്‌റാന്ത്‌റ്‌ക്കുവാദ്‌ന നാന് കണ്ടെ. കൊമ്പൂദുവ ജദ്ദന പാസെ മുദാല് എന്നോഡ നായ നൊഡിന്ത ജദ്ദ എനാക്ക് ഇത്തെ സൊല്ലുവാദ്‌ന നാന് കേ്ട്ടെ: <<ഇദ്‌ക്ക് ബാ, ഇന്നി നഡാക്ക്യ പോവാദ് എന്ത് എന്റ് നാന് നിനാക്ക് കാട്ടി തന്റെ.>>