ബെ്ളിപട്ട കാര്യ 22:20 - സാമി സേദി

²⁰ ഈ കാര്യഗാളെല്ല സൊന്റവാന്, <<കണ്ടിപ്പായിമ്, നാന് സട്ടന ബന്റെ>> എന്റ് സൊന്റാന്. ആമേന്, ആണ്ടവാന് ഏസ്സുവേ ബരുഡോമെ.

ബെ്ളിപട്ട കാര്യ 22:20 ပူးပေါင်းရင်းမြစ်များ

ഓഗന്നാന് 21:25

ഏസ്സ് ഗേന്ത ബേ്റെ എഞ്ചോ കാര്യഗാള് ഇര്‌ക്ക്‌ന്റ്, അദ്‌നെല്ല ഒന്റൊന്റായി എ്ള്‌ദ്‌നദാന അയി ബൊക്കുഗാള്‌ന ബെക്ക്യ ഈ ഉലഗ പറ്റമാട്ട എന്റ് നാന് നെനേക്ക്‌ന്റെ.

1 കൊരിന്ത്യഗാറാര് 16:22

ആണ്ടവാന്‌ന സീവാന്‌ബെത്ത് നഡാക്കാത്ത ഏവാന്‌മ് സാപ്പ പ്‌ഡിത്തവാന്! നമ്മ് ആണ്ടവാന് ബന്റാന്.

2 തിമിത്തോസു 4:8

നാന് സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേത്താദ്‌നാലെ കെ്ഡേക്കുവ ഗിര്യാഡന സാമി എനാക്ക് ബേ്ണ്ടി ബെത്ത്‌റ്‌ന്റാന്. ആള്‌ഗാള്‌ന നേരോഡ ദെ്ണ്ടണെ ബിദിക്കുവ ആണ്ടവാന് താന് ദെ്ണ്ടണെ ബിദിക്കുവ നാള്‌ക്ക് എനാക്ക് അയി ഗിര്യാഡന തരുവാന്. എനാക്ക് താനെ അല്ല ആണ്ടവാന് മറിസി ബരുവാദ്‌ന നെഞ്ചഡെബെത്ത് കാത്ത്‌റ്‌ക്ക്‌ന്റവാര്‌ക്ക് ഒട്ടുക്കുമു കൊഡുക്കുവാന്.

എവുറായാര് 10:37

സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവ പാസെ <<ഇന്നി ലേസ നാള് കളിന്ത പ്‌റ ബര്യ ഉള്ളവാന് ബരുവാന്. അയാള് ബര്യ ഗളിഗാഗ മാട്ട.

എവുറായാര് 9:28

ഇദേപാസെ എഞ്ചോ ആള്‌ഗാള് പാവഗാള്‌ന തീര്‌ക്ക്യ ക്‌റ്‌സ്‌ത്ത് ഒന്റു ജമ്പ് തനാന താനെ പലി കൊഡുത്താന്. ജനഗാള് പാവാക്ക് ബേ്ണ്ടി അല്ല തനാന കാത്ത്‌റ്‌ക്കുവ ജനഗാള്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് റണ്ടാവാദ് ബരുവാന്.

ബെ്ളിപട്ട കാര്യ 1:18

നാന് ഉജുരോഡ ഇന്തവാന്‌ത്തെ. നാന് സത്തേന്, ആന ഇന്നാല് നാന് കാലകാല ഉജുരോഡ പെ്ളേത്ത്‌റ്‌ന്റേന്. സാവുന ആള്യാമ് നരഗ ലോഗന ആള്യാമ് എനാക്ക് അദിഗര ഇര്‌ക്ക്‌ന്റ്.

ബെ്ളിപട്ട കാര്യ 1:2

താന് കണ്ടാദെനല്ല ഓഗന്നാന് സൊന്നാന്. അദെല്ല സാമി സൊല്ലുസുലാക്കാമ് ഏസ്സ് ക്‌റ്‌സ്‌ത്ത് ബെ്ളിപഡിസി കൊഡുത്ത സത്ത്യാമ്‌ത്തെ ആയിന്ത്‌ദ്.

ബെ്ളിപട്ട കാര്യ 2:16

അദ്‌നാലെ നിമ്മ് പാവഗാള്‌ന ബ്‌ട്ട്‌തള്ളി സാമിസാരി തിരിഗി ബാന്. അല്ലാദെ പോന, നാന് സട്ടന നിമ്മ് പട്ട്‌ക്ക് ബന്ത് എന്ന് ബായിലിന്ത് കഡാക്കുവ ബാള്‌ല് അവാരോഡ ജുദ്ദ ഗേവേന്.

ബെ്ളിപട്ട കാര്യ 22:10

പിന്നേമ് അയി ദൂദാന് എനാക്ക്, <<സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന മറേസി ബെക്കാദെ. എന്ത്‌ക്കെന്റ് സൊന്ന ഇദെല്ല നഡാക്കുവ സമ്യ അഡ്‌ത്ത്‌റ്‌ക്ക്‌ന്റ്.

ബെ്ളിപട്ട കാര്യ 22:12

<<ഇദാ നോഡുനു, നാന് സട്ടന ബന്റെ, ഒന്റൊന്റാള്‌ക്ക്‌മ് അവനവാന് ഗേന്താദ്‌ക്ക് തഗ്‌ന്ത പാസെ കൊഡുക്കുവ കൂലി എന്നോഡ ഇര്‌ക്ക്‌ന്റ്.

ബെ്ളിപട്ട കാര്യ 22:18

സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ന കേ്ള്‌ക്ക്‌ന്റവാന്‌ക്ക് നാന് സൊല്ലുവാദ് എന്തെന്റ് സൊന്ന, ആരാറ്റ ഈ നായഗാള്‌ക്ക് എന്താറ്റ ഒന്റു സേത്ത്‌നദാന ഈ ബൊക്കുലു എ്ള്‌ദിര്‌ക്കുവ ദൊഡ്ഡ ദെ്ണ്ടണെഗാള്‌ന സാമി അവാര്‌ക്ക് കൊഡുക്കുവാന്.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>