ബെ്ളിപട്ട കാര്യ 22:2 - സാമി സേദി

² അദ് അയി പട്ടണ നഡ്‌ബീദി മേലെ ഒളുഗുന്റു. അയി ബാനിക്ക് അക്കരേമ് ഇക്കരേമ് ഉജുരു തരുവ മര ഇര്‌ക്ക്‌ന്റ്. അദ് പന്നന്റ് ദിന്‌സ്‌ല് ഇര്‌ക്കുവ കായിഗാള് ഒന്റൊന്റു മാസാക്ക് ബ്‌ഡ്‌ന്റ്. ബൂമില് ഇര്‌ക്കുവ ആള്‌ഗാള് തമ്മ നോയി തെ്ള്യ അയി മര എലെഗാള്‌ന മര്‌ന്ത്‌ക്ക് എ്ഡ്‌ക്ക്‌ന്റാര്.

ബെ്ളിപട്ട കാര്യ 22:2 ပူးပေါင်းရင်းမြစ်များ

ലൂക്കോസു 4:18

<<ആണ്ടവാന് നിഗാല് എന്നോഡ ഇര്‌ക്ക്‌ന്റ്. അദ്‌നാലെ ഏ്ളെഗാള്‌ക്ക് നല്ല സേദിന സൊല്ല്യ ആണ്ടവാന് എനാന എ്ഡ്‌ത്ത് ബെത്ത്‌റ്‌ന്റാന്. പ്‌ഡിത്ത് ബെത്ത്‌റ്‌ന്റവാര്‌ന ബ്‌ഡ്‌സുവ സേദി സൊല്ല്യാമ് കുറുഡാര്‌ക്ക് കണ്ണ് കാണ്യാമ് കൊഡിമെ പഡ്‌ന്റവാര്‌ന ബ്‌ഡിസി ബ്‌ഡ്യാമ്

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.

ബെ്ളിപട്ട കാര്യ 2:7

സാമിനിഗാല് ഏസ്സ്‌ഗാറാര് കൂട്ടഗാള്‌ക്ക് സൊല്ലുവാദ് എന്തെന്റ് കേ്ള്‌ക്ക്യ മുഡിന്റവാര് കേ്ള്‌ക്കുഡൊ. ഗെലിസി കഡാക്ക്‌ന്റവാന്‌ന സാമി ദോട്ടാത്ത്‌ലിര്‌ക്കുവ ഉജുരു തരുവ മര പഗാന തിന്ന്യ നാന് ബ്‌ഡ്‌വെ.>>

ബെ്ളിപട്ട കാര്യ 21:21

പന്നന്റ് ബാസഗാള്‌മ് പന്നന്റ് ബെലെപെറ്റ മുത്തുഗാള് ആയിന്ത്‌ദ്, ഒന്റൊന്റു ബാസാമ് ഒന്റൊന്റു ബെലെപെറ്റ മുത്തുലുത്തെ ഉണ്ടാക്കിന്താദ്. തെങ്ക്‌തെങ്ക കന്നാഡിന പാസെ ഇര്‌ക്കുവ കലാപ്പില്ലാത്ത തങ്കാത്ത്‌ല്‌ത്തെ പട്ടണാത്ത്‌ല മുക്ക്യമാന തെരുവു മാഡിന്താദ്.

ബെ്ളിപട്ട കാര്യ 21:24

ബൂമില് ഇര്‌ക്കുവ ആള്‌ഗാള് ഒട്ടുക്കു അയി ബെ്ള്‌സാത്ത്‌ല് നഡാക്കുവാര്. ബൂമില രാജാവുഗാള് തമ്മ് മ്‌ഗ്‌ന്ത സൊത്തു മുദാല്‌ഗാള്‌ന അദ്‌ക്ക് എ്ഡ്‌ത്ത് ബരുവാര്.

ബെ്ളിപട്ട കാര്യ 22:1

അദ്‌ക്ക് പ്‌റ പള്‌ങ്ക്‌ന പാസെ തെങ്ക്‌തെങ്ക ഇര്‌ക്കുവ ഉജുരു തരുവ നീര് ഇര്‌ക്കുവ ബാനിന ദൂദാന് എനാക്ക് കാട്ടി തന്താന്. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി പട്ട്‌ലിന്ത്‌ത്തെ അയി ബാനി ബരുവാദ്.

ബെ്ളിപട്ട കാര്യ 22:14

ഉജുരു തരുവ മരാത്ത്‌ല പഗാന തിന്ന്യാമ് പട്ടണാക്ക് കഡാക്കുവ ബാസഗാള് മേലെ പട്ടണാക്ക് കഡാക്ക്യാമ് ഉരിമെ കെ്ഡേക്ക്യ ബേ്ണ്ടി തമ്മ് ജൊഗെഗാള്‌ന കുമ്മി ബെ്ഡിപ്പ് മാഡ്‌ന്റവാര് ബാഗ്യകേ്ട്ടവാര്.

ബെ്ളിപട്ട കാര്യ 22:19

സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ലിന്ത് ആരാറ്റ ഏദാറ്റ ഒന്റു നായന എ്ഡ്‌ത്ത് തള്ള്‌ന ഈ ബൊക്കുലു എ്ള്‌ദിര്‌ക്കുവ ഉജുരു കൊഡുക്കുവ മരാത്ത്‌ല്‌മ് സാമി പട്ടണാത്ത്‌ല്‌മ് അയാള്‌ക്ക് ഇര്‌ക്കുവ പങ്ക്‌ന സാമി എ്ഡ്‌ത്ത് തള്ളുവാന്.