ബെ്ളിപട്ട കാര്യ 22:19 - സാമി സേദി19 സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ലിന്ത് ആരാറ്റ ഏദാറ്റ ഒന്റു നായന എ്ഡ്‌ത്ത് തള്ള്‌ന ഈ ബൊക്കുലു എ്ള്‌ദിര്‌ക്കുവ ഉജുരു കൊഡുക്കുവ മരാത്ത്‌ല്‌മ് സാമി പട്ടണാത്ത്‌ല്‌മ് അയാള്‌ക്ക് ഇര്‌ക്കുവ പങ്ക്‌ന സാമി എ്ഡ്‌ത്ത് തള്ളുവാന്. အခန်းကိုကြည့်ပါ။ |
ബെ്ളിപട്ട കാര്യ 22:19
24 ပူးပေါင်းရင်းမြစ်များ
പ്‌റ നാന് മേലോഗാത്ത്‌ലിന്ത്: <<ഇദ്‌ന എ്ള്‌ദ്, ആണ്ടവാനോഡ ഒന്റായിന്ത് കൊണ്ടു ഇന്റ് മുദാല് സാന്റവാര് ബാഗ്യകേ്ട്ടവാര്>> എന്റ് സൊല്ലുവ ജദ്ദന കേ്ട്ടേന്. <<സത്ത്യമായിമ് തമ്മ മുക്കിമുക്കി പാഡ്‌പഡുവാദ്‌ന മുഡിത്ത് അവാര് എ്ളേക്കുവാര്. അവാര് ഗിലാസ ഗേന്താദ്‌ക്കുള്ള കണാക്ക് അവാര് ഒപ്പ പോന്റു>> എന്റ് സാമിനിഗാല് സൊല്ലുന്റു.
ഗെല്‌സ്‌ന്റവാര്‌മ് നാന് ആസെപഡുവാദ്‌ന കഡേസി മാട്ട് ഗേന്റവാര്‌മ് ആന എല്ലാവാര്‌ക്ക്‌മ്, എന്ന് അപ്പാന് എനാക്ക് തന്ത പാസെ, എഗുദാരല്ലാത്ത ജാദിഗാള്‌ന ആള്യ നാന് അദിഗര കൊഡുക്കുവെ. <അയാള് അവാര്‌ന ഇര്‌മ്പ് ബഡി എ്ഡ്‌ത്ത് മേസുവാന്. കുജവാന് മണ്ണ് സട്ടിന ഒഡേത്ത് തള്ളുവ പാസെ അയാള് അവാര്‌ന ഒഡേക്കുവാന്.> അയാള് ഗെ്ല്‌സ്‌നാന് എന്റ് കാട്ട്യ നാന് അയാള്‌ക്ക് ബെ്ഡിബെ്ള്ളിനാമ് കൊഡുക്കുവേന്.
ഗെല്‌സ്‌ന്റവാന്‌ന നാന് എന്ന് സാമിബീ്ഡ്‌ല് ഒന്റു കമ്പ മാഡി ബെക്കുവെ. അയാള് ഒന്റു നാള്‌മ് അദ്‌ലിന്ത് പോഗമാട്ടാന്. എന്ന് സാമി പേര് അയാള്‌ക്ക് എ്ള്‌ദുവെ. മേലോഗാത്ത്‌ലിന്ത്, എന്ന് സാമി പട്ട്‌ലിന്ത് താനെത്തെ ഇ്റാഗി ബരുവ സാമി പട്ടണ ആന പുദ്യ എര്‌സലേമ് പേര്‌മ് നാന് അയാള്‌ക്ക് എ്ള്‌ദുവെ. എന്ന് പുദ്യ പേര്‌നാമ് നാന് അയാള്‌ക്ക് എ്ള്‌ദുവെ.
ကြော်ငြာတွေ