ബെ്ളിപട്ട കാര്യ 22:14 - സാമി സേദി

¹⁴ ഉജുരു തരുവ മരാത്ത്‌ല പഗാന തിന്ന്യാമ് പട്ടണാക്ക് കഡാക്കുവ ബാസഗാള് മേലെ പട്ടണാക്ക് കഡാക്ക്യാമ് ഉരിമെ കെ്ഡേക്ക്യ ബേ്ണ്ടി തമ്മ് ജൊഗെഗാള്‌ന കുമ്മി ബെ്ഡിപ്പ് മാഡ്‌ന്റവാര് ബാഗ്യകേ്ട്ടവാര്.

ബെ്ളിപട്ട കാര്യ 22:14 ပူးပေါင်းရင်းမြစ်များ

ഓഗന്നാന് 10:7

ഏസ്സ് പിന്നേമ് അവാര്‌ക്ക് ഇത്തെ സൊന്നാന്: <<നാന് സത്ത്യമായി നിമാക്ക് സൊന്റെ, നാന്‌ത്തെ കൊറ്യാഡ്‌ഗാള് നൊഗേവാദ്‌ക്കുള്ള ബാസ.

ഓഗന്നാന് 10:9

നാന്‌ത്തെ ബാസ. നാന് എന്നുവ ഈ ബാസ മേലെ നൊഗേന്റവാന് തപ്പിസി കഡാക്കുവാന്. അയാള് ഈ ബാസമേലെ ഉളാക്ക്‌മ് പോവാന് ബെ്ളിഗേമ് ബരുവാന്. അയാള്‌ക്ക് നല്ല മേസിമ് കെ്ഡേക്ക്‌മ്.

ഓഗന്നാന് 14:15

<<നിമ്മ എന്നോഡ സീവാന്‌ബെത്ത് നഡാക്കുവദാന നിമ്മ ഗേഡൊ എന്റ് നാന് സൊല്ലിര്‌ക്കുവ കാര്യഗാള്‌ന നിമ്മ ഗേവുറു.

ഓഗന്നാന് 14:6

ഏസ്സ് അയാള്‌ക്ക്: <<നാന്‌ത്തെ ബട്ടെ, നാന്‌ത്തെ സത്ത്യ, നാന്‌ത്തെ ഉജുരു. എന്ന്‌നാലെ അല്ലാദെ ആര്‌ക്ക്‌മ് അപ്പാന് പട്ട്‌ക്ക് പോയ മുഡ്യാമാട്ട.

ഓഗന്നാന് 4:12

നീ നമ്മ് പാട്ടാന് ആക്കോവുന ബ്‌ഡ ദൊഡ്ഡവാന? അയി പാട്ടാന്‌ത്തെ എമാക്ക് ഈ കെ്ണേ്റ് തന്താദ്. അയാള്‌മ് അയാള് മക്കാള്‌മറിമ് അയാള് സാക്കിന്ത ബേ്ണ്ട്‌ഗാള്‌മ് ഈ കെ്ണേ്റ്‌ല നീര്‌നാത്തെ കുഡിത്തിന്താദ്>> എന്റ് ഏസ്സ്‌ക്ക് സൊന്നാള്.

1 കൊരിന്ത്യഗാറാര് 7:19

ഒരുത്താന് പരിസേദനെ സാത്ത്‌റ ഗേന്താനൊ ഗേഗാദിന്താനൊ എന്നുവാദല്ല മുക്ക്യമാന കാര്യ, സാമി സട്ടപഡി നഡാക്കുവാദ്‌ത്തെ മുക്ക്യമാന കാര്യ.

1 കൊരിന്ത്യഗാറാര് 8:9

ഈ കാര്യഗാള്‌ല് എന്ത് മുഡിവു എ്ഡ്‌ക്കുഡൊ എന്നുവ ഉരിമെ നിനാക്ക് ഇര്‌ക്ക്‌ന്റ്. ആന ഈ ഉരിമെ സെരി ഏദ് തപ്പ് ഏദ് എന്റ് ഒറേപ്പില്ലാത്ത ബേ്റൊന്റു ഏസ്സ്‌ഗാറാന്‌ന പാവാക്ക് സിക്ക്‌സുവ ബട്ടെ ആയ പാങ്കില്ലെ.

1 കൊരിന്ത്യഗാറാര് 9:5

ബേ്റെ അപ്പോസുത്തലാര്‌മ് ആണ്ടവാന് തമ്പ്യാമ്‌മ് പത്ത്‌റോസുമു ഗേവ പാസെ ഏസ്സ്‌ഗാറിസി ആന പെ്ണ്ടച്ച്യോഡ നഡാക്ക്യ എമാക്ക് ഉരിമില്ലേഗ?

ഗലാത്ത്യഗാറാര് 5:6

ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ പരിസേദനെ സാത്ത്‌റ ഗേവാദൊ ഗേഗാദിര്‌ക്കുവാദൊ അല്ല ദൊഡ്ഡ കാര്യ. ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ നമ്മ ബെത്ത് നഡാക്കുവ സീവാന്‌ത്തെ ദൊഡ്ഡ കാര്യ.

1 ഓഗന്നാന് 3:3

അയാള് തനി ഉരുവാന കാണ്‌ല എന്റ്‌മ് അയാള്‌ന പാസെ ആവാമെന്റ്‌മ് നെഞ്ചഡെ ബെത്ത്‌റ്‌ന്റവാനെല്ല ക്‌റ്‌സ്‌ത്ത് കുറ്റകൊറേവു ഇല്ലത്തവാന് ആയിര്‌ക്കുവ പാസെ തനാന താനെ കുറ്റകൊറേവു ഇല്ലത്തവാന് മാഡികൊണ്ട്‌റ്‌ന്റാന്.

1 ഓഗന്നാന് 5:3

അത്തെ നമ്മ സാമി സട്ടപഡി നഡാന്ത് സാമ്യോഡ സീവാന് ബെത്ത്‌റ്‌ന്റാമ് എന്റ് കാട്ട്‌ന്റാമ്. സാമി ബെത്ത ഈ സട്ടപഡി നഡാക്കുവാദ് അത്ത്‌റാക്കൊന്റു കജട്ടഗ?

ബെ്ളിപട്ട കാര്യ 2:7

സാമിനിഗാല് ഏസ്സ്‌ഗാറാര് കൂട്ടഗാള്‌ക്ക് സൊല്ലുവാദ് എന്തെന്റ് കേ്ള്‌ക്ക്യ മുഡിന്റവാര് കേ്ള്‌ക്കുഡൊ. ഗെലിസി കഡാക്ക്‌ന്റവാന്‌ന സാമി ദോട്ടാത്ത്‌ലിര്‌ക്കുവ ഉജുരു തരുവ മര പഗാന തിന്ന്യ നാന് ബ്‌ഡ്‌വെ.>>

ബെ്ളിപട്ട കാര്യ 21:12

അയി പട്ടണാക്ക് ഉജാന്ത്‌റ്‌ക്കുവ ദൊഡ്ഡ ഒന്റു സിവാര് ഇന്ത്‌ദ്. അയി സിവാര്‌ല് പന്നന്റ് ബാസഗാള്‌മ് ഒന്റൊന്റു ബാസാത്ത്‌ല്‌മ് ഒന്റൊന്റു ദൂദനാമ്‌മ് ഇന്താര്. അയി ബാസഗാള്‌ല് ഇസ്‌റവേല്‌ല പന്നന്റ് കുല പേര്‌ഗാള്‌മ് എ്ള്‌ദി ബെത്തിന്താര്.

ബെ്ളിപട്ട കാര്യ 21:27

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ കൊറ്യാഡ് കുട്ടി ബൊക്കുലു പേര് ഇര്‌ക്ക്‌ന്റവാര്‌ക്ക് താനെത്തെ അദ്‌ക്ക് കഡാക്ക്യ മുഡിമ്. അയിത്ത്യുള്ളാദ് ഒന്റുമു അദ്‌ക്ക് കഡാക്ക്യ മുഡ്യാമാട്ട. നാണഗെ്ട്ട കാര്യഗാള് ഗേന്തൊ, പൊയി സൊല്ല്യൊ നഡാക്കുവ ആര്‌മ് അദ്‌ക്ക് കഡാക്കമാട്ടാര്.

ബെ്ളിപട്ട കാര്യ 22:2

അദ് അയി പട്ടണ നഡ്‌ബീദി മേലെ ഒളുഗുന്റു. അയി ബാനിക്ക് അക്കരേമ് ഇക്കരേമ് ഉജുരു തരുവ മര ഇര്‌ക്ക്‌ന്റ്. അദ് പന്നന്റ് ദിന്‌സ്‌ല് ഇര്‌ക്കുവ കായിഗാള് ഒന്റൊന്റു മാസാക്ക് ബ്‌ഡ്‌ന്റ്. ബൂമില് ഇര്‌ക്കുവ ആള്‌ഗാള് തമ്മ നോയി തെ്ള്യ അയി മര എലെഗാള്‌ന മര്‌ന്ത്‌ക്ക് എ്ഡ്‌ക്ക്‌ന്റാര്.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 7:14

<<പണ്ണാഡ്യെ, നിനാക്ക് തെരിമല്ല>> എന്റ് നാന് സൊന്നാന്. അദുക്കുള അയാള് എനാക്ക് <<ദൊഡ്ഡ കജട്ടന താങ്കി ബന്തവാര്‌ത്തെ ഇവാര്. തമ്മ് ജൊഗെഗാള്‌ന കൊറ്യാഡ് കുട്ടി സോരേല് കുമ്മി ബെ്ള്‌ക്ക്‌നാര്.