ബെ്ളിപട്ട കാര്യ 22:11 - സാമി സേദി

¹¹ കെ്ട്ടാദ് ഗേന്റവാന് ഇന്നിമ് കെ്ട്ടാദ് ഗേന്ത്‌കൊണ്ടേ ഇര്‌ക്കുഡൊ. പാവ ഗേന്ത് കറെ പ്‌ഡിത്ത്‌റ്‌ക്ക്‌ന്റവാന് ഇന്നിമ് കറെ പ്‌ഡിത്ത് കൊണ്ടേ ഇര്‌ക്കുഡൊ. നേരാന കാര്യഗാള് ഗേന്റവാന് ഇന്നിമ് നേരാന കാര്യഗാള് ഗേന്ത്‌കൊണ്ടേ ഇര്‌ക്കുഡൊ. സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റവാന് ഇന്നിമ് അലാക്ക പ്‌റ്‌ത്ത് ഇര്‌ക്ക്‌ന്റവാനായി താനെ ഇര്‌ക്കുഡൊ>> എന്റ് സൊന്നാന്

ബെ്ളിപട്ട കാര്യ 22:11 ပူးပေါင်းရင်းမြစ်များ

മത്തായി 15:14

അവാര്‌ന പറ്റി നിമ്മ നെനേക്ക ബേ്ഡ. അവാര് കുറുഡാരായിര്‌ക്കുവ തലെവാര്‌ഗാള്‌ത്തെ. ഒന്റു കുറുഡാന് ബേ്റെ ഒന്റു കുറുഡാന്‌ക്ക് ബട്ടെ കാട്ടി പോന റാഡാള്‌മ് കുയിക്ക് ബീ്വാരല്ല>> എന്റ് സൊന്നാന്.

മത്തായി 21:19

ഏസ്സ് ബട്ട്യോരാത്ത്‌ല് ഒന്റു അത്തി മരന കണ്ട് അയി അത്തി മര പട്ട്‌ക്ക് പോനാന്. ആന അദ്‌ല് എലെ അല്ലാദെ ബേ്റെ ഒന്റുമു ഇര്‌ക്കാലെ. പ്‌റ ഏസ്സ് അയി മരന നോഡി: <<ഇന്നി നീ എന്നാല്‌ക്ക്‌മ് കായി പ്‌ഡിക്കാദിര്>> എന്റ് സൊന്നാന്. അന്നാല് താനെ അയി അത്തി മര ഉണാങ്കി തള്ള്‌ട്ട്.

മത്തായി 25:10

അവാര് എ്ണ്ണെ ബാങ്ക്യ പോഗാട്ട്യെല്ല മാപ്‌ളെ ബന്താന്. ഒരിങ്കിന്ത ബീ്ണ്യാര് മാപ്‌ളോഡ കല്യണ ബിര്‌ന്ത്‌ക്ക് പോനാര്. അദ്‌ക്ക് പ്‌റ ബാസന അഡേത്താര്.

മത്തായി 5:45

ഇത്തെ ഗേവാദ്‌നാലെ നിമ്മ മേലോഗാത്ത്‌ല നിമ്മ് അപ്പാനാന സാമിക്ക് പ്‌ള്ളെഗാളാവുറു. എന്ത്‌ക്കെന്റ് സൊന്ന, സാമി കെ്ട്ടവാര്‌ക്ക്‌മ് നല്ലവാര്‌ക്ക്‌മ് ബേ്ണ്ടി തന്ന് നേരന കഡാത്ത്‌ന്റാന്. നേര്‌മെഗാറാര്‌ക്ക്‌മ് നേര്‌മല്ലത്തവാര്‌ക്ക്‌മ് മഗെ അഡ്‌സ്‌ന്റാന്.

മത്തായി 5:6

നീദിക്ക് ബേ്ണ്ടി മ്‌ഗ്‌ന്ത ആസെപഡ്‌ന്റവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന സാമി അവാര്‌ക്ക് മദി ബരമാട്ട്‌ക്ക് നീദ്യുള്ള കാര്യഗാള് ഗേന്ത് കൊഡുക്കുവാന്.

ഓഗന്നാന് 8:21

ഏസ്സ് പിന്നേമ് അവാര്‌ക്ക്: <<നാന് പോന്റെ, നിമ്മ എനാന പരാക്കുവുറു, നിമ്മ് പാവാനാലെ താനെ നിമ്മ സാവുറു, നാന് പോവ പട്ട്‌ക്ക് നിമാക്ക് ബര്യ മുഡ്യാമാട്ട>> എന്റ് സൊന്നാന്.

കൊലേസ്യഗാറാര് 1:22

ആന ഏസ്സ് മന്‌സാനായി സത്താദ്‌നാലെ സാമി നിമാന കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് കെ്ട്ടെ്ണ്ണ ഇല്ലത്തവാര്‌മ് മാഡി തനാക്ക് എ്ണേവുഗാറാര് മാഡി ബെത്ത്‌റ്‌ന്റാന്.

2 തിമിത്തോസു 3:13

ആനാല്‌മ് കെ്ട്ടവാര്‌മ് കെ്ട്ടാദൊന്റുമു ഗേവാദില്ലെന്റ് നഡിക്ക്‌ന്റവാര്‌മ് സേത്തി സേത്തി കെ്ട്ടാദ് ഗേന്ത്‌കൊണ്ടേ ഇര്‌ക്കുവാര്. ഇവാര് ബേ്റാള്‌ഗാള്‌ന സദിക്കുവാര്. ബേ്റെ ആള്‌ഗാള് ഇവാര്‌നാമ് സദിക്കുവാര്.

ജൂദാന് 1:24

നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.

ബെ്ളിപട്ട കാര്യ 16:21

ബാന്‌ലിന്ത് മന്‌സാര് കുദ്ദാക്ക് ദൊഡ്ഡ കല്ല് മഗെ അഡിത്ത്‌ദ്. ഒന്റൊന്റു കല്ല്‌മ് ഒപ്പതപ്പ മുപ്പാദ് കില ഇന്ത്‌ദ്. അവാര്‌ക്ക് ഈ ദൊഡ്ഡ കല്ല് മഗെ ദെ്ണ്ടണെ അത്ത്‌റാമ് കഡ്‌പ്പ ആയിന്താദ്‌നാലെ ആള്‌ഗാള് സാമിക്ക് സാപ്പ ഇക്ക്‌നാര്.

ബെ്ളിപട്ട കാര്യ 22:3

ഇന്നി സാപ്പ ഇര്‌ക്കമാട്ട. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി അദ്‌ല്‌ത്തെ ഇര്‌ക്ക്‌മ്. തന്ന് ഗിലാസഗാറാര് അയാള്‌ന കുമ്മുഡുവാര്.