ബെ്ളിപട്ട കാര്യ 22:10 - സാമി സേദി

¹⁰ പിന്നേമ് അയി ദൂദാന് എനാക്ക്, <<സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന മറേസി ബെക്കാദെ. എന്ത്‌ക്കെന്റ് സൊന്ന ഇദെല്ല നഡാക്കുവ സമ്യ അഡ്‌ത്ത്‌റ്‌ക്ക്‌ന്റ്.

ബെ്ളിപട്ട കാര്യ 22:10 ပူးပေါင်းရင်းမြစ်များ

മത്തായി 10:27

നാന് ഇ്റ്‌ട്ട് കുളാക്ക് നിമാക്ക് സൊല്ലുവാദ്‌ന എല്ലാ ആള്‌ഗാള്‌ക്ക്‌മ് സൊല്ലുനു. കാദ്‌ക്ക് പജിക്കി സൊല്ലുവാദ്‌ന ബീ്ഡ് മ്‌ഗാള് കുദ്ദാക്കിന്ത് ആലാത്ത് സൊല്ലുനു.

റോമഗാറാര് 13:11

നിമ്മ നല്ല സേദിന നമ്പ്‌ന സമ്യന ബെത്ത് നോഡുന നമ്മ തപ്പിസി കഡാക്കുവ നേര ഇന്നാല് ഒന്റേപെ്ട്ട് അഡ്‌ത്ത്‌റ്‌ക്കുവാദ്‌നാലെ ഇന്നാല് ഇദെല്ല ഗേന്. എന്ത്‌ക്കെന്റ് സൊന്ന നിമാക്ക് ഉറാങ്ക്യളാഗുവ നേര ബന്ത്‌ദ്.

റോമഗാറാര് 13:12

ഇ്റ്‌ട്ട് ബെ്ഡ്യ പക്ക ആയിര്‌ക്ക്‌ന്റ്. അദ്‌നാലെ ഇ്റ്‌ട്ട്‌ക്ക് എ്ണേന്ത കാര്യഗാള് ഗേവാദ്‌ന തള്ളി ബെ്ള്‌സാക്ക് എ്ണേന്ത കാര്യഗാള്‌ന ഗേന്.

2 തെസെലോനിക്ക്യഗാറാര് 2:3

ഇത്തെ ആര്‌നാമ് ഏദൊന്റു ദിന്‌സ്‌ല് നിമാന ഏമാത്ത്യ ബ്‌ഡാദേന്. മുദാല് ആള്‌ഗാള് സാമ്യോഡ പോട്ടിക്ക് നിന്റ് ബാദിക്ക്‌ന്റവാര് ആവാര്. അദോഡൊപ്പ നാസാക്ക് ബേ്ണ്ടി പ്‌റാന്തവാന്‌മ് കേ്ഡ്‌ഗെ്ട്ടവാന്‌മ് ബെ്ളിപട്ട് ബരുവാന്.

1 പത്ത്‌റോസു 4:7

ആന ഈ ഉലഗാത്ത്‌ലിര്‌ക്കുവാദെല്ല അളിവാദ്‌ക്കുള്ള കാല അഡ്‌ത്ത്‌റ്‌ന്റ്. അദ്‌നാലെ നിമ്മ സൂസാരിത്തിര്‌ന്റവാര്‌മ് അഡക്കൊദുക്കത്തോഡ ഇര്‌ക്ക്‌ന്റവാര്‌മ് ആയി പരേസി കൊണ്ടേ ഇര്‌ന്.

ബെ്ളിപട്ട കാര്യ 1:11

അദ്‌ല്: <<നീ കാണുവാദ്‌ന ഒന്റു ബൊക്കുക്കു എ്ള്‌ദ്. എപസോസു, സിമ്‌റ്‌ന്ന, പെ്റ്‌ഗമോസു, തയിതിര്യ, സറ്‌ദീസ്, പിലദല്‌പ്യ, ലവുദിക്ക്യ എന്നുവ പട്ടണഗാള്‌ല് ഇര്‌ക്കുവ ഏസ്സ്‌ഗാറാര്‌ത്ത് ഏ്ള് കൂട്ടഗാള്‌ക്ക് അദ്‌ന സൊല്ലു>> എന്റ് സൊല്ലുവാദ്‌ന നാന് കേ്ട്ടേന്.

ബെ്ളിപട്ട കാര്യ 1:3

സാമിലിന്ത് നേരെ കേ്ട്ട് സൊല്ലുവ ഈ നായഗാള്‌ന പഡിക്ക്‌ന്റവാന്‌മ് അദ്‌ന കേ്ള്‌ക്ക്‌ന്റവാന്‌മ് അദ്‌ല് എ്ള്‌ദിര്‌ക്കുവ പാസെ നഡാക്ക്‌ന്റവാന്‌മ് ബാഗ്യകേ്ട്ടവാന്. എന്ത്‌ക്കെന്റ് സൊന്ന ഇദ് നഡാക്ക്യുള്ള സമ്യ അഡ്‌ത്ത്‌റ്‌ക്ക്‌ന്റ്.

ബെ്ളിപട്ട കാര്യ 10:4

അയി ഏ്ള് ഇ്ഡി ബെ്ട്ട്‌ഗാട്ടി സൊല്ലുവാദ്‌ന നാന് എ്ള്‌ദ്യ പട്ടെ. അദുക്കുള മേലോഗാത്ത്‌ലിന്ത് <<ഏ്ള് ഇ്ഡി ബെ്ട്ട്‌ഗാട്ടി സൊന്നാദ്‌ന മറേസി ബെയി, അദ്‌ന എ്ള്‌ദദേന്>> എന്റ് സൊല്ലുവ ജദ്ദന നാന് കേ്ട്ടെ.

ബെ്ളിപട്ട കാര്യ 22:16

ഏസ്സ്‌ഗാറാര് കൂട്ടഗാള് ആയിര്‌ക്കുവ നിമാക്ക് ഈ കാര്യഗാള്‌ന സൊല്ല്യ ബേ്ണ്ടി ഏസ്സ് എന്നുവ നാന് എന്ന് ദൂദാന്‌ന നിന്ന് പട്ട്‌ക്ക് സൊല്ലി ബ്‌ട്ട്‌റ്‌ന്റെ. നാന് ദാവീദ് കാല്‌ക്ക് പട്ടവാന്‌മ് ദഗദഗാത്ത് എരേവ ബെ്ഡിബെ്ള്ളിമ്‌ത്തെ.>>

ബെ്ളിപട്ട കാര്യ 22:18

സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല നായഗാള്‌ന കേ്ള്‌ക്ക്‌ന്റവാന്‌ക്ക് നാന് സൊല്ലുവാദ് എന്തെന്റ് സൊന്ന, ആരാറ്റ ഈ നായഗാള്‌ക്ക് എന്താറ്റ ഒന്റു സേത്ത്‌നദാന ഈ ബൊക്കുലു എ്ള്‌ദിര്‌ക്കുവ ദൊഡ്ഡ ദെ്ണ്ടണെഗാള്‌ന സാമി അവാര്‌ക്ക് കൊഡുക്കുവാന്.

ബെ്ളിപട്ട കാര്യ 22:20

ഈ കാര്യഗാളെല്ല സൊന്റവാന്, <<കണ്ടിപ്പായിമ്, നാന് സട്ടന ബന്റെ>> എന്റ് സൊന്റാന്. ആമേന്, ആണ്ടവാന് ഏസ്സുവേ ബരുഡോമെ.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 22:9

ആന അയി ദൂദാന്, <<നീ അത്തെ ഗേഗാദെ. നിനാന പാസേമ്, ഏസ്സ്‌ഗാറാര് ആന സാമിദാസ്‌ഗാള്‌ന പാസേമ്, ഈ ബൊക്കുലു എ്ള്‌ദിര്‌ക്കുവ സൊല്ലു സുലാക്കഗാള്‌ന കേ്ട്ട് നഡാക്ക്‌ന്റവാര്‌ന പാസേമ് ഇര്‌ക്കുവ ഒന്റു ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ>> എന്റ് സൊന്നാന്.

ബെ്ളിപട്ട കാര്യ 5:1

കുറിഞ്ചില് കുക്കാന്ത്‌റ്‌ന്റവാന് ബല കയില് ഒന്റു ബൊക്കുന നാന് കണ്ടേന്. അദ്‌ക്ക് ഉളാക്ക്‌മ് ബെ്ളിഗേമ് എ്ള്‌ദിന്ത്‌ദ്. അയി ബൊക്കുക്കു ഏ്ള് മുദ്ദുറെ കുത്തി ബെത്തിന്താര്.