ബെ്ളിപട്ട കാര്യ 21:9 - സാമി സേദി

⁹ കഡേസി കൊഡുക്കുവ ഏ്ള് ദൊഡ്ഡ ദെ്ണ്ടണെഗാള്‌ന തുമ്പിസിന്ത ഏ്ള് സട്ടിഗാള്‌ന പ്‌ഡിത്തിന്ത ഏ്ള് ദൂദനാമ്‌ല് ഒരുത്താന് എന്ന് പട്ട്‌ക്ക് ബന്ത് എനാക്ക്, <<ബാ, കൊറ്യാഡ് കുട്ടി പെ്ണ്ട് ആയ പോവ കല്യണ പെ്ണ്ണ്‌ന കാട്ടി തന്റെ>> എന്റ് സൊന്നാന്.

ബെ്ളിപട്ട കാര്യ 21:9 ပူးပေါင်းရင်းမြစ်များ

ബെ്ളിപട്ട കാര്യ 1:1

സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് ബെ്ളിപഡിസ്യ ബേ്ണ്ടി സാമി ഏസ്സ് ക്‌റ്‌സ്‌ത്ത്‌ക്ക് ബെ്ളിപഡിസി കൊഡുത്ത കാര്യഗാള്. അദ് അയാള് തന്ന് ദൂദാന്‌ന സൊല്ലി ബ്‌ട്ട് തന്ന് ഗിലാസഗാറാന് ഓഗന്നാന്‌ക്ക് ബെ്ളിപഡ്‌സ്‌നാന്.

ബെ്ളിപട്ട കാര്യ 17:1

ഏ്ള് സട്ടിഗാള്‌ന കയില് എ്ഡ്‌ത്തിന്ത ഏ്ള് ദൂദനാമ്‌ല് ഒന്റൊരുത്താന് ബന്ത് എനാക്ക്, <<ബാ, പെര്‌വാനിക്ക് അര്‌ഗെ ഇര്‌ക്കുവ മ്‌ഗ്‌ന്ത പട്ടണ എന്നുവ പേര്‌കേ്ട്ട ബേസിക്ക് ബര്യ പോവ ദെ്ണ്ടണെന നാന് കാട്ടി തരുവെ.

ബെ്ളിപട്ട കാര്യ 19:7

നമ്മ പിര്യപഡുഡൊ, മദിമറാന്ത് പിര്യപൊങ്കുഡൊ, അയാള്‌ക്ക് മദ്‌പ്പ്‌മ് കൊഡുക്കുഡൊ. എന്ത്‌ക്കെന്റ് സൊന്ന കൊറ്യാഡ് കുട്ടി കല്യണ നാള് ബന്ത്‌റ്‌ക്ക്‌ന്റ്, അയാള്‌ക്ക് സൊല്ലി ബെത്തിന്ത കല്യണ പെ്ണ്ണ് താന്‌താനെ ഒരിങ്കിമ് ഇര്‌ന്റാള്.

ബെ്ളിപട്ട കാര്യ 21:17

അയി ദൂദാന് അയി സിവാര്‌നാമ് അളാന്താന്. അദുക്കുള മന്‌സാന് അളാക്കുവ അളാവു കണാക്ക്‌ല് ഉജാര നൂറ്റി നാപത്തിനാല് മുള ഇന്ത്‌ദ്.

ബെ്ളിപട്ട കാര്യ 21:2

കല്യണ മാപ്‌ളേക്ക് ബേ്ണ്ടി തൊനേസി ഒരുക്കുന കല്യണ പെ്ണ്ണ്‌ന പാസെ പുദ്യ എര്‌സലേമ് എന്നുവ സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ക്കുവ പട്ടണ മേലോഗാത്ത്‌ലിന്ത്, സാമി പട്ട്‌ല്‌ന്ത് താനെ ഇ്റാഗി ബരുവാദ്‌ന നാന് കണ്ടെ.

ബെ്ളിപട്ട കാര്യ 22:1

അദ്‌ക്ക് പ്‌റ പള്‌ങ്ക്‌ന പാസെ തെങ്ക്‌തെങ്ക ഇര്‌ക്കുവ ഉജുരു തരുവ നീര് ഇര്‌ക്കുവ ബാനിന ദൂദാന് എനാക്ക് കാട്ടി തന്താന്. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി പട്ട്‌ലിന്ത്‌ത്തെ അയി ബാനി ബരുവാദ്.

ബെ്ളിപട്ട കാര്യ 22:17

സാമിനിഗാല്‌മ് കല്യണ പെ്ണ്ണ്‌മ്, <<ബാന്>> എന്റ് സൊന്റാര്. ഇദ്‌ന കേ്ള്‌ക്ക്‌ന്റവാന്‌മ് <<ബാന്>> എന്റ് സൊല്ലുഡൊ. നീരറാക്കെ എ്ഡ്‌ക്ക്‌ന്റവാന്‌മ് ബരുഡൊ. ഉജുരു കൊഡുക്കുവ നീര് ബേ്ഡ്‌മെന്റ് ആസെപഡ്‌ന്റവാനെല്ല ബെലെ കൊഡുക്കാദെ അദ് ബാങ്കി കുഡിക്കുഡൊ.

ബെ്ളിപട്ട കാര്യ 22:6

അയി ദൂദാന് എനാക്ക്, <<ഈ നായഗാള് സത്ത്യാമ് നമ്പ്യ മുഡിവാദ്‌മ്‌ത്തെ. സാമിദാസ്‌ഗാള് എന്ത് സൊല്ലുഡൊ എന്റ് സൊല്ല്യ ബെക്കുവ ആണ്ടവാനാന സാമി ഇന്നി സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് കാട്ടി കൊഡുക്ക്യ തന്ന് ദൂദാന്‌ന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.