ബെ്ളിപട്ട കാര്യ 21:4 - സാമി സേദി

⁴ അവാര് കണ്ണ്‌ല കണ്ണ നീര്‌നെല്ല സാമി തെനേക്കുവാന്. ഇന്നി സാവോ, ദുക്കാഗൊ, കേ്സ്യൊ, ബിജാഗൊ, ഇര്‌ക്കമാട്ട. എന്ത്‌ക്കെന്റ് സൊന്ന മുദാല് ഇന്താദ് ഒട്ടുക്കു കാണദ്യാറ്റ്.>>

ബെ്ളിപട്ട കാര്യ 21:4 ပူးပေါင်းရင်းမြစ်များ

മത്തായി 24:35

ബാന്‌മ് ബൂമിമ് അളിന്ത് പോമു. ആന നാന് സൊന്ന സൊല്ലുസുലാക്കഗാളൊ അളിന്ത് പോഗമാട്ട.>>

1 കൊരിന്ത്യഗാറാര് 15:26

കഡേസി പോട്ടിഗാറാന് എന്നുവാദ് സാവുത്തെ. അദ്‌നാമ് ക്‌റ്‌സ്‌ത്ത് ഇല്ലാദെ മാഡുവാന്.

1 കൊരിന്ത്യഗാറാര് 7:31

ഈ ഉലഗാത്ത്‌ല സുഗഗാള്‌നാമ് ദുക്കഗാള്‌നാമ് അനിബോഗിക്ക്‌ന്റവാര് അദ്‌ക്ക് അഡിമെപഡാദെ ഇര്‌ക്കുഡൊ. എന്ത്‌ക്കെന്റ് സൊന്ന ഈ ഉലഗ ഇദേ ദിന്‌സ്‌ല് ഇര്‌ക്കാദെ ഇല്ലാദായി തള്ള്‌മല്ല.

2 കൊരിന്ത്യഗാറാര് 5:17

ഒരുത്താന് ക്‌റ്‌സ്‌ത്തോഡ ഒന്റായി എ്ണേന്ത അയാള് പുദ്യാദായി ദ്‌ട്ട്‌സ്‌നവാന് ആയിര്‌ക്ക്‌ന്റാന്. പള്യാദെല്ല ഒയിന്ത് പോയി പുദ്യ പെ്ളേപ്പ് തുഡാങ്കിര്‌ക്ക്‌ന്റ്.

2 കൊരിന്ത്യഗാറാര് 6:17

<<അദ്‌നാലെ നിമ്മ അവാര്‌ന ബ്‌ട്ട് പ്‌റ്‌ന്ത് ദൂര ഇര്‌ക്കുഡൊ എന്റ് ആണ്ടവാന് സൊന്റാന്. അയിത്ത്യ ആയിര്‌ക്കുവാദ് ഒന്റുനാമ് അണ്ണദേന്, അത്തെ ഇന്തദാന നാന് നിമാന സേത്തി ബെക്കുവെ>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്.

എവുറായാര് 12:27

<<ഇന്നി ഒന്റു ജമ്പ്>> എന്റ് സൊന്നാദ്‌ക്കുള്ള അര്‌ത്ത എന്നുവാദ്, ഗ്‌ഡ്‌ഗ്‌ഡ ആഡ്‌സ്യ മുഡ്യാത്താദ്‌ഗാള് എന്നാല്‌ക്ക്‌മ് ഇര്‌ക്ക്യ ബേ്ണ്ടി ദ്‌ട്ടിസി ബെത്ത്‌റ്‌ക്കുവ ഗ്‌ഡ്‌ഗ്‌ഡ ആഡ്‌സ്യ മുഡിവ എല്ലാദ്‌നാമ് എ്ഡ്‌ത്ത് തള്ളുവാന് എന്റ്‌ത്തെ.

2 പത്ത്‌റോസു 3:10

ആണ്ടവാന് തിരിഗി ബരുവ നാള് ഒന്റു ത്‌റ്‌ട്ടാന് ബരുവ നാള് പാസെ ബര്‌മ്. അയി നാള്‌ക്ക് ബാന് ദൊഡ്ഡ ജദ്ദോഡ കാണദ്യായി തള്ള്‌മ്. ബാന്‌ലിര്‌ക്കുവ ജാദിഗാള് ഒട്ടുക്കു തീ ബെന്ത് ഉരുഗി പോമു. അദേപാസെ ബൂമിമ് അദ്‌ലിര്‌ക്കുവാദ് ഒട്ടുക്കുമു ബെന്ത് അളിന്ത് തള്ള്‌മ്.

1 ഓഗന്നാന് 2:17

ഇദെല്ല ഉലഗ അളിഗാട്ടി അളിന്ത് പോമു. ആന സാമി ആസെപഡുവ പാസെ ഗേന്റവാന് എന്നാല്‌ക്ക്‌മ് പെ്ളേക്കുവാന്.

ബെ്ളിപട്ട കാര്യ 20:13

കഡാല്‌ല് സത്തവാര്‌ന കഡാല് ബ്‌ട്ട് കൊഡുത്തുദു. ആള്‌ഗാള് സത്ത എ്ഡേമ് സത്തവാര് ഇര്‌ക്കുവ എ്ഡേമ് അദ്‌ലിന്തവാര്‌ഗാള്‌ന ബ്‌ട്ട് കൊഡുത്തുദു. അത്തെ അവാര് ഒന്റൊന്റാള്‌ക്ക് തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് ബിദി കെ്ഡേത്ത്‌ദ്.

ബെ്ളിപട്ട കാര്യ 20:14

അദ്‌ക്ക് പ്‌റ സാവുനാമ് സത്തവാര് ഇര്‌ക്കുവ എ്ഡെനാമ് ഗെന്തഗ കത്തി എരേവ തീ കഡാല്‌ക്ക് ഒന്റേപെ്ട്ട് എ്റിന്ത് ബ്‌ഡുവാന്. ഈ തീ കഡാല്‌ത്തെ റണ്ടാവാദ് സാവു.

ബെ്ളിപട്ട കാര്യ 21:1

അദ്‌ക്ക് പ്‌റ പുദ്യ ബാന്‌നാമ് പുദ്യ ബൂമിനാമ് നാന് കണ്ടേന്. എന്ത്‌ക്കെന്റ് സൊന്ന മുദാല് ഇന്ത ബാന്‌മ് ബൂമി കാണദ്യാറ്റ്. കഡാല്‌മ് ഇന്നി ഇര്‌ക്കമാട്ട.

ബെ്ളിപട്ട കാര്യ 22:3

ഇന്നി സാപ്പ ഇര്‌ക്കമാട്ട. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി അദ്‌ല്‌ത്തെ ഇര്‌ക്ക്‌മ്. തന്ന് ഗിലാസഗാറാര് അയാള്‌ന കുമ്മുഡുവാര്.

ബെ്ളിപട്ട കാര്യ 7:17

കുറിഞ്ചിക്ക് നഡ്‌ക്കെ ഇര്‌ക്കുവ കൊറ്യാഡ് കുട്ടി അവാര്‌ക്ക് മാട്ട്യാന് ആയിര്‌ക്കുവാന്. ഉജുരു തരുവ നീര് ജെനിക്കുവ പട്ട്‌ക്ക് അയാള് അവാര്‌ന കൂട്ടി പോവാന്. അവാര് കണ്ണ്‌ല കണ്ണനീര്‌നെല്ല സാമി തെനേക്കുവാന്.>>