ബെ്ളിപട്ട കാര്യ 21:27 - സാമി സേദി27 എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ കൊറ്യാഡ് കുട്ടി ബൊക്കുലു പേര് ഇര്‌ക്ക്‌ന്റവാര്‌ക്ക് താനെത്തെ അദ്‌ക്ക് കഡാക്ക്യ മുഡിമ്. അയിത്ത്യുള്ളാദ് ഒന്റുമു അദ്‌ക്ക് കഡാക്ക്യ മുഡ്യാമാട്ട. നാണഗെ്ട്ട കാര്യഗാള് ഗേന്തൊ, പൊയി സൊല്ല്യൊ നഡാക്കുവ ആര്‌മ് അദ്‌ക്ക് കഡാക്കമാട്ടാര്. အခန်းကိုကြည့်ပါ။ |
ബെ്ളിപട്ട കാര്യ 21:27
28 ပူးပေါင်းရင်းမြစ်များ
എനാക്ക് തൊണെ ഇര്‌ക്കുവ എന്ന് പൊന്നാ, ഈ പെ്ണ്ണ്‌മക്കാള്‌ന നീ കയിതാങ്കുഡൊ എന്റ് നിനാക്ക് നാന് സൊന്റെ. എന്ത്‌ക്കെന്റ് സൊന്ന ഈ പെ്ണ്ണ്‌മക്കാള് നല്ല സേദിന സൊല്ല്യ ബേ്ണ്ടി എന്നോഡൊപ്പ മ്‌ഗ്‌ന്ത പാഡ്‌പട്ട്‌റ്‌ന്റാര്. ക്‌ളിമെന്റോഡാമ് എന്നോഡ ഗിലാസ ഗേന്ത ബേ്റെ ആള്‌ഗാളോഡാമ് ഈ പെ്ണ്ണ്‌മക്കാള് ഗിലാസ ഗേന്ത്‌റ്‌ന്റാര്. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഇവാര് പേര്‌ഗാള്‌നൊട്ടുക്കു സാമി സേത്തിര്‌ക്ക്‌ന്റാന്.
ബേസ്യാഡ്‌ന്റവാര്‌ക്ക്‌മ്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഒന്റായി ഉറാങ്ക്‌ന്റവാര്‌ക്ക്‌മ്, ആള്‌ഗാള്‌ന പ്‌ഡിത്തെ്ഡ്‌ത്ത് പോന്റവാര്ക്ക്‌മ്, അഡിമെഗാള്‌ന മാറ്‌ന്റവാര്‌ക്ക്‌മ്, ഉറുട്ടു സൊല്ലി നഡാക്ക്‌ന്റവാര്‌ക്ക്‌മ്, പൊയി സൊല്ലി സത്ത്യ ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്. അവാര്‌ക്ക് താനെ അല്ല, നേര്‌മാന ബുദ്ദിനായാഗാള്‌ക്ക് മീ്റി എന്ത്‌മ് ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്.
ദൊഡ്ഡവാര്‌മ് സ്‌ന്നവാര്‌മ് ആയി അത്തെ സത്തവാര് ഒട്ടുക്കു കുറിഞ്ചി മുന്നുക്കു നിന്റ്‌റ്‌ക്കുവാദ്‌നാമ് നാന് കണ്ടെ. ബൊക്കുഗാള്‌ന ത്‌റാന്താന്. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കു എന്നുവ ബേ്റെ ഒന്റു ബൊക്കുനാമ് ത്‌റാന്താന്. ബൊക്കുഗാള്‌ല് എ്ള്‌ദിര്‌ക്കുവ പാസെ തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് സത്തവാര്‌ക്കുള്ള ബിദി സൊന്നാന്.
ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.
ကြော်ငြာတွေ