ബെ്ളിപട്ട കാര്യ 21:22 - സാമി സേദി22 പട്ടണാത്ത്ല് സാമിബീ്ഡ് ഒന്റുനാമ് നാന് കാണാലെ. എന്ത്ക്കെന്റ് സൊന്ന എല്ലാ ബിലാമ് ഇര്ക്കുവ ആണ്ടവാനാന സാമിമ്, കൊറ്യാഡ് കുട്ടിമ്ത്തെ അയി പട്ടണാത്ത്ല സാമിബീ്ഡ്. အခန်းကိုကြည့်ပါ။ |
ഇവാര് പെ്ണ്ണ്മക്കാളോഡ ഉറാങ്കി തമാന കെ്ഡ്സാദെ കന്നി പെ്ണ്ണ്ഗാള്ന പാസെ ഇന്താര്. അവാര് കൊറ്യാഡ് കുട്ടി പിന്ന്മേലെ അദ് പോവ സാര്യെല്ല പോന്റാര്. മന്സാര്ഗാള്ലിന്ത് ബെലേക്ക് ബാങ്ക്നവാര്മ് അറ്ക്കാട്ടി മുദാല് കെ്ഡേക്കുവ ബെ്ള്ളാമെന സാമിക്ക് കൊഡുക്കുവ പാസെ സാമിക്ക്മ് കൊറ്യാഡ് കുട്ടിക്ക്മ് കൊഡുത്തവാര്മ്ത്തെ ഇവാര്.
സാമി ഗിലാസഗാറാന് ആന മോസെ പാട്ട്മ് കൊറ്യാഡ് കുട്ടി പാട്ട്മ് അവാര് പാഡ്നാര്. അദ് ഇത്തേത്തെ, എല്ലാ ബിലാമ് ഇര്ക്കുവ ആണ്ടവാനാന സാമ്യെ, നീ ഗേന്ത കാര്യഗാള് മ്ഗ്ന്താദ്മ് അദിസ്യമാനാദ്മ്ത്തെ, ഉലഗാത്ത്ല് ഇര്ക്കുവ എല്ലാ ആള്ഗാള്ത്ത്മ് രാജാവെ, നീ ഗേവ കാര്യഗാള് നേര്മെ ഉള്ളാദ്മ് സത്ത്യമുള്ളാദ്മ്ത്തെ.
ബൂമില് ഇര്ക്കുവ എല്ലാ ആള്ഗാള്നാമ് സോലുസ്യ ബേ്ണ്ടി അയാള് ബായിലിന്ത് ഉരുക്കിര്ക്കുവ ബാള് ബെ്ളിഗെ കഡാക്ക്ന്റ്. <<അയാള് അവാര്ന ഇര്മ്പ് ബഡി എ്ഡ്ത്ത് ആളുവാന്.>> അയാള് മുന്തിരി സാര മെ്ട്ടി പെജേന്ത് എ്ഡ്ക്കുവ കുയിക്ക് മുന്തിരിന ഇക്കി മെ്ട്ടി പെജേവാന്. എല്ലാ ബിലാമ് ഇര്ക്കുവ സാമി മൊനേന കാട്ടുവാദ്ത്തെ അയി കുയി.
നാക്ക് ഉജുരുകെ്ളെഗാള്ക്ക്മ് ആറാറ് ഇ്റാക്കെഗാള് ഇന്ത്ദ്. അദ്ഗാള്ക്ക് ഉള്ളുക്കുമു ബെ്ളിഗേമ് കണ്ണ്ഗാള് തുമ്പിന്ത്ദ്. ഇന്തിന്തവാന്മ് ഇന്നാല് ഇര്ക്ക്ന്റവാന്മ് ഇന്നി ബര്യ ഇര്ക്ക്ന്റവാന്മ് ആന എല്ലാ ബിലാമ് ഇര്ക്കുവ ആണ്ടവാനാന സാമി മ്ഗ്ന്ത സുത്താപ്പുള്ളവാന്, മ്ഗ്ന്ത സുത്താപ്പുള്ളവാന്, മ്ഗ്ന്ത സുത്താപ്പുള്ളവാന് എന്റ് അദ്ഗാള് റാവുപഗാല് എ്ളേക്കാദെ സൊല്ലി കൊണ്ടേ ഇന്ത്ദ്.
കുറിഞ്ചില് നാക്ക് ഉജുരുകെ്ളെഗാള്ക്ക് നഡ്ക്കേമ്, ഇരുവത്തിനാല് മൂപ്പനാമ്ഗാള്ക്ക് നഡ്ക്കേമ് ഒന്റു കൊറ്യാഡ് കുട്ടി നിന്റ്റ്ക്കുവാദ്ന നാന് കണ്ടേന്. അദ്ന കണ്ട അറ്ത്ത് കൊന്റു ബെത്ത്റ്ക്കുവ പാസെ ഇര്ക്ക്ന്റ്. അദ്ക്ക് ഏ്ള് കൊമ്പുമു ഏ്ള് കണ്ണ്മ് ഇന്ത്ദ്. ബൂമിക്ക് എല്ലാ സാരിമ് സാമി സൊല്ലി ബ്ട്ട്റ്ക്കുവ സാമി നിഗാല്ഗാള്ത്തെ അയി കണ്ണ്ഗാള്.