ബെ്ളിപട്ട കാര്യ 21:12 - സാമി സേദി

¹² അയി പട്ടണാക്ക് ഉജാന്ത്‌റ്‌ക്കുവ ദൊഡ്ഡ ഒന്റു സിവാര് ഇന്ത്‌ദ്. അയി സിവാര്‌ല് പന്നന്റ് ബാസഗാള്‌മ് ഒന്റൊന്റു ബാസാത്ത്‌ല്‌മ് ഒന്റൊന്റു ദൂദനാമ്‌മ് ഇന്താര്. അയി ബാസഗാള്‌ല് ഇസ്‌റവേല്‌ല പന്നന്റ് കുല പേര്‌ഗാള്‌മ് എ്ള്‌ദി ബെത്തിന്താര്.

ബെ്ളിപട്ട കാര്യ 21:12 ပူးပေါင်းရင်းမြစ်များ

മത്തായി 18:10

<<ഈ താന്തവാര്‌ല് ഒരുത്താന്‌ന മാനഗെ്ഡ്‌സാദിര്‌ക്ക്യ സൂസാരിത്തിര്‌ന്. എന്ത്‌ക്കെന്റ് സൊന്ന മേലോഗാത്ത്‌ലിര്‌ക്കുവ അവാര് ദൂദാര്‌ഗാള് മേലോഗാത്ത്‌ലിര്‌ക്കുവ എന്നപ്പാന് സാമിന ഒപ്പ കണ്ട് കൊണ്ട്‌റ്‌ക്ക്‌ന്റാര് എന്റ് നാന് നിമാക്ക് സൊന്റെ.

ലൂക്കോസു 15:10

അദേപാസെത്തെ പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗുവ ഒന്റു പാവ ഗേന്റവാന്‌ന നെനേത്ത് സാമിദൂദാര് പട്ട്‌ല് പിര്യപൊങ്കുവാര് എന്റ് നാന് നിമാക്ക് സൊന്റെ.>>

ലൂക്കോസു 16:22

അയി ഏ്ള്യായിന്ത ലാസാറ് സാഗാട്ടി ദൂദാര് അയാള്‌ന അവുറഗാമ് പട്ട്‌ക്ക് എ്ഡ്‌ത്ത് പോനാര്. അയി പണഗാറാന്‌മ് സത്ത് അഡാക്ക ഗേന്താര്.

അപ്പോസുത്തലാര് 26:7

സാമി തരുവെ എന്റ് സൊല്ലിര്‌ക്കുവ ഈ ബാക്ക്‌വരഗാള്‌ന കെ്ഡേക്ക്‌മെന്റ് നമ്പിക്കോഡ കാത്ത്‌കൊണ്ടു എമ്മ് പന്നന്റ് ബമ്മേസഗാള്‌മ് ഇ്റ്‌ട്ട്‌പഗാല് സാമിന കുമ്മുഡി നഡാക്ക്‌ന്റാര്. മഗരാജാവെ, അത്തെ നാന് നമ്പി കാത്ത്‌റ്‌ക്കുവാദ്‌നാലെത്തെ ഈ എഗുദാര് എനാന കുറ്റഗാറാന് മാഡിര്‌ക്കുവാദ്.

എവുറായാര് 1:14

ആന ദൂദാര്‌ഗാളെല്ല സാമിക്ക് ഗിലാസ ഗേയ ബെത്ത്‌റ്‌ക്കുവ നിഗാല്‌ഗാള്‌ത്തെ. തപ്പിസി കഡാക്ക്യ പോന്റവാര്‌ന കയിതാങ്ക്യ സാമി അവാര്‌ന സൊല്ലി ബ്‌ഡ്‌ന്റാന്.

ബെ്ളിപട്ട കാര്യ 21:13

ക്‌ളാക്ക് സാരി മൂറു ബാസഗാള്‌മ്, ബഡാക്ക് സാരി മൂറു ബാസഗാള്‌മ്, തെക്ക് സാരി മൂറു ബാസഗാള്‌മ്, മേക്ക് സാരി മൂറു ബാസഗാള്‌മ് ഇന്ത്‌ദ്.

ബെ്ളിപട്ട കാര്യ 21:15

എന്നോഡ നായ നൊഡിന്ത ദൂദാനോഡ അയി പട്ടണനാമ് അയി പട്ടണ ബാസഗാള്‌നാമ് അയി പട്ടണ സിവാര്‌നാമ് അളാക്ക്യ ഒന്റു പൊന്നുലു ഉണ്ടാക്ക്‌ന കോലുമു ഇന്ത്‌ദ്.

ബെ്ളിപട്ട കാര്യ 21:25

അയി പട്ടണാത്ത്‌ല ബാസഗാള് പഗാല് ഗളിഗേക്ക് അഡേക്കാഗേ മാട്ട, എന്ത്‌ക്കെന്റ് സൊന്ന ജാമ എന്നുവാദ് അദ്‌ല് ഇല്ല്യല്ല.

ബെ്ളിപട്ട കാര്യ 22:14

ഉജുരു തരുവ മരാത്ത്‌ല പഗാന തിന്ന്യാമ് പട്ടണാക്ക് കഡാക്കുവ ബാസഗാള് മേലെ പട്ടണാക്ക് കഡാക്ക്യാമ് ഉരിമെ കെ്ഡേക്ക്യ ബേ്ണ്ടി തമ്മ് ജൊഗെഗാള്‌ന കുമ്മി ബെ്ഡിപ്പ് മാഡ്‌ന്റവാര് ബാഗ്യകേ്ട്ടവാര്.