ബെ്ളിപട്ട കാര്യ 21:11 - സാമി സേദി

¹¹ സാമി മദ്‌പ്പ്‌ക്ക് ഇര്‌ക്കുവ ബെ്ഡിപ്പ് ബെ്ള്‌സാത്ത്‌ല് അയി പട്ടണ ബെ്ഡിന്ത് തള്ള്‌ട്ട്. അയി പട്ടണ സൂര്യഗാന്ത കല്ല്‌ന പാസെ ഇര്‌ക്കുവ ബെലെപെറ്റ കല്ല് ദഗദഗാത്ത് എരേവ പാസെ എരേന്ത് കൊണ്ടുമു പള്‌ങ്ക്‌ന പാസെ തെങ്ക്‌തെങ്കാമ് ഇന്ത്‌ദ്.

ബെ്ളിപട്ട കാര്യ 21:11 ပူးပေါင်းရင်းမြစ်များ

ബെ്ളിപട്ട കാര്യ 15:8

സാമി മദ്‌പ്പ്‌നാമ് സക്‌തിനാമ് കാട്ടുവ പൊഗെ സാമിബീ്ഡ് ഒട്ടുക്കു തുമ്പുറ്റു. അയി ഏ്ള് ദൂദനാമ് ബ്‌ഡുവ ഏ്ള് ദൊഡ്ഡ ദെ്ണ്ടണെഗാള്‌ന അവാര് ബ്‌ട്ട് തീര മാട്ട്‌ക്ക് ആര്‌ക്ക്‌മ് സാമിബീ്ഡ്‌ക്ക് കഡാക്ക്യ മുഡ്യാദിന്ത്‌ദ്.

ബെ്ളിപട്ട കാര്യ 22:1

അദ്‌ക്ക് പ്‌റ പള്‌ങ്ക്‌ന പാസെ തെങ്ക്‌തെങ്ക ഇര്‌ക്കുവ ഉജുരു തരുവ നീര് ഇര്‌ക്കുവ ബാനിന ദൂദാന് എനാക്ക് കാട്ടി തന്താന്. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി പട്ട്‌ലിന്ത്‌ത്തെ അയി ബാനി ബരുവാദ്.

ബെ്ളിപട്ട കാര്യ 22:5

അദ്‌ല് ഇന്നി ജാമ ഇര്‌ക്കമാട്ട. സാമ്യാന ആണ്ടവാന് അവാര്‌ക്ക് ബ്‌ളാക്ക് ആയിര്‌ക്കുവാദ്‌നാലെ ബ്‌ളാക്ക് ബെ്ള്‌സാഗൊ നേര ബെ്ള്‌സാഗൊ അവാര്‌ക്ക് തേവില്ലെ. അവാര് എന്നാല്‌ക്ക്‌മ് രാജാവുഗാള്‌ന പാസെ ആളുവാര്.

ബെ്ളിപട്ട കാര്യ 4:3

അദ്‌ല് കുക്കാന്തിന്തവാന് സൂര്യഗാന്ത കല്ല്‌ന പാസേമ് പത്ത്‌മറാഗ കല്ല്‌ന പാസേമ് കുറിഞ്ചിക്ക് സുറ്റുമു കാട്ട്‌റ്റ്. കുറുഞ്ചിക്ക് സുറ്റുമു മരദഗ കല്ല്‌ന പാസെ കാട്ടുവ കാമ ബില്ല്‌മ് ഇന്ത്‌ദ്.

ബെ്ളിപട്ട കാര്യ 4:6

അയി കുറിഞ്ചി മുന്നുക്കു കന്നാഡിന പാസെ ഉള്ള കഡാല്‌മ് ഇന്ത്‌ദ്. അദ് പള്‌ങ്ക്‌ന പാസെ തെങ്ക്‌തെങ്ക ഇന്ത്‌ദ്. അദ്‌ല് നഡ്‌ക്കെ, അയി കുറുഞ്ചിക്ക് സുറ്റുമു നാക്ക് ഉജുരുകെ്ളെഗാള് ഇന്ത്‌ദ്. അദ്‌ഗാള്‌ക്ക് മുന്നുക്കുമു പിന്ന്‌ക്ക്‌മ് മൊത്തന കണ്ണ്‌ഗാള് ഇന്ത്‌ദ്.