ബെ്ളിപട്ട കാര്യ 20:5 - സാമി സേദി

⁵ പ്‌റ സത്തവാര്‌ല് മിച്ച ഇര്‌ക്ക്‌ന്റവാര്‌ക്ക് ആയിര ബര്‌സ്സ കള്യ മാട്ട്‌ക്ക് ഉജുരു കെ്ഡേക്കാലെ. ഇദ്‌ത്തെ മുദാല് ഉജുര്‌ളാഗുവാദ്.

ബെ്ളിപട്ട കാര്യ 20:5 ပူးပေါင်းရင်းမြစ်များ

ലൂക്കോസു 14:14

അന്നാപ്പ് നീ ബാഗ്യകേ്ട്ടവാന് ആവായി. എന്ത്‌ക്കെന്റ് സൊന്ന നീ അവാര്‌ക്ക് ബിര്‌ന്തട്ട് കൊഡുത്ത പാസെ നിനാക്ക് ബിര്‌ന്തട്ട് തര്യ അവാര് കയില് ഒന്റുമില്ലെ. നേര്‌മെഗാറാര്‌മ് ഉജുര്‌ളാഗുവ ഗളിഗേക്ക് അദുക്കുള്ള കൂലി സാമി നിനാക്ക് തരുവാന്>> എന്റ് സൊന്നാന്.

റോമഗാറാര് 11:15

അവാര്‌ന തള്ള്‌നാദ്‌നാലെ ഉലഗാത്ത്‌ല ജനഗാള്‌ക്ക്‌മ് സാമിക്ക്‌മ് രാജി കൂഡ്യ മുഡിന്ത്‌ദ്. അത്ത്യായിന്ത സാമി ഇസ്‌റവേല്‌ഗാറാര്‌ന ഇന്നി സേത്തി ബെത്തദാന അദ് സത്തവാര് ഉജുര്‌ളാഗുവാദ്‌ക്ക് സമ എന്റല്ലാദെ ബേ്റെന്തെന്റ് സൊല്ല്യാമ്?

1 തെസെലോനിക്ക്യഗാറാര് 4:16

ആണ്ടവാന് അമ്‌സാത്തോഡ സൊല്ലുവ കല്‌പനോഡാമ് മുക്ക്യമാന ദൂദാന് മാഡുവ ജദ്ദത്തോഡാമ് സാമി ആലാക്കുവ ആലാപ്പോഡാമ് മേലോഗാത്ത്‌ലിന്ത് ഇ്റാഗി ബരുവാന്. അദുക്കുള ക്‌റ്‌സ്‌ത്ത്‌ന നമ്പി സത്തവാര് മുദാല് ഉജുര്‌ളാഗുവാര്.

ബെ്ളിപട്ട കാര്യ 11:11

മൂണരെ നാള് കളിന്ത പ്‌റ ഉജുരു കൊഡുക്കുവ മൂസു സാമിലിന്ത് അവാര്‌ക്ക് ബന്ത്‌ദ്. അദുക്കുള അവാര് ഇ്ളാഗി നിന്റാര്. അവാര്‌ന കണ്ടവാര് അഞ്ചിക്കെപട്ടാര്.

ബെ്ളിപട്ട കാര്യ 11:15

ഏ്ളാവദ് ദൂദാന് കൊമ്പൂദുഗാട്ടി മേലോഗത്ത്‌ലിന്ത് ദൊഡ്ഡ ജദ്ദഗാള് ഉണ്ടാറ്റ്. <<നമ്മ് ആണ്ടവാന്‌ക്ക്‌മ് അയാള് ക്‌റ്‌സ്‌ത്ത്‌ക്ക്‌മ് ഉലഗ രാജ്യന ഒട്ടുക്കു ആള്‌വാദ്‌ക്കുള്ള അദിഗര ഇര്‌ക്ക്‌ന്റ്. അയാള് എന്നാല്‌ക്ക്‌മ് ആളുവാന്.>>