ബെ്ളിപട്ട കാര്യ 20:11 - സാമി സേദി

¹¹ അദ്‌ക്ക് പ്‌റ ബെ്ള്ളെബെ്ള്ള്യ ഇര്‌ക്കുവ ദൊഡ്ഡ ഒന്റു കുറിഞ്ചിനാമ് അദ്‌ല് കുക്കാന്ത് ഇര്‌ക്ക്‌ന്റവാന്‌നാമ് നാന് കണ്ടെ. അയാള് പട്ട്‌ലിന്ത് ബൂമിമ് ബാന്‌മ് ഓഡി പോറ്റു. പിന്നെ അദ്‌ഗാള്‌ന കാണാഗേ ഇല്ലെ.

ബെ്ളിപട്ട കാര്യ 20:11 ပူးပေါင်းရင်းမြစ်များ

മത്തായി 11:22

ആന സോരുഗാറാര്‌ക്ക്‌മ് സീദോനുഗാറാര്‌ക്ക്‌മ് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് നിമാക്ക് കെ്ഡേക്ക്‌മ് എന്റ് നാന് നിമാക്ക് സൊന്റെ.

മത്തായി 24:35

ബാന്‌മ് ബൂമിമ് അളിന്ത് പോമു. ആന നാന് സൊന്ന സൊല്ലുസുലാക്കഗാളൊ അളിന്ത് പോഗമാട്ട.>>

മത്തായി 25:31

<<മന്‌സാനായി പ്‌റാന്തവാന് തന്ന് മദ്‌പ്പ്‌ല് എല്ലാ സാമിദൂദാരോഡ ബര്‌ഗാട്ടി തന്ന് മദ്‌പ്പിര്‌ക്കുവ കുറിഞ്ചിക്ക് കുക്കാക്കുവാന്.

റോമഗാറാര് 2:5

ആന നിമാക്കിര്‌ക്കുവ നെഞ്ച് മര നെഞ്ച്‌മ് സാമിസാരി തിരിഗ്യ മനേസ്സില്ലാത്ത നെഞ്ച്‌മ്‌ത്തെ. അദ്‌നാലെ സാമി നേര്‌മോഡ ബിക്കുവ ബിദി ബെ്ളിപഡുവ നാള്‌ക്ക് ബേ്ണ്ടിമ് ദെ്ണ്ടണെ കൊഡുത്തു തന്ന് മൊനേന കാട്ടുവ നാള്‌ക്ക് ബേ്ണ്ടിമ് നിമാക്കുള്ള മ്‌ഗ്‌ന്ത ദെ്ണ്ടണെ നിമ്മ താനെ സേത്തി സേത്തി ബെക്ക്‌ന്റ്‌റ്.

ബെ്ളിപട്ട കാര്യ 12:8

എന്റാല്‌മ് ദൊഡ്ഡ പാമ്പ്‌ക്ക് ഗെലിസി കഡാക്ക്യ മുഡ്യാലെ. പ്‌റ മേലോഗാത്ത്‌ല് അവാര്‌ക്ക് എ്ഡേമ് കെ്ഡേക്കാലെ.

ബെ്ളിപട്ട കാര്യ 16:20

സുറ്റുമു നീര് ഇര്‌ക്കുവ എല്ലാ എ്ഡെഗാള്‌മ് കാണദ്യാറ്റ്. എല്ലാ മലെഗാള്‌മ് ഇല്ലാദാറ്റ്.

ബെ്ളിപട്ട കാര്യ 19:11

അദ്‌ക്ക് പ്‌റ മേലോഗ ത്‌റാന്ത്‌റ്‌ക്കുവാദ്‌ന നാന് കണ്ടെ. നാന് നോഡുഗാട്ടി ഒന്റു ബെ്ള്ള കുദുറെന കണ്ടെ. അയി കുദുറെ കുദ്ദാക്ക് കുക്കാന്ത് ഇര്‌ന്റവാന്‌ന നമ്പ്യ മുഡിന്റവാന് എന്റ്‌മ് സത്ത്യമുള്ളവാന് എന്റ്‌മ്‌ത്തെ ബ്‌ളിത്തിന്താദ്. നേര്‌മോഡാത്തെ അയാള് ആള്‌ഗാള്‌ന ബിദിക്കുവാദ്‌മ് പോട്ടിഗാറാരോഡ ജുദ്ദ ഗേവാദ്‌മ്.

ബെ്ളിപട്ട കാര്യ 20:2

പിജാദ് എന്റ്‌മ് സെയിത്താന് എന്റ്‌മ് സൊല്ലുവ അയി പള്യ ദൊഡ്ഡ പാമ്പ്‌ന അയി ദൂദാന് പ്‌ഡിത്ത് ആയിര ബര്‌സ്സാക്ക് സങ്കിലിക്ക് കെ്ട്ടി ബെത്താന്.

ബെ്ളിപട്ട കാര്യ 21:1

അദ്‌ക്ക് പ്‌റ പുദ്യ ബാന്‌നാമ് പുദ്യ ബൂമിനാമ് നാന് കണ്ടേന്. എന്ത്‌ക്കെന്റ് സൊന്ന മുദാല് ഇന്ത ബാന്‌മ് ബൂമി കാണദ്യാറ്റ്. കഡാല്‌മ് ഇന്നി ഇര്‌ക്കമാട്ട.

ബെ്ളിപട്ട കാര്യ 21:5

കുറിഞ്ചില് കുക്കാന്ത്‌റ്‌ന്റവാന്, <<ഇദാ, നാന് എല്ലാദ്‌നാമ് പുദ്യാദ് മാഡ്‌ന്റെ>> എന്റ് സൊന്നാന്. പിന്നേമ് അയാള്, <<ഇദ്‌ന എ്ള്‌ദ്, എന്ത്‌ക്കെന്റ് സൊന്ന ഈ നായഗാള് സത്ത്യാമ് നമ്പ്യ മുഡിവാദ്‌മ്‌ത്തെ>> എന്റ് സൊന്നാന്.

ബെ്ളിപട്ട കാര്യ 4:2

അന്നാല് താനെ സാമിനിഗാല് നഡാത്തുവാദ്‌ക്ക് നാന് ഒന്റേപെ്ട്ട് കെ്ട്ട്‌പട്ട് ഇന്തേന്. കുറിഞ്ചിനാമ് അദ്‌ല് ഒന്റാള് കുക്കാന്ത്‌റ്‌ക്കുവാദ്‌നാമ് മേലോഗാത്ത്‌ല് നാന് കണ്ടെ.

ബെ്ളിപട്ട കാര്യ 6:14

ഒന്റു ബൊക്കുന സുറുട്ടി ബെക്കുവ പാസെ ബാന് കാണദ്യായി പോറ്റു. എല്ലാ മലെഗാള്‌നാമ് സുറ്റുമു നീര് ഇര്‌ക്കുവ എ്ഡെഗാള്‌നാമ് അദ് ഇന്ത പട്ട്‌ലിന്ത് എ്ഡ്‌ത്ത് തള്ള്‌നാന്.