ബെ്ളിപട്ട കാര്യ 2:25 - സാമി സേദി

²⁵ എന്റാല്‌മ് നിമാക്ക് ഇന്നാല് ഇര്‌ക്കുവാദ്‌ന നാന് ബരമാട്ട്‌ക്ക് കയി ബ്‌ഡാദെ ബെയിന്.

ബെ്ളിപട്ട കാര്യ 2:25 ပူးပေါင်းရင်းမြစ်များ

ഓഗന്നാന് 14:3

നാന് പോയി നിമാക്ക് എ്ഡെ ഒരുക്കുന നാന് ഇര്‌ക്കുവ പട്ട്‌ല് നിമ്മാമ് ബന്തിര്‌ക്ക്യ പിന്നേമ് ബന്ത് നിമാന എന്ന് പട്ട്‌ക്ക് കൂട്ടി പോവെ.

അപ്പോസുത്തലാര് 11:28

അവാര്‌ല് അഗവോസു എന്റ് സൊല്ലുവ ഒന്റാള് ഉലഗാത്ത്‌ല് ഒട്ടുക്കു പഞ്ച പ്‌ഡിക്ക്‌മ് എന്റ് സാമിനിഗാല് സക്‌തില് സൊന്നാന് (ക്‌ളാവുദോസു എന്നുവ രാജാവു കാലാത്ത്‌ല് അയാള് സൊന്നാദ് നഡാന്ത്‌ദ്.)

റോമഗാറാര് 12:9

നിമ്മ മനേസ്സാറ സീവാന്‌പഡ്‌ന്റവാര് ആയിര്‌ക്കുഡൊ, കെ്ട്ട കാര്യഗാള്‌ന ബെ്റ്‌ത്ത് തള്ളി നല്ല കാര്യഗാള്‌ക്ക് കെ്ട്ട്‌പട്ട് നഡാന്.

1 കൊരിന്ത്യഗാറാര് 11:26

ഈ അഡേന തിന്ന്‌ഗാട്ടിമ് മുന്തിരി സാര കുഡിക്കാട്ടിമ് ആണ്ടവാന് ബരമാട്ട്‌ക്ക് നിമ്മ അയാള് സത്താദ്‌ന പറ്റി എല്ലാ ആള്‌ഗാള്‌ക്ക്‌മ് കാട്ടി കൊഡുക്കുന്റുറു.

1 കൊരിന്ത്യഗാറാര് 4:5

അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്.

1 തെസെലോനിക്ക്യഗാറാര് 5:21

എല്ലാദ്‌നാമ് സോദണെ ഗേന്ത് നല്ല കാര്യഗാള്‌ന ഒറേപ്പായിമ് തങ്കാരിക്കുഡൊ.

എവുറായാര് 10:23

നമ്മ എദ്‌ക്ക സൊല്ലുവ നമ്മ് നെഞ്ചഡേല് ഒറേത്ത് നില്ല്‌ഗാന്. എന്ത്‌ക്കെന്റ് സൊന്ന നമാക്ക് ബാക്ക് തന്ത്‌റ്‌ക്കുവ സാമി അദ്‌ന നഡാത്തി തരുവാന് എന്റ് സാമിന നമാക്ക് നമ്പ്യ മുഡിമ്.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

എവുറായാര് 4:14

സാമി പട്ട്‌ക്ക് ഏ്റി പോന മുക്ക്യമാന ഒന്റു ദൊഡ്ഡ പൂസാരി നമാക്ക് ഇര്‌ക്ക്‌ന്റാന്. അദ് സാമിമഗാന് ഏസ്സ്‌ത്തെ. അദ്‌നാലെ നമ്മ നമ്പ്‌ന്റെ എന്റ് സൊല്ലുവാദ്‌ല് ഒറേത്ത് നില്ലുഡൊ.

2 പത്ത്‌റോസു 3:10

ആണ്ടവാന് തിരിഗി ബരുവ നാള് ഒന്റു ത്‌റ്‌ട്ടാന് ബരുവ നാള് പാസെ ബര്‌മ്. അയി നാള്‌ക്ക് ബാന് ദൊഡ്ഡ ജദ്ദോഡ കാണദ്യായി തള്ള്‌മ്. ബാന്‌ലിര്‌ക്കുവ ജാദിഗാള് ഒട്ടുക്കു തീ ബെന്ത് ഉരുഗി പോമു. അദേപാസെ ബൂമിമ് അദ്‌ലിര്‌ക്കുവാദ് ഒട്ടുക്കുമു ബെന്ത് അളിന്ത് തള്ള്‌മ്.

ബെ്ളിപട്ട കാര്യ 1:7

ഇദാ നോഡുനു, അയാള് മഞ്ച്‌ല് ബന്റാന്, എല്ലാവാര്‌മ് അയാള്‌ന കാണുവാര്, അയാള്‌ന കുത്തുനവാര് ഗുഡി അയാള്‌ന കാണുവാര്, ബൂമിലിര്‌ക്കുവ എല്ലാ ആള്‌ഗാള്‌മ് അയാള്‌ന സൊല്ലി ദൊഡ്ഡാദ്‌ക്ക് അഗാറുവാര്. അദ് അത്തെ താനെ നഡാക്കുഡൊ. ആമേന്.

ബെ്ളിപട്ട കാര്യ 22:20

ഈ കാര്യഗാളെല്ല സൊന്റവാന്, <<കണ്ടിപ്പായിമ്, നാന് സട്ടന ബന്റെ>> എന്റ് സൊന്റാന്. ആമേന്, ആണ്ടവാന് ഏസ്സുവേ ബരുഡോമെ.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 3:11

നാന് ബേഗ ബരുവേന്. നിന്ന് ഗിര്യാഡന ആര്‌മ് ത്‌റ്‌ഡി എ്ഡ്‌ക്കാദെ ഇര്‌ക്ക്യ നിനാക്ക് ഇര്‌ക്കുവാദ്‌ന കയി ബ്‌ഡാദെ ബെയ്യി.

ബെ്ളിപട്ട കാര്യ 3:3

അദ്‌നാലെ നീ പഡിത്താദ്‌നാമ് കേ്ട്ടാദ്‌നാമ് മറാക്കാദെ. അദ്‌ക്ക് നീ കെ്ട്ട്‌പട്ട് നഡ. നീ ഗേവ പാവഗാള്‌ന തള്ളി സാമിസാരി തിര്‌ഗ്. നീ ഇ്ളാഗാദെ പോന, നാന് ഒന്റു ത്‌റ്‌ട്ടാന് ബരുവ പാസെ ബരുവേന്. ഏദ് ഗളിഗേക്ക് നാന് നിന്ന് പട്ട്‌ക്ക് ബരുവേന് എന്റ് നിനാക്ക് തെര്യാമ് മാട്ട.