ബെ്ളിപട്ട കാര്യ 2:24 - സാമി സേദി

²⁴ ആന അവാള് ബുദ്ദിനായന കേ്ള്‌ക്കാദേമ് <ആര്‌ക്ക്‌മ് തെര്യാദെ മറേസി ബെത്ത്‌റ്‌ക്കുവ സെയിത്താന്‌ത്ത് മ്‌ഗ്‌ന്ത കാര്യഗാള്> എന്റ് ലേസ ആള്‌ഗാള് സൊല്ലുവാദ്‌ഗാള്‌ന പഡിക്കാദേമ് ഇര്‌ക്കുവ തയിതിര്യാല ബാക്കി ആള്‌ഗാള്‌ക്ക് നാന് സൊല്ലുവാദ്: നിമാക്ക് സുമാക്ക്യ മുഡ്യാത്താദ് ഒന്റുനാമ് നാന് നിമ്മ് തലേക്ക് ഏ്റ്‌സുവാദില്ലെ.

ബെ്ളിപട്ട കാര്യ 2:24 ပူးပေါင်းရင်းမြစ်များ

അപ്പോസുത്തലാര് 15:28

നിമാക്ക് അപ്പാര ബാര ആഗ ബേ്ഡ എന്റ് സാമിനിഗാല്‌മ് എമ്മാമ് ഒന്റേ പാസെ നേര്‌ത്തെന്റ് കണാക്കാക്ക്‌ന്റേമ്. അദ്‌നാലെ നിമ്മ ഈ സട്ടഗാള്‌ന താനെ ഗേന്ത മദി:

അപ്പോസുത്തലാര് 16:14

തയിതിര്യ എന്നുവ എ്ഡേല് ഇര്‌ക്കുവ ലുദിയ എന്നുവ ഒന്റൊരുത്തി എമ്മ സൊന്നാദ്‌ന കേ്ട്ടാള്. സാമിന കുമ്മുഡി നഡാന്തിന്ത അവാള് ബെലെപ്‌ഡിപ്പുള്ള പട്ട് സീലെ ബിറ്റ് നഡാന്തിന്താള്. പവുലോസു സൊല്ലുവാദ്‌ന കേ്ള്‌ക്ക്യ ആണ്ടവാന് അവാള്‌ക്ക് മനേസ്സ് കൊഡുത്താന്.

1 കൊരിന്ത്യഗാറാര് 2:10

ആന താന് മറേസി ബെത്തിന്ത ഈ കാര്യഗാള്‌നെല്ല തന്ന് നിഗാല്‌ന ബെത്ത് സാമി നമാക്ക് കാട്ടി തന്ത്‌റ്‌ക്ക്‌ന്റാന്. എന്ത്‌ക്കെന്റ് സൊന്ന സാമിനിഗാല്‌ക്ക് എല്ലാമ് തെരിമല്ല. സാമി മനേസ്സ്‌ല് ഇര്‌ക്കുവാദ്‌മ് നെപ്പ്‌കെ്ഡേസ്യ ബുദ്ദിമുട്ടുള്ളാദ്‌മാന കാര്യഗാള്‌ന ഗുഡി സാമിനിഗാല്‌ക്ക് തെരിമ്.

2 കൊരിന്ത്യഗാറാര് 11:3

ആന പാമ്പ് അവ്വേന ഏമാത്തി സദിത്ത പാസെ നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ സെരിക്കുള്ള ബക്‌തിലിന്ത് ആരാറ്റ നിമാന ഏമാത്തി കെ്ഡ്‌സുവാര് എന്റ് നാന് അഞ്ചിക്കെപഡ്‌ന്റെ.

2 കൊരിന്ത്യഗാറാര് 2:11

അവാന് ഗേന്ത കുറ്റന നിമ്മ പൊറുക്കാദിന്തദാന സെയിത്താന് നമാന ഏമാത്തുവാന്. സെയിത്താന് തന്ത്‌റഗാള്‌ന പറ്റി നമ്മ അറുവില്ലാത്തവാരല്ല.

ആക്കോവു 3:15

ഇത്തെ പെരിമനായ സൊല്ല്യ കെ്ഡേക്കുവ അറുവു മേലോഗാത്ത്‌ലിന്ത്‌മല്ല സാമിലിന്ത്‌മല്ല കെ്ഡേക്കുവാദ്. ഉലഗാത്ത്‌ലിന്ത്‌മ് മന്‌സാര്‌ഗാള്‌ലിന്ത്‌മ് സെയിത്താനോഡിന്ത്‌മ്‌ത്തെ അയി അറുവു കെ്ഡേക്കുവാദ്.

ബെ്ളിപട്ട കാര്യ 1:11

അദ്‌ല്: <<നീ കാണുവാദ്‌ന ഒന്റു ബൊക്കുക്കു എ്ള്‌ദ്. എപസോസു, സിമ്‌റ്‌ന്ന, പെ്റ്‌ഗമോസു, തയിതിര്യ, സറ്‌ദീസ്, പിലദല്‌പ്യ, ലവുദിക്ക്യ എന്നുവ പട്ടണഗാള്‌ല് ഇര്‌ക്കുവ ഏസ്സ്‌ഗാറാര്‌ത്ത് ഏ്ള് കൂട്ടഗാള്‌ക്ക് അദ്‌ന സൊല്ലു>> എന്റ് സൊല്ലുവാദ്‌ന നാന് കേ്ട്ടേന്.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ബെ്ളിപട്ട കാര്യ 13:14

മുദാല്‌ല ബേ്ണ്ട് മുന്നുക്കു ബെത്ത് തനാന ഗേയ ബ്‌ട്ട അദിസ്യളഗാള് ഗേന്ത് കാട്ടി റണ്ടാവാദ് ബേ്ണ്ട് ബൂമില് ഇര്‌ക്കുവ ആള്‌ഗാള്‌ന ഒട്ടുക്കു ഏമാത്ത്‌റ്റ്. ബാള്‌ല് ബെ്ട്ട് കെ്ഡേസിമ് പെ്ളേക്കുവ ബേ്ണ്ട്‌ക്ക് ബേ്ണ്ടി ഒന്റു സെലെ ഉണ്ടാക്ക്യ ബൂമില ജനഗാള്‌ക്ക് സൊല്ലിമ് ഇര്‌ക്ക്‌ന്റ്.

ബെ്ളിപട്ട കാര്യ 2:13

നീ ഏദ്‌ല് ഇര്‌ക്ക്‌ന്റായി എന്റ്‌മ് അദ് സെയിത്താന് കുറിഞ്ചി എന്റ്‌മ് എനാക്ക് തെരിമ്. നീ എനാന കയി ബ്‌ഡാഗേ ഇല്ലെ. സെയിത്താന് ആളുവ നിമ്മ് പട്ട്‌ല് ബെത്ത് അന്തിപാസ്‌ന കൊന്റ കാലാത്ത്‌ല് ഗുഡി നിമ്മ് നമ്പിക്കേന തള്ളാഗേ ഇല്ലെ. നമ്പ്യ മുഡിന്റവാനാന അന്തിപാസ് എനാന പറ്റി സൊല്ലിന്തവാന്‌ത്തെ.

ബെ്ളിപട്ട കാര്യ 2:18

<<തയിതിര്യ പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: കത്തി എരേവ തീന പാസെ കണ്ണ്‌ഗാള്‌മ് സൂളേല് സുട്ടു പഗ്‌സ്‌ന ബെ്ങ്കലാന പാസെ കാല്‌ഗാള്‌മ് ഇര്‌ക്കുവ സാമിമഗാന് സൊല്ലുവാദ് ഇദ്‌ത്തെ:

ബെ്ളിപട്ട കാര്യ 2:9

നീ കജട്ട പട്ടാദ് എനാക്ക് തെരിമ്. നീ ഏ്ളെ എന്റ്‌മ് എനാക്ക് തെരിമ്. ആന സെരിക്ക്‌മ് നീ പണഗാറാന്‌ത്തെ. എഗുദാര് അല്ലാദിന്ത് ഗുഡി തമ്മ എഗുദാര് എന്റ് സൊല്ലുവ സെയിത്താന്‌ന പരേസുവ ബീ്ഡ്‌ഗാറാരായി ഇര്‌ക്ക്‌ന്റവാര് നിനാന പറ്റി കെ്ട്ട കാര്യ സൊല്ലുവാദ്‌മ് എനാക്ക് തെരിമ്.