ബെ്ളിപട്ട കാര്യ 2:22 - സാമി സേദി

²² അദ്‌നാലെ നാന് അവാള്‌ന നോയി മാഡി കെ്ഡെമേലെ ബെക്കുവേന്. അവാളോഡ കണ്ടപഡിക്ക് ബേസ്യാഡി നഡാക്ക്‌ന്റവാര് അത്തെ നഡാക്കുവാദ്‌ന ബ്‌ട്ട് സാമിസാരി തിര്‌ഗാദിന്ത നാന് അവാര്‌ക്ക് ദൊഡ്ഡ കജട്ടന കൊഡുക്കുവെ.

ബെ്ളിപട്ട കാര്യ 2:22 ပူးပေါင်းရင်းမြစ်များ

ലൂക്കോസു 13:3

<<ഇല്ലെ, പാവ ഗേവാദ്‌ന ബ്‌ട്ട് സാമിസാരി തിര്‌ഗാദെ പോന നിമ്മാമ് അദേപാസെത്തെ കെ്ട്ട് പോവുറു എന്റ് നാന് നിമാക്ക് സൊന്റെ.

ലൂക്കോസു 13:5

ഇല്ലെ, പാവ ഗേവാദ്‌ന ബ്‌ട്ട് സാമിസാരി തിര്‌ഗാദെ പോന നിമ്മാമ് അദേപാസെത്തെ കെ്ട്ട് പോവുറു എന്റ് നാന് നിമാക്ക് സൊന്റെ>> എന്റ് സൊന്നാന്.

2 കൊരിന്ത്യഗാറാര് 12:21

എമ്മ ഈ ഗഡി ബര്‌ഗാട്ടി നിമ്മ് മുന്നുക്കു ബെത്ത് സാമി എനാന മാനഗെ്ഡ്‌സുവാനൊ എന്റ്‌മ് നാന് അഞ്ച്‌ന്റെ. കെ്ട്ട പെ്ളേപ്പ്, ബേസ്യാഡി നഡാക്കുവാദ്, കാമാക്ക് കണ്ണില്ലാദെ കണ്ടപഡിക്ക് നഡാക്കുവാദ്‌ഗാള്‌ക്കെല്ല സിക്കി സാമിസാരി തിര്‌ഗാദെ ഇര്‌ക്ക്‌ന്റവാര്‌ന പറ്റി ദുക്കപഡുവ ഗെദി ബരുമൊ എന്റ്‌മ് നാന് അഞ്ച്‌ന്റെ.

ബെ്ളിപട്ട കാര്യ 17:2

ബൂമില രാജാവുഗാള് അവാളോഡ ബേസ്യാഡി നഡാന്താര്. അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ് എന്നുവാദ് ഊറബെത്ത മുന്തിരി സാരത്തെ. ഈ ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌മ് കുഡിത്ത് ബോദേ്റി ഇര്‌ക്ക്‌ന്റാര്.>> എന്റ് സൊന്നാന്.

ബെ്ളിപട്ട കാര്യ 18:3

എന്ത്‌ക്കെന്റ് സൊന്ന ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌മ് കുഡിത്താര്. അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ്‌ത്തെ അയി ഊറബെത്ത മുന്തിരി സാര. ബൂമില് ഇര്‌ക്കുവ രാജാവുഗാള് അവാളോഡ ബേസ്യാഡ്‌നാര്. അഡാക്ക്യ മുഡ്യാത്ത കാമാക്ക് അഡിമെപട്ട് നഡാന്താദ്‌നാലെ ബൂമില് ഇര്‌ക്കുവ ഏവാരിഗാള് ദൊഡ്ഡ പണഗാറാരായി മുഡിന്താര്>> എന്റ് സൊന്നാന്.

ബെ്ളിപട്ട കാര്യ 18:9

അവാളോഡ ബേസ്യാഡി നഡാന്ത്‌മ് അവാള്‌ക്ക് ഇന്ത സമ്പോത്ത പെ്ളേപ്പ്‌ല് പങ്ക്‌ഗാറാര്‌മ് ആന ബൂമില് ഇര്‌ക്കുവ എല്ലാ രാജാവുഗാള്‌മ് അവാള്‌ന സുഡുവ പൊഗെന കാണുവാര്. അദ്‌ന കണ്ട് അവാള് സത്താദ്‌ക്ക് അവാര് നെഞ്ച്‌നമാര്‌ന അഡിത്ത് കേ്യിവാര്.

ബെ്ളിപട്ട കാര്യ 2:5

അദ്‌നാലെ നിനാക്ക് എന്നാലിന്ത് തപ്പ് ബന്ത്‌ദെന്റ് നെനേത്ത് നോഡി സാമി പട്ട്‌ക്ക് തിരിഗി ബന്ത് നീ മുദാല് ഗേന്തിന്ത അദേ കാര്യന താനെ ഗേഗ്. നീ അത്തെ ഗേഗാദെ പോന നാന് നിന്ന് പട്ട്‌ക്ക് ബന്ത് നിന്നോഡ ഇര്‌ക്കുവ നിലബ്‌ളാക്ക്‌ന അദ് ബെത്ത്‌റ്‌ക്കുവ പട്ട്‌ലിന്ത് എ്ഡ്‌ത്ത് തള്ളുവെ.