ബെ്ളിപട്ട കാര്യ 2:19 - സാമി സേദി

¹⁹ നീ ഗേവ കാര്യഗാള്‌നാമ്, നീ സീവാന്‌പഡുവാദ്‌നാമ്, നിന്ന് നമ്പിക്കെനാമ്, അഡ്‌ത്തവാര്‌ന നീ കയിതാങ്കുവാദ്‌നാമ്, നീ പൊറിമോഡ താങ്കുവാദ്‌നാമ് എനാക്ക് തെരിമ്. നീ മുദാല് ഗേന്താദ്‌ന ബ്‌ഡ ഇന്നാല് അദിഗ ഗേന്റായി എന്റ്‌മ് എനാക്ക് തെരിമ്.

ബെ്ളിപട്ട കാര്യ 2:19 ပူးပေါင်းရင်းမြစ်များ

ലൂക്കോസു 1:23

അത്തെ സാമിബീ്ഡ്‌ല് ഗിലാസ ഗേന്തിന്ത നാള് തീന്ത പ്‌റ അയാള് തന്ന് ബീ്ഡ്‌ക്ക് തിരിഗി പോനാന്.

ഓഗന്നാന് 15:2

എന്നോഡിന്ത് മൊളേത്ത് കായി ബ്‌ഡാത്ത സില്ല്‌ഗാള്‌ന ഒട്ടുക്കുമു ദോട്ടഗാറാന് ബെ്ട്ടി തള്ള്‌ന്റാന്. കായി ബ്‌ഡുവ സില്ല്‌നെല്ലെ മൊത്തനാക്ക് കായി ബ്‌ഡ്യ ബേ്ണ്ടി അയാള് കപാത്ത് എ്ഡ്‌ത്ത് ബ്‌ഡ്‌ന്റാന്.

കൊലേസ്യഗാറാര് 3:14

ഈ കാര്യഗാളെല്ല ഗേന്ത് നഡാക്കുവാദല്ലാദെ താനെ നിമ്മ സീവാന്‌ബെത്ത് നഡാക്ക്‌ന്റവാര് ആയിര്‌ന്. എന്ത്‌ക്കെന്റ് സൊന്ന സീവാന്‌ത്തെ എല്ലാ കാര്യഗാള്‌നാമ് നലമായി ഒന്റുക്കു സേത്തുവാദ്.

1 തെസെലോനിക്ക്യഗാറാര് 3:6

ആന തിമിത്തോസു ഇന്നാല് നിമ്മ് പട്ട്‌ലിന്ത് തിരിഗി ബന്ത് നിമ്മ നമ്പിക്ക്യുള്ളവാര്‌മ് സീവാനുള്ളവാര്‌മ് ആയിര്‌ക്ക്‌ന്റ്‌റ് എന്നുവ നല്ല സേദിന എമാക്ക് സൊന്നാന്. എമ്മ നിമാന കാണ്യ ആസെപഡുവ പാസെ നിമ്മാമ് എമാന കാണ്യ ആസെപഡുവാദ്‌നാമ് എമാന നിമ്മ ഒപ്പ നെനേക്കുവാദ്‌നാമ് അയാള് എമാക്ക് സൊന്നാന്.

2 തെസെലോനിക്ക്യഗാറാര് 1:3

ഏസ്സ്‌ഗാറാരെ, നിമാക്ക് ക്‌റ്‌സ്‌ത്തോഡ ഇര്‌ക്കുവ നമ്പിക്കെ സേത്തി സേത്തി ബരുവാദ്‌നാലേമ് നിമ്മ ആങ്കീങ്ക് സേത്തി സേത്തി സീവാന്‌ബെത്ത് നഡാക്കുവാദ്‌നാലേമ് അദ്‌ക്ക് തഗ്‌ന്ത ദിന്‌സ്‌ല് എമ്മ ഒപ്പ നിമാക്ക് ബേ്ണ്ടി സാമിക്ക് നണ്ണി സൊല്ല്യ കഡാമെ പട്ടവാര്‌ത്തെ.

1 തിമിത്തോസു 1:5

ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് സീവാന്‌ബെത്ത് നഡാക്ക്യ ബേ്ണ്ടിത്തെ നാന് നിനാക്ക് അത്തെ കല്‌പനെ തന്താദ്. അയി സീവാന് കവാഡില്ലാത്ത മനേസ്സ്‌ലിന്ത്‌മ് <<നീ കുറ്റഗാറാനല്ല>> എന്റ് സൊല്ലി തരുവ മനേസ്സ്‌ലിന്ത്‌മ് നേര്‌മാന നമ്പിക്കേലിന്ത്‌മ്‌ത്തെ ബരുവാദ്.

1 പത്ത്‌റോസു 4:8

നിമ്മ ആങ്കീങ്ക് ഉജുരുക്കുജുര സീവാന്‌ബെത്ത് നഡാക്ക്‌ന്റവാര് ആയിര്‌ന്. അദ്‌ത്തെ എല്ലാദ്‌ക്ക്‌മ് ബ്‌ഡ മുക്ക്യമാന കാര്യ. എന്ത്‌ക്കെന്റ് സൊന്ന നിമ്മ അത്തെ സീവാന്‌ബെത്ത് നഡാക്കാട്ടി സീവാന്‌ബെത്ത് നഡാക്ക്‌ന്റവാര് എത്ത്‌റ ദൊഡ്ഡ പാവ ഗേന്താല്‌മ് അദ്‌ന നിമാക്ക് പൊറുക്ക്യ മുഡിമ്.

2 പത്ത്‌റോസു 1:7

സാമി ബക്‌ത്യോഡ പെ്ളേക്ക്യ പഡിക്കുവാദോഡൊപ്പ ഏസ്സ്‌ന നമ്പിര്‌ന്റവാര്‌ന ഗവപട്ട് നഡാക്ക്യ പഡിന്, ഏസ്സ്‌ന നമ്പിര്‌ന്റവാര്‌ന ഗവപട്ട് നഡാക്ക്യ പഡിക്കുവാദോഡൊപ്പ സീവാന്‌ബെത്ത് നഡാക്ക്‌ന്റവാര് ആയിര്‌ക്ക്യ പഡിന്.

2 പത്ത്‌റോസു 3:18

അദോഡൊപ്പ നമ്മ് ആണ്ടവാന്‌മ് കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ന പറ്റ്യുള്ള അറുവുലുമു അയാള് ഗേവ പ്‌ണ്ണ്യാത്ത്‌ല്‌മ് നിമ്മ പെ്ളേക്ക്‌ന്റവാരാന്. ഇന്നാല്‌ല കാലാത്ത്‌ല്‌മ് ഇന്നി ബരുവ കാലാത്ത്‌ല്‌മ് അയാള്‌ക്ക് മദ്‌പ്പുണ്ടാഡൊ. ആമേന്.

ബെ്ളിപട്ട കാര്യ 2:13

നീ ഏദ്‌ല് ഇര്‌ക്ക്‌ന്റായി എന്റ്‌മ് അദ് സെയിത്താന് കുറിഞ്ചി എന്റ്‌മ് എനാക്ക് തെരിമ്. നീ എനാന കയി ബ്‌ഡാഗേ ഇല്ലെ. സെയിത്താന് ആളുവ നിമ്മ് പട്ട്‌ല് ബെത്ത് അന്തിപാസ്‌ന കൊന്റ കാലാത്ത്‌ല് ഗുഡി നിമ്മ് നമ്പിക്കേന തള്ളാഗേ ഇല്ലെ. നമ്പ്യ മുഡിന്റവാനാന അന്തിപാസ് എനാന പറ്റി സൊല്ലിന്തവാന്‌ത്തെ.

ബെ്ളിപട്ട കാര്യ 2:9

നീ കജട്ട പട്ടാദ് എനാക്ക് തെരിമ്. നീ ഏ്ളെ എന്റ്‌മ് എനാക്ക് തെരിമ്. ആന സെരിക്ക്‌മ് നീ പണഗാറാന്‌ത്തെ. എഗുദാര് അല്ലാദിന്ത് ഗുഡി തമ്മ എഗുദാര് എന്റ് സൊല്ലുവ സെയിത്താന്‌ന പരേസുവ ബീ്ഡ്‌ഗാറാരായി ഇര്‌ക്ക്‌ന്റവാര് നിനാന പറ്റി കെ്ട്ട കാര്യ സൊല്ലുവാദ്‌മ് എനാക്ക് തെരിമ്.