ബെ്ളിപട്ട കാര്യ 2:16 - സാമി സേദി

¹⁶ അദ്‌നാലെ നിമ്മ് പാവഗാള്‌ന ബ്‌ട്ട്‌തള്ളി സാമിസാരി തിരിഗി ബാന്. അല്ലാദെ പോന, നാന് സട്ടന നിമ്മ് പട്ട്‌ക്ക് ബന്ത് എന്ന് ബായിലിന്ത് കഡാക്കുവ ബാള്‌ല് അവാരോഡ ജുദ്ദ ഗേവേന്.

ബെ്ളിപട്ട കാര്യ 2:16 ပူးပေါင်းရင်းမြစ်များ

എപസോസുഗാറാര് 6:17

അദോഡൊപ്പ ജുദ്ദ ഗേവ ഒന്റു പട്ടളഗാറാന് തലേന പാദ്‌ഗാക്ക്യ ബേ്ണ്ടി തലേക്കിക്കുവ ജാദിന പാസെ എന്നാല്‌ക്ക്‌മ് അളിന്ത് പോവ പെ്ളേപ്പ്‌ലിന്ത് സാമി കാപാറ്റിര്‌ക്ക്‌ന്റാന് എന്നുവ ഒറേപ്പ് നമാക്കിര്‌ക്കുവാദ് അത്ത്‌റാക്ക്‌മ് മുക്ക്യമാന കാര്യ. അദോഡൊപ്പ ജുദ്ദ ഗേവ ഒന്റു പട്ടളഗാറാന് ബാളെ്ഡ്‌ത്ത് ജുദ്ദ ഗേവ പാസെ സാമിനിഗാല് തരുവ സാമി സൊല്ലുസുലാക്കാന സൊല്ലി അവാന് തന്ത്‌റാക്ക് സിക്കാദെ ഗെലിസി കഡാക്കുഡൊ.

2 തെസെലോനിക്ക്യഗാറാര് 2:8

അദുക്കുള അയി കേ്ഡ്‌ഗെ്ട്ടവാന് ബെ്ളിപഡുവാന്. ആണ്ടവാന് ഏസ്സ് മദ്‌പ്പുള്ള അദിഗരാത്ത്‌ല് ബര്‌ഗാട്ടി അയാള്‌ന അളിത്ത് അയാള് അദിഗരാന ഒന്റുമില്ലാദെ മാഡുവാന്.

ബെ്ളിപട്ട കാര്യ 1:16

അയാള് ബല കയില് ഏ്ള് ബെ്ള്ളിഗാള് ഇന്ത്‌ദ്. അയാള് ബായിലിന്ത് റാഡ് സാരിമ് നല്ല ഉരുക്കിര്‌ക്കുവ ബാള് ബെ്ളിഗെ കഡാന്ത്‌ദ്. അയാള് മൂഞ്ചി നല്ല ബെ്ള്‌സഡിക്കുവ നേരന പാസെ ആയിന്ത്‌ദ്.

ബെ്ളിപട്ട കാര്യ 16:9

മ്‌ഗ്‌ന്ത സൂഡുനാലെ മന്‌സാര് ബെന്ത് തള്ള്‌നാര്. എന്റാല്‌മ് ഈ ദൊഡ്ഡ ദെ്ണ്ടണെഗാള് കൊഡുക്ക്യ അദിഗര ഇര്‌ക്കുവ സാമിക്ക് അവാര് സാപ്പ ഇക്ക്‌നാര്. അവാര് ഗേവാദ് തപ്പ് എന്റ് തെരിന്ത് സാമിസാരി തിര്‌ഗാമില്ലെ, സാമിക്ക് മദ്‌പ്പ് കൊഡുക്കാമില്ലെ.

ബെ്ളിപട്ട കാര്യ 19:15

ബൂമില് ഇര്‌ക്കുവ എല്ലാ ആള്‌ഗാള്‌നാമ് സോലുസ്യ ബേ്ണ്ടി അയാള് ബായിലിന്ത് ഉരുക്കിര്‌ക്കുവ ബാള് ബെ്ളിഗെ കഡാക്ക്‌ന്റ്. <<അയാള് അവാര്‌ന ഇര്‌മ്പ് ബഡി എ്ഡ്‌ത്ത് ആളുവാന്.>> അയാള് മുന്തിരി സാര മെ്ട്ടി പെജേന്ത് എ്ഡ്‌ക്കുവ കുയിക്ക് മുന്തിരിന ഇക്കി മെ്ട്ടി പെജേവാന്. എല്ലാ ബിലാമ് ഇര്‌ക്കുവ സാമി മൊനേന കാട്ടുവാദ്‌ത്തെ അയി കുയി.

ബെ്ളിപട്ട കാര്യ 19:21

മിച്ച ഇന്തവാര്‌ന കുദുറെ കുദ്ദാക്ക് കുക്കാന്തിന്തവാന് ബായിലിന്ത് കഡാന്ത ബാള്‌ല് ബെ്ട്ടി കൊന്റാന്. അത്തെ അവാര് കറിഗാള്‌ന പക്കിഗാള് ബേ്റ്‌തുമ്പ തിന്റ്‌ദ്.

ബെ്ളിപട്ട കാര്യ 2:12

<<പെറ്‌ഗമോസു പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: റാഡ് സാരിമ് നല്ല ഉരുക്കു ബാള് ഇര്‌ക്ക്‌ന്റവാന് സൊല്ലുവാദ് ഇദ്‌ത്തെ:

ബെ്ളിപട്ട കാര്യ 2:5

അദ്‌നാലെ നിനാക്ക് എന്നാലിന്ത് തപ്പ് ബന്ത്‌ദെന്റ് നെനേത്ത് നോഡി സാമി പട്ട്‌ക്ക് തിരിഗി ബന്ത് നീ മുദാല് ഗേന്തിന്ത അദേ കാര്യന താനെ ഗേഗ്. നീ അത്തെ ഗേഗാദെ പോന നാന് നിന്ന് പട്ട്‌ക്ക് ബന്ത് നിന്നോഡ ഇര്‌ക്കുവ നിലബ്‌ളാക്ക്‌ന അദ് ബെത്ത്‌റ്‌ക്കുവ പട്ട്‌ലിന്ത് എ്ഡ്‌ത്ത് തള്ളുവെ.

ബെ്ളിപട്ട കാര്യ 22:20

ഈ കാര്യഗാളെല്ല സൊന്റവാന്, <<കണ്ടിപ്പായിമ്, നാന് സട്ടന ബന്റെ>> എന്റ് സൊന്റാന്. ആമേന്, ആണ്ടവാന് ഏസ്സുവേ ബരുഡോമെ.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 3:19

നാന് സീവാന്‌ബെത്ത്‌റ്‌ന്റവാര്‌ന നൊഡിവെ, അവാര്‌ന ബുദ്ദി സൊല്ലിമ് തിരുത്തുവെ. അദ്‌നാലെ നിമ്മ സുറുസുറുപ്പോഡ ഇര്‌ക്കുഡൊ. നിമ്മ ഗേവ പാവഗാള്‌ന തള്ളി സാമിസാരി തിര്‌ഗുഡൊ.