ബെ്ളിപട്ട കാര്യ 19:8 - സാമി സേദി

⁸ ദഗദഗാത്ത് മിന്നുവ ബെ്ള്ളെ ഉഡുപ്പു ഇക്ക്യ അവാള്‌ക്ക് കെ്ഡേത്ത്‌ദ്>> അയി ബെ്ള്ളെ ഉഡുപ്പു സാമിഗാറാര് ഗേവ നല്ല കാര്യഗാള്‌ന കാട്ട്‌ന്റ്.

ബെ്ളിപട്ട കാര്യ 19:8 ပူးပေါင်းရင်းမြစ်များ

മത്തായി 17:2

ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. ഏസ്സ് മോന്തെ നേരന പാസെ കനകനാത്ത് കത്ത്‌റ്റ്. അയാള് ഉഡുപ്പു പാല്‌ന പാസെ ബെ്ള്ളെബെ്ള്ള്യ ആറ്റ്.

മത്തായി 22:12

<എ്ണേവ്‌ഗാറാ, നീ കല്യണാക്ക് ഇക്കുവ ഉഡുപ്പുസഡ്‌പ്പ് ഇക്കാദെ ഈങ്ക് ഉളാക്ക് ബന്താദ് എത്തെ?> എന്റ് കേ്ട്ടാന്. ആന അയാള്‌ക്ക് മ്‌ണ്ട്യ മുഡ്യാലെ.

മര്‌ക്കോസു 9:3

അയാള് ഉഡുപ്പു ബെ്ള്ളെബെ്ള്ള്യ മിന്നുവ ഉഡുപ്പാറ്റ്. ബൂമില് ആര്‌ക്ക്‌മ് ഇദേപാസെ കുമ്മി ബെ്ളിക്ക്യ മുഡ്യാമാട്ട.

ലൂക്കോസു 24:4

അദ്‌ന കണ്ട് അവാര് മെഗെമെഗേത്ത് കൊണ്ട്‌റ്‌ക്കാട്ടി സട്ടന മിച്ചാന പാസെ മിന്നുവ ഉഡുപ്പിക്കിര്‌ക്കുവ റാഡ് ഗണ്ടാള്‌ഗാള് അര്‌ഗെ നിന്റ്‌റ്‌ക്കുവാദ്‌ന കണ്ടാര്.

അപ്പോസുത്തലാര് 1:10

ഏസ്സ് പോഗാട്ടി അപ്പോസുത്തലാര് ബാന്‌ന സൊക്കാന നോഡിന്താര്. അദുക്കുള ബെ്ള്ളെ ഉഡുപ്പു ഇക്കിര്‌ക്കുവ റാഡ് ഗണ്ടാള് ദ്‌ഡീരന അവാര് മുന്നുക്കു ബന്ത് നിന്റ് ഇത്തെ സൊന്നാര്:

റോമഗാറാര് 13:14

ആണ്ടവാന് ഏസ്സ് ക്‌റ്‌സ്‌ത്ത്‌ക്ക് ഇര്‌ക്കുവ ഗുണഗാള് താനെ ഉള്ളവാരായി നഡാന്. സരിഗല ആസെപഡുവ കെ്ട്ട ആസെഗാള്‌ന ഗേയ ബേ്ണ്ടി അദ്‌ക്കായി നെനേക്കാദേന്.

റോമഗാറാര് 3:22

ഏസ്സ് ക്‌റ്‌സ്‌ത്ത്‌ന നമ്പുവ നമ്പിക്കേന ബെത്ത് സാമി എല്ലാ ആള്‌ഗാള്‌നാമ് നേര്‌മെഗാറാര് മാഡ്‌ന്റാന്. ക്‌റ്‌സ്‌ത്ത്‌ന നമ്പ്‌ന്റവാര്‌ക്ക്‌ത്തെ സാമി ഇത്തെ ഗേവാദ്. ഈ കാര്യാത്ത്‌ല് സാമി എഗുദാരെന്റൊ എഗുദാരല്ലത്തവാരെന്റൊ പ്‌റ്‌ത്ത് നോഡുവാദില്ലെ.

ബെ്ളിപട്ട കാര്യ 15:4

ആണ്ടവാനെ, നിനാന അഞ്ചാത്തവാര് ആര് ഇര്‌ക്ക്‌ന്റാര്? നിന്ന് പേര്‌ന മദ്‌സാത്തവാര് ആര് ഇര്‌ക്ക്‌ന്റാര്? എന്ത്‌ക്കെന്റ് സൊന്ന നീ ഒരുത്താന് തനെത്തെ സുത്താപ്പുള്ളവാന്. നീ നേര്‌മ്യോഡ ഗേവാദ്‌ന എല്ലാവാര്‌മ് കണ്ടാദ്‌നാലെ ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌മ് നിന്ന് പട്ട്‌ക്ക് ബന്ത് നിനാന കുമ്മുഡുവാര്.

ബെ്ളിപട്ട കാര്യ 15:6

ഏ്ള് ദൊഡ്ഡ ദെ്ണ്ടണെഗാള്‌ന കഡേസി ബ്‌ഡുവ ഏ്ള് ദൂദനാമ് സാമിബീ്ഡ്‌ലിന്ത് ബെ്ളിഗെ ബന്താര്. ദഗദഗാത്ത് മിന്നുവ ബെ്ള്ളെ ഉഡുപ്പു ഇക്കിമ് മാര്‌ക്ക് പൊന്നു കച്ചെ കെ്ട്ടിമ് അവാര് ഇന്താര്.

ബെ്ളിപട്ട കാര്യ 19:14

മേലോഗാത്ത്‌ല പട്ടളഗാറാര് ദഗദഗാത്ത് മിന്നുവ ബെ്ള്ളെ ഉഡുപ്പു ഇക്കി ബെ്ള്ളെ കുദുറെഗാള് കുദ്ദാക്ക് ഏ്റി അയാള് പിന്ന്‌ക്ക് പോനാര്.

ബെ്ളിപട്ട കാര്യ 3:18

അദ്‌നാലെ നീ സൊത്തുഗാറനായ തീയില് സുത്താപ്പ് മാഡി എ്ഡ്‌ത്ത പൊന്നുമു, നീ ബെ്റ്‌ദെകറി ഇര്‌ക്കുവാദ്‌ന മറേസ്യ ബെ്ള്ളെ ഉഡുപ്പുമു, നിനാക്ക് കണ്ണ് കാട്ടുവാദ്‌ക്കുള്ള മര്‌ന്ത്‌മ് നീ എന്നോഡിന്ത് ബാങ്കുഡൊ എന്റ് നാന് നിനാക്ക് ബുദ്ദി സൊന്റെ.