ബെ്ളിപട്ട കാര്യ 19:14 - സാമി സേദി

¹⁴ മേലോഗാത്ത്‌ല പട്ടളഗാറാര് ദഗദഗാത്ത് മിന്നുവ ബെ്ള്ളെ ഉഡുപ്പു ഇക്കി ബെ്ള്ളെ കുദുറെഗാള് കുദ്ദാക്ക് ഏ്റി അയാള് പിന്ന്‌ക്ക് പോനാര്.

ബെ്ളിപട്ട കാര്യ 19:14 ပူးပေါင်းရင်းမြစ်များ

മത്തായി 26:53

എനാന കയിതാങ്ക്യ നാന് എന്നപ്പാന്‌ക്ക് സൊന്നദാന എനാക്ക് ബേ്ണ്ടി ഇന്നാല് താനെ പന്നന്റ് ലെഗ്യോനുക്കുമു അദിഗ ദൂദാര്‌ന സൊല്ലി ബ്‌ഡുവാന് എന്റ് നിമാക്ക് തെര്യാഗ?

മത്തായി 28:3

അയി ദൂദാന് മിച്ചാന പാസെ കത്തി കൊണ്ടിന്താന്. അയാള് ഇക്കിന്ത ഉഡുപ്പു മഞ്ച്‌ന പാസെ ബെ്ള്ളെബെ്ള്ള്യ ഇന്ത്‌ദ്.

2 തെസെലോനിക്ക്യഗാറാര് 1:7

അദുക്കുള സാമിന തെര്യാത്തവാര്‌നാമ് നമ്മ് ആണ്ടവാന് ഏസ്സ് സൊന്ന നല്ല സേദി സൊല്ലുപഡിക്ക് നഡാക്കാത്തവാര്‌നാമ് അയാള് പള്യെ്ഡ്‌ക്കുവാന്.

ജൂദാന് 1:14

ആദി മന്‌സാന് ആദാമ്‌ലിന്ത് ഏ്ളാവാദ് തലെകെ്ട്ട്‌ല് പ്‌റാന്ത ആനോക്കു ഇവാര്‌ന പറ്റി സൊല്ലിര്‌ക്കുവാദ് എന്തെന്റ് സൊന്ന: <<ഇദാ, ആണ്ടവാന് എ്ണ്ണ്‌സ്യ മുഡ്യാത്ത ദൂദാര്‌ഗാളോഡ ബന്റാന്.

ബെ്ളിപട്ട കാര്യ 14:1

പ്‌റ നാന് നോഡുഗാട്ടി സീയോനു മലേല് കൊറ്യാഡ് കുട്ടി നിന്റ്‌റ്‌ക്കുവാദ്‌ന നാന് കണ്ടെ. നെറ്റില് അയാള്‌ത്ത്‌മ് അയാള് അപ്പാന്‌ത്ത്‌മ് പേര് എ്ള്‌ദിര്‌ക്കുവ നൂറ്റി നാപത്തി നാലായിര ആള്‌ഗാള്‌മ് അയി കൊറ്യാഡ് കുട്ട്യൊപ്പ നിന്റിന്താര്.

ബെ്ളിപട്ട കാര്യ 14:20

പട്ടണാക്ക് ബെ്ളിഗെ ഇര്‌ക്കുവ അയി കുയിക്ക് മുന്തിരിന ഇക്കി മെ്ട്ടി പെജേന്താന്. അയി കുയിലിന്ത് ഒളുഗുന സോരെ കുദുറെ ബായി മാട്ട് ബരുവ ഗജാത്ത്‌ല് സുമാര് മുന്നൂറു കില മീറ്റ്‌റ് ദൂര മാട്ട് ഒളുഗുറ്റു.

ബെ്ളിപട്ട കാര്യ 17:14

അവാര് കൊറ്യാഡ് കുട്ട്യോഡ ജുദ്ദ ഗേവാര്. ആന കൊറ്യാഡ് കുട്ടി അവാര്‌ന സോലുസുവാന്. എന്ത്‌ക്കെന്റ് സൊന്ന അയാള് ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ് രാജാവുഗാള്‌ക്ക് രാജാവുമുത്തെ. അയാളോഡ ഇര്‌ക്ക്‌ന്റവാര് സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് നമ്പ്യ മുഡിന്റവാര്‌മ്‌ത്തെ>> എന്റ് സൊന്നാന്.

ബെ്ളിപട്ട കാര്യ 19:11

അദ്‌ക്ക് പ്‌റ മേലോഗ ത്‌റാന്ത്‌റ്‌ക്കുവാദ്‌ന നാന് കണ്ടെ. നാന് നോഡുഗാട്ടി ഒന്റു ബെ്ള്ള കുദുറെന കണ്ടെ. അയി കുദുറെ കുദ്ദാക്ക് കുക്കാന്ത് ഇര്‌ന്റവാന്‌ന നമ്പ്യ മുഡിന്റവാന് എന്റ്‌മ് സത്ത്യമുള്ളവാന് എന്റ്‌മ്‌ത്തെ ബ്‌ളിത്തിന്താദ്. നേര്‌മോഡാത്തെ അയാള് ആള്‌ഗാള്‌ന ബിദിക്കുവാദ്‌മ് പോട്ടിഗാറാരോഡ ജുദ്ദ ഗേവാദ്‌മ്.

ബെ്ളിപട്ട കാര്യ 19:8

ദഗദഗാത്ത് മിന്നുവ ബെ്ള്ളെ ഉഡുപ്പു ഇക്ക്യ അവാള്‌ക്ക് കെ്ഡേത്ത്‌ദ്>> അയി ബെ്ള്ളെ ഉഡുപ്പു സാമിഗാറാര് ഗേവ നല്ല കാര്യഗാള്‌ന കാട്ട്‌ന്റ്.

ബെ്ളിപട്ട കാര്യ 3:4

ആന ഉഡുപ്പുഗാള് ഇന്നിമ് എ്ള്‌ക്കാഗാത്ത ലേസ ആള്‌ഗാള് സറ്‌ദീസ്‌ല് നിനാക്ക് ഇര്‌ക്ക്‌ന്റാര്. അവാര് ബെ്ള്ളെ ഉഡുപ്പിക്കി എന്നോഡൊപ്പ നഡാക്കുവാര്. അവാര് അദ്‌ക്ക് തഗ്‌ദ്യുള്ളവാര്‌ത്തെ.

ബെ്ളിപട്ട കാര്യ 4:4

അയി കുറിഞ്ചിക്ക് സുറ്റുമു ബേ്റെ ഇരുവത്തിനാല് കുറുഞ്ചിഗാള്‌മ് ഇന്ത്‌ദ്. ബെ്ള്ളെ ഉഡുപ്പുഗാള് ഇക്കിമ് പൊന്നു ഗിര്യാഡന ഇക്കിമ് ഇര്‌ക്കുവ ഇരുവത്തിനാല് മൂപ്പനാമ് അദ്‌ല് കുക്കാന്തിന്താര്.

ബെ്ളിപട്ട കാര്യ 7:9

അദ്‌ക്ക് പ്‌റ എല്ലാ ജാദിഗാള്‌ലിന്ത്‌മ്, എല്ലാ കുലഗാള്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ് ആര്‌ക്ക്‌മ് എ്ണ്ണ്‌സ്യ മുഡ്യാത്ത ദൊഡ്ഡ ഒന്റു ആള്‌കൂട്ട ബെ്ള്ളെ ജൊഗെ ഇക്കിമ് കയില് പേരീസ് പുല്ലുന പ്‌ഡിത്ത്‌മ് കുറിഞ്ചിക്ക്‌മ് കൊറ്യാഡ് കുട്ടിക്ക്‌മ് മുന്നുക്കു നിന്റ്‌റ്‌ക്കുവാദ്‌ന നാന് കണ്ടേന്.