ബെ്ളിപട്ട കാര്യ 18:19 - സാമി സേദി

¹⁹ അവാര് മണ്ണ്‌ന ബാരി തലേക്ക് അട്ടി കൊണ്ടു, <മ്‌ഗ്‌ന്ത പട്ടണ ആന ബാവിലോണെ, നിനാക്ക് കജട്ട, കജട്ട. അവാള്‌ക്ക് ഇര്‌ക്കുവ ദൊഡ്ഡ സൊത്തുന ബെത്ത് കൊണ്ടു കഡാല്‌ല് കപ്പാല് ഇര്‌ക്ക്‌ന്റവാര് ഒട്ടുക്കു പണഗാറാര് ആനാര്. ഒന്റു മണിക്കൂറു നേര കൊണ്ടു എല്ലാദ്‌മ് ഇല്ലാദായി പോറ്റല്ല?> എന്റ് ദുക്കപട്ട് കേ്യിന്ത്‌കൊണ്ടു സൊല്ലുവാര്.

ബെ്ളിപട്ട കാര്യ 18:19 ပူးပေါင်းရင်းမြစ်များ

ബെ്ളിപട്ട കാര്യ 17:16

നീ കണ്ട പത്ത് കൊമ്പുഗാള്‌മ് ബേ്ണ്ട്‌മ് ബേസിന തൊറേന്ത് തള്ളുവാര്. അവാര് അവാള്‌ക്ക് ഇര്‌ക്കുവാദ്‌ന ഒട്ടുക്കു എ്ഡ്‌ത്ത് തള്ളി അവാള്‌ന ബെ്റ്‌ദെകറി മാഡുവാര്. അത്തെ അവാള് കറി സദേന അവാര് തിന്നുവാര്, അവാള്‌ന തീയിക്ക് ഇക്കി സുട്ടുമു തള്ളുവാര്.

ബെ്ളിപട്ട കാര്യ 18:10

അവാള്‌ക്ക് കെ്ഡേത്ത കൊഡിമേന കണ്ട് അഞ്ചിക്കെപട്ട് ദൂരാത്ത്‌ല് നിന്റ് കൊണ്ടു, <മ്‌ഗ്‌ന്ത പട്ടണന ആന ബാവിലോണെ, നല്ല ഒറേപ്പിര്‌ക്കുവ പട്ടണാഗേ, നിനാക്ക് കജട്ട കജട്ട, ഒന്റു മണിക്കൂറു കൊണ്ടു നിന്ന് ദെ്ണ്ടണെ മുഡിന്ത്‌ദല്ല?> എന്റ് സൊല്ലി കേ്യിവാര്.

ബെ്ളിപട്ട കാര്യ 18:3

എന്ത്‌ക്കെന്റ് സൊന്ന ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌മ് കുഡിത്താര്. അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ്‌ത്തെ അയി ഊറബെത്ത മുന്തിരി സാര. ബൂമില് ഇര്‌ക്കുവ രാജാവുഗാള് അവാളോഡ ബേസ്യാഡ്‌നാര്. അഡാക്ക്യ മുഡ്യാത്ത കാമാക്ക് അഡിമെപട്ട് നഡാന്താദ്‌നാലെ ബൂമില് ഇര്‌ക്കുവ ഏവാരിഗാള് ദൊഡ്ഡ പണഗാറാരായി മുഡിന്താര്>> എന്റ് സൊന്നാന്.

ബെ്ളിപട്ട കാര്യ 18:8

അദ്‌നാലെ സാവു, ദുക്ക, പഞ്ച ഇത്തെ ദൊഡ്ഡ ദെ്ണ്ടണെഗാള് ഒന്റേ നാള് താനെ അവാള്‌ക്ക് ബര്‌മ്. അവാള്‌ന തീയിക്ക് ഇക്കി സുട്ടു തള്ളുവാര്. എന്ത്‌ക്കെന്റ് സൊന്ന അവാള്‌ന ദെ്ണ്ടണെ ബിദിത്ത ആണ്ടവാനാന സാമി എല്ലാ ബിലാമ് ഇര്‌ക്ക്‌ന്റവാന്‌ത്തെ.