അദ്‌ക്ക് പ്‌റ സാമിനിഗാല് നഡാത്തുവാദ്‌ക്ക് നാന് ഒന്റേപെ്ട്ട് കെ്ട്ട്‌പട്ട് ഇര്‌ക്കാട്ടി അയി ദൂദാന് എനാന ബെ്ട്ടെകാഡ്‌ക്ക് കൂട്ടി പോനാന്. അദ്‌ല് ഒന്റു പെണ്ണ്‌പ്‌ളെ സോരെസോര്യ ഇര്‌ക്കുവ ഒന്റു ബേ്ണ്ട് കുദ്ദാക്ക് കുക്കാന്ത് ഇര്‌ക്കുവാദ്‌ന നാന് കണ്ടെ. അയി ബേ്ണ്ട് സരിഗലാത്ത്‌ല് ഒട്ടുക്കു സാമിന മാനഗെ്ഡ്‌സുവ പേര്‌ഗാള് ഇന്ത്‌ദ്. അയി ബേ്ണ്ട്‌ക്ക് ഏ്ള് തലെഗാള്‌മ് പത്ത് കൊമ്പുഗാള്‌മ് ഇന്ത്‌ദ്.
ബെ്ളിപട്ട കാര്യ 18:16 - സാമി സേദി16 <മ്‌ഗ്‌ന്ത പട്ടണന ആന ബാവിലോണെ, നിനാക്ക് കജട്ട കജട്ട, ബെ്ള്ളെബെ്ള്ള്യ ഇര്‌ക്കുവ സീലേമ്, നീല ന്‌റാമ് സോരെ ന്‌റാമ് കലാന്ത്‌റ്‌ക്കുവ സീലേമ്, സോരെസോര്യ ഇര്‌ക്കുവ സീലേമ് കെ്ട്ടി, പൊന്നുലുമു, ബെലെപെറ്റ കല്ല്‌ല്‌മ്, മുത്തുലുമു തൊനേന്ത്‌മ് ഇര്‌ക്ക്‌ന്റവാളെ, အခန်းကိုကြည့်ပါ။ |
ബെ്ളിപട്ട കാര്യ 18:16
8 ပူးပေါင်းရင်းမြစ်များ
അയി പെ്ണ്ണ്‌പ്‌ളെ നീലാമ് സോരേമ് കലാന്ത ന്‌റാമ് സോരെ ന്‌റാമ് ഉള്ള ഉഡുപ്പുമ് ഇക്കിന്താള്. അവാള് പൊന്നുലുമു, ബെലെപെറ്റ കല്ല്‌ല്‌മ്, മുത്തുലുമു തൊനേന്തിന്താള്. അവാള് കയില് ഒന്റു പൊന്നു സെമ്പ്‌മ് ഇന്ത്‌ദ്. അവാള് ബേസ്യാഡികൊണ്ടു കണ്ടപഡി നഡാക്കുവ അയിത്ത്യുള്ള കാര്യഗാള്‌മ് സാത്ത്‌റ പ്‌ഡിക്കുവ കാര്യഗാള്‌മ് അയി സെമ്പ്‌ല് തുമ്പിന്ത്‌ദ്.
അവാര് മണ്ണ്‌ന ബാരി തലേക്ക് അട്ടി കൊണ്ടു, <മ്‌ഗ്‌ന്ത പട്ടണ ആന ബാവിലോണെ, നിനാക്ക് കജട്ട, കജട്ട. അവാള്‌ക്ക് ഇര്‌ക്കുവ ദൊഡ്ഡ സൊത്തുന ബെത്ത് കൊണ്ടു കഡാല്‌ല് കപ്പാല് ഇര്‌ക്ക്‌ന്റവാര് ഒട്ടുക്കു പണഗാറാര് ആനാര്. ഒന്റു മണിക്കൂറു നേര കൊണ്ടു എല്ലാദ്‌മ് ഇല്ലാദായി പോറ്റല്ല?> എന്റ് ദുക്കപട്ട് കേ്യിന്ത്‌കൊണ്ടു സൊല്ലുവാര്.
ကြော်ငြာတွေ