ബെ്ളിപട്ട കാര്യ 17:6 - സാമി സേദി

⁶ സാമിഗാറാര് സോരെനാമ് നമ്പ്യ മുഡിന്റവാരായി ഏസ്സ്‌ന പറ്റി സൊന്നവാര് സോരെനാമ് അവാള് കുഡിത്ത് ബോദേ്റിര്‌ക്കുവാദ്‌ന നാന് കണ്ടേന്. അവാള്‌ന കാണ്‌ഗാട്ടി, നാന് ഒന്റേപെ്ട്ട് അന്തബ്‌ട്ടേന്.

ബെ്ളിപട്ട കാര്യ 17:6 ပူးပေါင်းရင်းမြစ်များ

ഓഗന്നാന് 2:10

അയാള്‌ന: <<എല്ലാ ആള്‌ഗാള്‌മ് ഊറബെത്ത നല്ല മുന്തിരി സാരനത്തെ മുദാല് കൊഡുക്കുവാര്. അദ്‌ന കുഡിത്ത് മദ്യാന പ്‌റാത്തെ അത്ത്‌റ നല്ലാദല്ലാത്ത ഊറുന മുന്തിരി സാര കൊഡുക്കുവാദ്. ആന നീ ഊറുന നല്ല മുന്തിരി സാര ഇന്നമാട്ട്‌ക്ക് ഈ്ട്ടി ബെത്തിന്തായല്ല?>> എന്റ് സൊന്നാന്.

അപ്പോസുത്തലാര് 22:20

നിനാന പറ്റി നായ സൊല്ലിന്ത തെപാനോസുന കൊല്ലുഗാട്ടി നാന്‌മ് അയാള്‌ന കൊല്ല്യ സൊല്ലി അയാള്‌ന കൊന്റവാര് ഉഡുപ്പുഗാള്‌ന കാത്ത്‌കൊണ്ട് അവാര്‌ക്കര്‌ഗെ നിന്റിന്തേന്.>

ബെ്ളിപട്ട കാര്യ 12:11

കൊറ്യാഡ് കുട്ടി സോരെനാലേമ് തമ്മ സൊന്ന സത്ത്യ സേദിനാലേമ് അവാര് അയി പാമ്പ്‌ന സോലുസുനാര്. തമ്മ് ഉജുരുന ദൊഡ്ഡാദ് എന്റ് നോഡാദെ സായ ഗുഡി അവാര് ഒരിങ്കിന്താര്.

ബെ്ളിപട്ട കാര്യ 13:15

അയി ബേ്ണ്ട് സെലേക്ക് ഉജുരു കൊഡുക്കുവ മൂസുന കൊഡുക്ക്യാമ് റണ്ടാവാദ് ബേ്ണ്ട്‌ക്ക് അദിഗര കെ്ഡേത്ത്‌ദ്. അത്തെ അയി സെലെന നായ നൊഡിസ്യാമ് അയി സെലെന കുമ്മുഡത്തവാര്‌ന കൊല്ല്യാമ് അയി ബേ്ണ്ട്‌ക്ക് മുഡിന്ത്‌ദ്.

ബെ്ളിപട്ട കാര്യ 13:7

സാമിഗാറാരോഡ ജുദ്ദ ഗേന്ത് അവാര്‌ന സോലുസി ഗെലിസി കഡാക്ക്യ അദ്‌ക്ക് അദിഗര കെ്ഡേത്ത്‌ദ്. എല്ലാ കുലഗാറാര്‌നാമ്, എല്ലാ ബമ്മേസഗാറാര്‌നാമ്, എല്ലാ നായഗാറാര്‌നാമ്, എല്ലാ ജാദിഗാള്‌നാമ് ആള്‌വാദ്‌ക്കുള്ള അദിഗരാമ് അദ്‌ക്ക് കെ്ഡേത്ത്‌ദ്.

ബെ്ളിപട്ട കാര്യ 16:6

സാമിഗാറാര്‌നാമ്, സാമിദാസ്‌ഗാള്‌നാമ് അവാര് കൊന്റാദ്‌നാലെ നീ അവാര്‌ക്ക് സോരെന ഊട്ടുസുനായി. അവാര്‌ക്ക് തഗ്‌ന്താദ്‌ത്തെ കെ്ഡേത്ത്‌ദ്.>>

ബെ്ളിപട്ട കാര്യ 2:13

നീ ഏദ്‌ല് ഇര്‌ക്ക്‌ന്റായി എന്റ്‌മ് അദ് സെയിത്താന് കുറിഞ്ചി എന്റ്‌മ് എനാക്ക് തെരിമ്. നീ എനാന കയി ബ്‌ഡാഗേ ഇല്ലെ. സെയിത്താന് ആളുവ നിമ്മ് പട്ട്‌ല് ബെത്ത് അന്തിപാസ്‌ന കൊന്റ കാലാത്ത്‌ല് ഗുഡി നിമ്മ് നമ്പിക്കേന തള്ളാഗേ ഇല്ലെ. നമ്പ്യ മുഡിന്റവാനാന അന്തിപാസ് എനാന പറ്റി സൊല്ലിന്തവാന്‌ത്തെ.