ബെ്ളിപട്ട കാര്യ 17:5 - സാമി സേദി

⁵ അവാള് നെറ്റില് അര്‌ത്ത എന്തെന്റ് ആര്‌ക്ക്‌മ് തെര്യാത്ത ഒന്റു പേര് എ്ള്‌ദിന്ത്‌ദ്. ബൂമില് ഇര്‌ക്കുവ ബേസിഗാള്‌ത്ത്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ത്ത്‌മ് അവ്വെ ആന ബാവിലോണു എന്നുവ മ്‌ഗ്‌ന്ത പട്ടണ എന്റ്‌ത്തെ അദ്‌ക്ക് പേര്.

ബെ്ളിപട്ട കാര്യ 17:5 ပူးပေါင်းရင်းမြစ်များ

പിലിപ്പ്യഗാറാര് 3:19

സാമി അവാര്‌ന ദെ്ണ്ടിക്കുവാന്. എന്ത്‌ക്കെന്റ് സൊന്ന അവനവാന് സുഗാക്ക് ബേ്ണ്ടി പെ്ളേക്കുവാദ്‌ത്തെ അവാര് സാമി. നാണഗെ്ട്ട കാര്യഗാള് ഗേവാദ്‌ല്‌ത്തെ അവാര് പെരിമെപഡ്‌ന്റാര്. ബൂമില കാര്യഗാള്‌ന പറ്റി താനെത്ത അവാര് നെനേക്ക്‌ന്റാര്.

2 തെസെലോനിക്ക്യഗാറാര് 2:7

സാമ്യോഡ പോട്ടിക്ക് നിന്റ് സൂഗാന ഗേവ പല കെ്ട്ട കാര്യഗാള്‌മ് സെയിത്താന് ഇന്നാല് താനെ ഉലഗാത്ത്‌ല് ഗേന്ത് കൊണ്ടു ഇര്‌ക്ക്‌ന്റാന്. ആന അയി കാര്യഗാള്‌ന തഡ്‌ക്ക്‌ന്റവാന് ബട്ടെന ബ്‌ട്ട് കൊഡുക്കുഡൊ.

ബെ്ളിപട്ട കാര്യ 1:20

എന്ന് ബല കയില് നീ കണ്ട ഏ്ള് ബെ്ള്ളിഗാള്‌ത്ത്‌മ് ഏ്ള് പൊന്നു നിലബ്‌ളാക്ക്‌ഗാള്‌ത്ത്‌മ് ബെ്ളിപഡാത്ത പൊറുളു എന്നുവാദ് ഇദ്‌ത്തെ. ഏ്ള് ബെ്ള്ളിഗാള് എന്നുവാദ് ഏസ്സ്‌ഗാറാര്‌ത്ത് ഏ്ള് കൂട്ടാത്ത്‌ല ദൂദാര്‌ത്തെ. ഏ്ള് പൊന്നു നിലബ്‌ളാക്ക്‌ഗാള് എന്നുവാദ് ഏസ്സ്‌ഗാറാര്‌ത്ത് ഏ്ള് കൂട്ടഗാള്‌ത്തെ.>>

ബെ്ളിപട്ട കാര്യ 11:8

തമ്മ് ആണ്ടവാന്‌ന കുരുസുക്കു സേത്തി ആണി അഡിത്ത് കൊന്റ മ്‌ഗ്‌ന്ത പട്ടണ ബീദില് അവാര് സാവുഗാള് ഇര്‌ക്ക്‌മ്. ഈ പട്ടണ സോദോമു പട്ടണനാമ് മിസ്‌റേമ് നാഡ്‌നാമ്‌ത്തെ കാട്ടി തരുവാദ് എന്റ് ആള്‌ഗാള് സൊന്റാര്.

ബെ്ളിപട്ട കാര്യ 14:8

റണ്ടാവാദ് ഒന്റു ദൂദാന് മുദാല്‌ല ദൂദാന് പിന്ന്‌മേലെ ബന്ത് <<ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌ക്ക്‌മ് ഊട്ടുസുന മ്‌ഗ്‌ന്ത പട്ടണ ആന ബാവിലോണു അളിന്ത് തള്ള്‌ട്ട്, അളിന്ത് തള്ള്‌ട്ട്, അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ്‌ത്തെ അയി ഊറബെത്ത മുന്തിരി സാര>> എന്റ് സൊന്നാന്.

ബെ്ളിപട്ട കാര്യ 16:19

മ്‌ഗ്‌ന്ത പട്ടണ മൂറു ബാഗായി ഒഡേന്ത്‌ദ്. ബൂമില് ഇര്‌ക്കുവ എല്ലാ പട്ടണഗാള്‌മ് അളിന്ത് തള്ള്‌ട്ട്. മ്‌ഗ്‌ന്ത പട്ടണ ആന ബാവിലോണുന സാമി നെനേത്താന്. അദ്‌നാലെ സാമി തന്ന് മ്‌ഗ്‌ന്ത മൊനെ എന്നുവ ഊറബെത്ത മുന്തിരി സാര തുമ്പിസി ബെത്ത്‌റ്‌ക്കുവ സട്ടിലിന്ത് അദ്‌ക്ക് ഊട്ടുസുനാന്.

ബെ്ളിപട്ട കാര്യ 17:1

ഏ്ള് സട്ടിഗാള്‌ന കയില് എ്ഡ്‌ത്തിന്ത ഏ്ള് ദൂദനാമ്‌ല് ഒന്റൊരുത്താന് ബന്ത് എനാക്ക്, <<ബാ, പെര്‌വാനിക്ക് അര്‌ഗെ ഇര്‌ക്കുവ മ്‌ഗ്‌ന്ത പട്ടണ എന്നുവ പേര്‌കേ്ട്ട ബേസിക്ക് ബര്യ പോവ ദെ്ണ്ടണെന നാന് കാട്ടി തരുവെ.

ബെ്ളിപട്ട കാര്യ 17:2

ബൂമില രാജാവുഗാള് അവാളോഡ ബേസ്യാഡി നഡാന്താര്. അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ് എന്നുവാദ് ഊറബെത്ത മുന്തിരി സാരത്തെ. ഈ ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌മ് കുഡിത്ത് ബോദേ്റി ഇര്‌ക്ക്‌ന്റാര്.>> എന്റ് സൊന്നാന്.

ബെ്ളിപട്ട കാര്യ 17:7

അദുക്കുള ദൂദാന് എനാക്ക്: <<നീ എന്ത്‌ക്ക് അന്തബ്‌ട്ട്‌റ്‌ക്കുവാദ്? ഈ പെ്ണ്ണ്‌പ്‌ളെന പറ്റിമ് ഏ്ള് തലേമ് പത്ത് കൊമ്പുമു ഇന്ത് അവാള്‌ന സുമാക്കുവ അയി ബേ്ണ്ട്‌ന പറ്റിമ്യുള്ള ആര്‌ക്ക്‌മ് തെര്യാത്ത അര്‌ത്തന നാന് നിനാക്ക് സൊല്ലി തന്റെ.

ബെ്ളിപട്ട കാര്യ 18:2

അയാള് ദൊഡ്ഡാദ്‌ക്ക് ആലാത്ത് കൊണ്ടു, <<മ്‌ഗ്‌ന്ത പട്ടണ ആന ബാവിലോണു അളിന്ത് തള്ള്‌ട്ട്, അളിന്ത് തള്ള്‌ട്ട് അദ് പിജാദ്‌ഗാള് തങ്കുവ ബീ്ഡായി മുഡിന്ത്‌ദ്, അദ് കെ്ട്ടജാദിഗാള് ഒളിവ പട്ട്‌മ് ആയി മുഡിന്ത്‌ദ്, അയിത്ത്യാമ് സാത്ത്‌റാമ് പഡുവ പക്കിഗാള് ഒളിവ പട്ട്‌മ് ആയി മുഡിന്ത്‌ദ്.

ബെ്ളിപട്ട കാര്യ 18:21

അദ്‌ക്ക് പ്‌റ മ്‌ഗ്‌ന്ത ബില ഇര്‌ക്കുവ ഒന്റു ദൂദാന് ബീസ്‌ങ്കല്ല്‌ന പാസെ ഇര്‌ക്കുവ ദൊഡ്ഡൊന്റു കല്ല്‌ന എ്ഡ്‌ത്ത് കഡാല്‌ക്ക് എ്റിന്ത് ഇത്തെ സൊന്നാന്: <<ഇദേപാസെ മ്‌ഗ്‌ന്ത പട്ടണന ആന ബാവിലോണുന ബീസ്യെ്റിന്തെ തള്ളുവാന്. ഇന്നി ഒന്റു നാള്‌മ് അദ്‌ന കാണമാട്ട്‌റ്.

ബെ്ളിപട്ട കാര്യ 19:2

എന്ത്‌ക്കെന്റ് സൊന്ന അയാള് ആള്‌ഗാള്‌ന നേര്‌മോഡാമ് സത്ത്യത്തോഡാമ് ബിദിക്ക്‌ന്റാന്. ബേസ്യാഡി നഡാന്ത് കൊണ്ടു ഉലഗാന കെ്ഡ്‌സ്‌ന പേര്‌കേ്ട്ട ബേസിക്ക് അയാള് ദെ്ണ്ടണെ ബിദിത്താന്, തന്ന് ഗിലാസഗാറാര്‌ന അവാള് കൊന്റാദ്‌ക്ക് സാമി അവാള്‌ന പള്യെ്ഡ്‌ത്ത്‌റ്‌ന്റാന്.>>

ബെ്ളിപട്ട കാര്യ 7:3

<<നമ്മ് സാമി ഗിലാസഗാറാര് നെറ്റിക്ക് എമ്മ മുദ്ദുറെ കുത്തി തീര്‌ക്ക മാട്ട്‌ക്ക് ബൂമിക്ക്‌മ് സമ്‌ത്ത്‌റാക്ക്‌മ് മരഗാള്‌ക്ക്‌മ് നിമ്മ കേ്ഡ് ബര്‌സ്സ ബേ്ഡ>> എന്റ് ദൊഡ്ഡാദ്‌ക്ക് ബ്ളിത്ത് സൊന്നാന്.