ബെ്ളിപട്ട കാര്യ 17:1 - സാമി സേദി

¹ ഏ്ള് സട്ടിഗാള്‌ന കയില് എ്ഡ്‌ത്തിന്ത ഏ്ള് ദൂദനാമ്‌ല് ഒന്റൊരുത്താന് ബന്ത് എനാക്ക്, <<ബാ, പെര്‌വാനിക്ക് അര്‌ഗെ ഇര്‌ക്കുവ മ്‌ഗ്‌ന്ത പട്ടണ എന്നുവ പേര്‌കേ്ട്ട ബേസിക്ക് ബര്യ പോവ ദെ്ണ്ടണെന നാന് കാട്ടി തരുവെ.

ബെ്ളിപട്ട കാര്യ 17:1 ပူးပေါင်းရင်းမြစ်များ

ലൂക്കോസു 24:32

<<ബട്ടേല് ബെത്ത് അയാള് നമ്മോഡ നായ നൊഡിഗാട്ടിമ് സാമി സൊല്ലുസുലാക്കാന സൊക്കാന സൊല്ലി തര്‌ഗാട്ടിമ് നമ്മ് മനേസ്സ്‌കുളാക്ക് തീ കത്ത്‌ന പാസെ ആറ്റല്ല?>> എന്റ് അവാര് ആങ്കീങ്ക് സൊന്നാര്.

ലൂക്കോസു 9:30

അദുക്കുള റാഡ് ഗണ്ടാള് എദ്‌ക്ക ബന്താര്. മോസേമ് ഏല്യാവുമുത്തെ. അവാര് ഏസ്സോഡ നായ നൊഡിന്താര്.

ബെ്ളിപട്ട കാര്യ 1:1

സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് ബെ്ളിപഡിസ്യ ബേ്ണ്ടി സാമി ഏസ്സ് ക്‌റ്‌സ്‌ത്ത്‌ക്ക് ബെ്ളിപഡിസി കൊഡുത്ത കാര്യഗാള്. അദ് അയാള് തന്ന് ദൂദാന്‌ന സൊല്ലി ബ്‌ട്ട് തന്ന് ഗിലാസഗാറാന് ഓഗന്നാന്‌ക്ക് ബെ്ളിപഡ്‌സ്‌നാന്.

ബെ്ളിപട്ട കാര്യ 15:1

നാന് മേലോഗാത്ത്‌ല് ദൊഡ്ഡാദ്‌മ് അദിസ്യപഡുവാദ്‌മ് ആന ബേ്റൊന്റു അഡ്യാള കണ്ടേന്. ഏ്ള് ദൂദനാമ് കഡേസി ബ്‌ഡുവ ഏ്ള് ദൊഡ്ഡ ദെ്ണ്ടണെഗാളോഡ ബന്റാര്. എന്ത്‌ക്കെന്റ് സൊന്ന അദോഡ സാമി മൊനെ തീന്ത്‌ദ്.

ബെ്ളിപട്ട കാര്യ 16:19

മ്‌ഗ്‌ന്ത പട്ടണ മൂറു ബാഗായി ഒഡേന്ത്‌ദ്. ബൂമില് ഇര്‌ക്കുവ എല്ലാ പട്ടണഗാള്‌മ് അളിന്ത് തള്ള്‌ട്ട്. മ്‌ഗ്‌ന്ത പട്ടണ ആന ബാവിലോണുന സാമി നെനേത്താന്. അദ്‌നാലെ സാമി തന്ന് മ്‌ഗ്‌ന്ത മൊനെ എന്നുവ ഊറബെത്ത മുന്തിരി സാര തുമ്പിസി ബെത്ത്‌റ്‌ക്കുവ സട്ടിലിന്ത് അദ്‌ക്ക് ഊട്ടുസുനാന്.

ബെ്ളിപട്ട കാര്യ 18:1

അദ്‌ക്ക് പ്‌റ ബേ്റെ ഒന്റു ദൂദാന് മേലോഗാത്ത്‌ലിന്ത് ഇ്റാഗി ബരുവാദ്‌ന നാന് കണ്ടെ. അയാള്‌ക്ക് ദൊഡ്ഡ അദിഗര ഇന്ത്‌ദ്. ദഗദഗാത്ത് എരേവ അയി ദൂദാന് ബെ്ള്‌സ ബൂമിക്ക് ഒട്ടുക്കു അഡിത്ത്‌ദ്.

ബെ്ളിപട്ട കാര്യ 19:2

എന്ത്‌ക്കെന്റ് സൊന്ന അയാള് ആള്‌ഗാള്‌ന നേര്‌മോഡാമ് സത്ത്യത്തോഡാമ് ബിദിക്ക്‌ന്റാന്. ബേസ്യാഡി നഡാന്ത് കൊണ്ടു ഉലഗാന കെ്ഡ്‌സ്‌ന പേര്‌കേ്ട്ട ബേസിക്ക് അയാള് ദെ്ണ്ടണെ ബിദിത്താന്, തന്ന് ഗിലാസഗാറാര്‌ന അവാള് കൊന്റാദ്‌ക്ക് സാമി അവാള്‌ന പള്യെ്ഡ്‌ത്ത്‌റ്‌ന്റാന്.>>

ബെ്ളിപട്ട കാര്യ 19:9

അദ്‌ക്ക് പ്‌റ ദൂദാന്, <<കൊറ്യാഡ് കുട്ടി കല്യണ ബിര്‌ന്ത്‌ക്ക് സാമി ബ്‌ളിത്തവാര് ബാഗ്യകേ്ട്ടവാര് എന്റ് എ്ള്‌ദ്. സാമി സൊല്ലുവ ഈ നായ സത്ത്യത്തെ>> എന്റ് എനാക്ക് സൊന്നാന്.

ബെ്ളിപട്ട കാര്യ 21:15

എന്നോഡ നായ നൊഡിന്ത ദൂദാനോഡ അയി പട്ടണനാമ് അയി പട്ടണ ബാസഗാള്‌നാമ് അയി പട്ടണ സിവാര്‌നാമ് അളാക്ക്യ ഒന്റു പൊന്നുലു ഉണ്ടാക്ക്‌ന കോലുമു ഇന്ത്‌ദ്.

ബെ്ളിപട്ട കാര്യ 21:9

കഡേസി കൊഡുക്കുവ ഏ്ള് ദൊഡ്ഡ ദെ്ണ്ടണെഗാള്‌ന തുമ്പിസിന്ത ഏ്ള് സട്ടിഗാള്‌ന പ്‌ഡിത്തിന്ത ഏ്ള് ദൂദനാമ്‌ല് ഒരുത്താന് എന്ന് പട്ട്‌ക്ക് ബന്ത് എനാക്ക്, <<ബാ, കൊറ്യാഡ് കുട്ടി പെ്ണ്ട് ആയ പോവ കല്യണ പെ്ണ്ണ്‌ന കാട്ടി തന്റെ>> എന്റ് സൊന്നാന്.

ബെ്ളിപട്ട കാര്യ 4:1

അദ്‌ക്ക് പ്‌റ നാന് നോഡുഗാട്ടി, മേലോഗാത്ത്‌ല് ഒന്റു ബാസ ത്‌റാന്ത്‌റ്‌ക്കുവാദ്‌ന നാന് കണ്ടെ. കൊമ്പൂദുവ ജദ്ദന പാസെ മുദാല് എന്നോഡ നായ നൊഡിന്ത ജദ്ദ എനാക്ക് ഇത്തെ സൊല്ലുവാദ്‌ന നാന് കേ്ട്ടെ: <<ഇദ്‌ക്ക് ബാ, ഇന്നി നഡാക്ക്യ പോവാദ് എന്ത് എന്റ് നാന് നിനാക്ക് കാട്ടി തന്റെ.>>