ബെ്ളിപട്ട കാര്യ 16:8 - സാമി സേദി

⁸ നാലാവാദ് ദൂദാന് തന്ന് സട്ടിന നേരാക്ക് ഊറ്റുനാന്. അദുക്കുള നേരാക്ക് ഇര്‌ക്കുവ മ്‌ഗ്‌ന്ത സൂഡുലു മന്‌സാര്‌ഗാള്‌ന സുട്ടു തള്ള്യ നേരാക്ക് അദിഗര കെ്ഡേത്ത്‌ദ്.

ബെ്ളിപട്ട കാര്യ 16:8 ပူးပေါင်းရင်းမြစ်များ

മത്തായി 13:6

ആന ബേര് ഇ്റാഗ്യ മുഡ്യാത്തനാലെ നേര കഡാന്ത് ബെക്കെകാല് തട്ട്‌ഗാട്ട്യെല്ല അയി പയിര്‌ഗാള് ഉണാന്ത് തള്ള്‌ട്ട്.

ലൂക്കോസു 21:25

<<നേരാല്‌മ്, നിലാവുലുമു, ബെ്ള്ളിഗാള്‌ല്‌മ് അഞ്ചിക്കെപ്‌ഡ്‌സുവ അഡ്യാളഗാള് കാട്ട്‌മ്. കഡാല് തെരെ അഡിത്ത് ദൊഡ്ഡാദ്‌ക്ക് ആലാത്ത് ബരുവ ജദ്ദന കേ്ട്ട് ഉലഗാത്ത്‌ല എല്ലാ ആള്‌ഗാള്‌മ് അഞ്ചിക്കേക്ക് സദ്‌റബെ്ട്ടി അന്തബ്‌ട്ട്‌തള്ളുവാര്.

അപ്പോസുത്തലാര് 2:20

ആണ്ടവാന് മദ്‌പ്പോഡ ബരുവ അയി ദൊഡ്ഡ നാള്‌ക്ക് മുദാല് നേര ഇ്റ്‌ണ്ട് തള്ളുവു, നിലാവു സോരെസോര്യ ആമ്.

ബെ്ളിപട്ട കാര്യ 14:18

തീ കാര്യന നോഡുവ ബേ്റൊന്റു ദൂദാന് മദ്‌ല്‌ലിന്ത് ഇ്റാഗി ബന്ത് ഉരുക്കിര്‌ക്കുവ അരിവാള് കത്ത്യോഡ നിന്റിന്ത ദൂദാന്‌ക്ക്, <<ബൂമില മുന്തിരി പഗ്‌ത്ത്‌റ്‌ക്ക്‌ന്റ്. അദ്‌നാലെ നിന്ന് അരിവാള്‌ന എ്ഡ്‌ത്ത് മുന്തിരി കൊഡിലിന്ത് മുന്തിരി പഗ സുട്ടിഗാള്‌ന അറ്‌ത്തെ്ഡ്>> എന്റ് ദൊഡ്ഡാദ്‌ക്ക് സൊന്നാന്.

ബെ്ളിപട്ട കാര്യ 6:12

കൊറ്യാഡ് കുട്ടി ആറാവാദ് മുദ്ദുറെന ത്‌റാക്കാട്ടി ദൊഡ്ഡൊന്റു ബൂമി കുലുക്ക ഉണ്ടാറ്റ്. നേര കറ്‌ത്ത കമ്പ്‌ളി പാസെ കറ്‌ത്ത കറ്‌ത്താമ് നിലാവു സോരെ സോര്യാമ് ആറ്റ്.

ബെ്ളിപട്ട കാര്യ 7:16

ഇന്നി അവാര്‌ക്ക് പജി പ്‌ഡിക്കമാട്ട, നീരറാക്കെ എ്ഡ്‌ക്കാമ് മാട്ട, ബെക്കെ സൂഡൊ പൊക്കുസുവ ബേ്റെ എന്താറ്റ സൂഡൊ അവാര്‌ക്ക് തട്ടാമ് മാട്ട.

ബെ്ളിപട്ട കാര്യ 8:12

നാലാവാദ് ദൂദാന് കൊമ്പൂദുഗാട്ടി മൂറുലു ഒന്റു ബാഗ നേരനാമ് നിലാവുനാമ് ബെ്ള്ളിഗാള്‌നാമ് അദ് കേ്ഡ് ബര്‌സ്സ്‌റ്റ്. അദ്‌നാലെ അദ്‌ഗാള്‌ക്ക് ഇര്‌ക്കുവ ബെ്ള്‌സാത്ത്‌ല് മൂറുലു ഒന്റു ബാഗ ഇ്റ്‌ട്ടാറ്റ്. അദേപാസെ പഗാല് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ജാമാക്ക് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ഇല്ലാദാറ്റ്.

ബെ്ളിപട്ട കാര്യ 9:2

അഡി അറ്റ ഇല്ലാത്ത അയി കുയിന ത്‌റാക്കാട്ടി ദൊഡ്ഡ സൂളെ തീയിലിന്ത് പൊഗെ കഡാക്കുവ പാസെ അദ്‌ലിന്ത് പൊഗെ കഡാന്ത്‌ദ്. അയി കുയിലിന്ത് കഡാക്കുവ പൊഗേല് നേരാമ് ബാന്‌മ് ഇ്റ്‌ട്ട് കെ്ട്ടി തള്ള്‌ട്ട്.