ബെ്ളിപട്ട കാര്യ 16:3 - സാമി സേദി

³ റണ്ടാവാദ് ദൂദാന് തന്ന് സട്ടിന കഡാല്‌ക്ക് ഊറ്റുനാന്. അദുക്കുള അദ് സത്ത മന്‌സാന് സോരെന പാസെ ആറ്റ്. കഡാല്‌ല ഉജുരുകെ്ളെഗാള് ഒട്ടുക്കു സത്ത് തള്ള്‌ട്ട്.

ബെ്ളിപട്ട കാര്യ 16:3 ပူးပေါင်းရင်းမြစ်များ

അപ്പോസുത്തലാര് 2:41

പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

ബെ്ളിപട്ട കാര്യ 10:2

അയി ദൂദാന് കയില് ത്‌റാന്ത്‌റ്‌ക്കുവ ഒന്റു സ്‌ന്ന ബൊക്കുമു ഇന്ത്‌ദ്. അയാള് ബല കാല്‌ന കഡാല് കുദ്ദാക്ക്‌മ് ഇ്ഡ കാല്‌ന ബൂമിക്ക്‌മ് ബെത്തിന്താന്.

ബെ്ളിപട്ട കാര്യ 11:6

എനാക്ക് സൊല്ല്യ ഇര്‌ക്കുവാദ്‌ന അവാര് സൊല്ലുവ കാലാത്ത്‌ല് മഗെ അഡിക്കാദിര്‌ക്ക്യ ബേ്ണ്ടി ബാന്‌ന അഡേക്ക്യ അവാര്‌ക്ക് അദിഗര ഇര്‌ക്ക്‌ന്റ്. നീര്‌ന സോരെ മാഡ്യാമ്, തമ്മ ആസെപഡ്‌ഗാട്ട്യെല്ല എല്ലാ ദിന്‌സ് കജട്ടഗാള്‌ന ബരിസ്സി ബൂമിന ദെ്ണ്ടിക്ക്യാമ് അവാര്‌ക്ക് അദിഗര ഇര്‌ക്ക്‌ന്റ്.

ബെ്ളിപട്ട കാര്യ 13:1

പ്‌റ കഡാല്‌ലിന്ത് ഒന്റു ബേ്ണ്ട് ഏ്റി ബരുവാദ്‌ന നാന് കണ്ടേന്. അദ്‌ക്ക് പത്ത് കൊമ്പുഗാള്‌മ്, ഏ്ള് തലെഗാള്‌മ്, ഒന്റൊന്റു കൊമ്പുഗാള്‌ല് ഒന്റൊന്റു ഗിര്യാഡാമ്, തലെഗാള്‌ല് സാമിന മാനഗെ്ഡ്‌സുവ ഒന്റൊന്റു പേര്‌ഗാള്‌മ് ഇന്ത്‌ദ്.