ബെ്ളിപട്ട കാര്യ 16:18 - സാമി സേദി

¹⁸ അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ് ബന്ത്‌ദ്. എത്ത്‌റാഗോ ദൊഡ്ഡാദ്‌ക്ക് ബൂമിമ് കുലുങ്കുറ്റു. ബൂമില് മന്‌സാര് ഉണ്ടാന കാലാത്ത്‌ലിന്ത് ഇന്നമാട്ട്‌ക്ക് ഇത്ത്‌റ ദൊഡ്ഡാദ്‌ക്ക് ബൂമി കുലുങ്കാലെ.

ബെ്ളിപട്ട കാര്യ 16:18 ပူးပေါင်းရင်းမြစ်များ

മത്തായി 24:21

എന്ത്‌ക്കെന്റ് സൊന്ന, അയി കാലാക്ക് ഉലഗ ഉണ്ടാനാദ്‌ലിന്ത് ഇന്നമാട്ട്‌ക്ക് ബരാത്ത ഒന്റു ദൊഡ്ഡ കജട്ട ബര്‌മ്. ഇദേപാസെ ഒന്റു കജട്ട ഇന്നി ബരാമ്‌മാട്ട.

ബെ്ളിപട്ട കാര്യ 11:13

അയി ഗളിഗേല് താനെ ദൊഡ്ഡൊദ്‌ക്ക് ബൂമി കുലുങ്കുറ്റു. പട്ടണാത്ത്‌ല് പത്ത്‌ല് ഒന്റു ബാഗ ഇ്ഡിന്ത് ബ്‌ന്ത്‌ദ്, ഏ്ളായിര ആള്‌ഗാള് സത്ത് തള്ള്‌നാര്. മിച്ച ഇന്തവാര് അഞ്ചിക്കെപട്ട് മേലോഗ സാമിക്ക് മദ്‌പ്പ് കൊഡുത്താര്.

ബെ്ളിപട്ട കാര്യ 11:19

പ്‌റ മേലോഗാത്ത്‌ല സാമിബീ്ഡ് ത്‌റാന്ത്‌ദ്. സാമി ബെത്ത ഒപ്പന്തന കാട്ടുവ പെ്ട്ടി അദ്‌ല് കാട്ട്‌റ്റ്. അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ്, കല്ല് മഗേമ് ബന്ത്‌ദ്, ബൂമിമ് കുലുങ്കുറ്റു.

ബെ്ളിപട്ട കാര്യ 4:5

അയി കുറിഞ്ചിലിന്ത് മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ് ബന്ത് കൊണ്ടു ഇന്ത്‌ദ്. അയി കുറുഞ്ചിക്ക് മുന്നുക്കു ഏ്ള് സൂട്ടെ തീഗാള് കത്തി എരേന്ത് കൊണ്ടു ഇന്ത്‌ദ്. അദ്‌ഗാള് സാമിത്ത് ഏ്ള് നിഗാല്‌ഗാള് ആയിന്ത്‌ദ്.

ബെ്ളിപട്ട കാര്യ 6:12

കൊറ്യാഡ് കുട്ടി ആറാവാദ് മുദ്ദുറെന ത്‌റാക്കാട്ടി ദൊഡ്ഡൊന്റു ബൂമി കുലുക്ക ഉണ്ടാറ്റ്. നേര കറ്‌ത്ത കമ്പ്‌ളി പാസെ കറ്‌ത്ത കറ്‌ത്താമ് നിലാവു സോരെ സോര്യാമ് ആറ്റ്.

ബെ്ളിപട്ട കാര്യ 8:5

പ്‌റ ദൂദാന് അയി തുമ്മ പൊഗേസുവ ദൊഡ്ഡ തൊട്ടിക്ക് മദ്‌ല്‌ല തീ കെ്ണ്ടന തുമ്പിസി ബൂമിക്ക് എ്റിന്താന്. അദുക്കുള ഇ്ഡി ബെ്ട്ടുവ ജദ്ദഗാള്‌മ്, ഓസെഗാള്‌മ്, മിച്ചുവ ബെ്ള്‌സഗാള്‌മ് ബന്ത്‌ദ്, ബൂമിമ് കുലുങ്കുറ്റു.