ബെ്ളിപട്ട കാര്യ 16:15 - സാമി സേദി

¹⁵ <<നോഡുനു, ഒന്റു ത്‌റ്‌ട്ടാന് ബരുവ പാസെ നാന് ബരുവെ. ബെ്റ്‌ദെകറി നഡാന്ത് അഡ്‌ത്തവാര് നാണഗെ്ഡ്‌സാദെ ഇര്‌ക്ക്യ ബേ്ണ്ടി തന്ന് സീലെസിലാപ്പ്‌ഗാള്‌ന സൊക്കാന സൂസാരിത്ത്‌മ് ഉറാങ്കാദേമ് ഇര്‌ക്ക്‌ന്റവാന് ബാഗ്യകേ്ട്ടവാന്.>>

ബെ്ളിപട്ട കാര്യ 16:15 ပူးပေါင်းရင်းမြစ်များ

മത്തായി 25:13

അദ്‌നാലെ അയി നാള്‌മ് ഗളിഗേമ് എന്നാല്‌ക്കെന്റ് തെര്യാത്താദ്‌നാലെ നിമ്മ സൊക്കാന സൂസാരിത്തിര്‌ന്.>>

മത്തായി 26:41

സോദണേക്ക് സിക്കാദിര്‌ക്ക്യ ഉറങ്കാദെ പരേസ്‌ന്. മനേസ്സ്‌ക്ക് ആസെ ഇര്‌ക്ക്‌ന്റ്. ആന സരിഗലാക്ക് മുഡിവാദില്ലെ>> എന്റ് സൊന്നാന്.

മര്‌ക്കോസു 14:38

സോദണേക്ക് സിക്കാദിര്‌ക്ക്യ ഉറങ്കാദെ പരേസ്‌ന്. മനേസ്സ്‌ക്ക് ആസെ ഇര്‌ക്ക്‌ന്റ്. ആന സരിഗലാക്ക് മുഡിവാദില്ലെ>> എന്റ് സൊന്നാന്.

ലൂക്കോസു 21:36

അദ്‌നാലെ നഡാക്ക്യ പോവ ഈ കാര്യഗാള്‌ലിന്ത് തപ്പിസി കഡാക്ക്യാമ് മന്‌സാനായി പ്‌റാന്തവാന് മുന്നുക്കു നില്ല്യ തഗ്‌ദ്യുള്ളവാര് ആയ ബേ്ണ്ടിമ് നിമ്മ ഏദ്‌ഗളിഗേമ് പരേസികൊണ്ടു സൂസാരിത്തിര്‌ന്.>>

അപ്പോസുത്തലാര് 20:31

അദ്‌നാലെ സൂസാരിത്ത് ഇര്‌ക്കുഡൊ. മൂറു ബര്‌സ്സ കാല ഇ്റ്‌ട്ട്‌പഗാല് അപ്പാര കജട്ട പട്ട്‌കൊണ്ടു നാന് നിമാക്ക് ബുദ്ദി സൊല്ലി തന്താദ്‌ന നെപ്പ് ബെത്ത്‌റ്‌ന്.

2 കൊരിന്ത്യഗാറാര് 5:3

അയി സരിഗല എമാക്ക് കെ്ഡേക്കാട്ടി എമ്മ ബെ്റ് നിഗാലായി താനെ അല്ല, മേലോഗാത്ത്‌ല സരിഗല ഉള്ളവാരായി താനെ ഇര്‌ക്കുവേമ്.

1 തെസെലോനിക്ക്യഗാറാര് 5:4

ആന ഏസ്സ്‌ഗാറാരെ, അയി നാള് ഒന്റു ത്‌റ്‌ട്ടാന് ബരുവ പാസെ നിമാക്ക് ബരമാട്ട. എന്ത്‌ക്കെന്റ് സൊന്ന, നിമ്മ ഇ്റ്‌ട്ട്‌ല് ഇര്‌ക്കുവ പാസെ കെ്ട്ടവാരായല്ല പെ്ളേക്കുവാദ്.

1 തെസെലോനിക്ക്യഗാറാര് 5:6

അദ്‌നാലെ ബേ്റെ ആള്‌ഗാള്‌ന പാസെ ഉറാങ്ക്‌ന്റവാര് ആഗാദെ ആരേമ്പോഡാമ് ബോദ ഉള്ളവാരായിമ് ഇര്‌ന്.

1 പത്ത്‌റോസു 4:7

ആന ഈ ഉലഗാത്ത്‌ലിര്‌ക്കുവാദെല്ല അളിവാദ്‌ക്കുള്ള കാല അഡ്‌ത്ത്‌റ്‌ന്റ്. അദ്‌നാലെ നിമ്മ സൂസാരിത്തിര്‌ന്റവാര്‌മ് അഡക്കൊദുക്കത്തോഡ ഇര്‌ക്ക്‌ന്റവാര്‌മ് ആയി പരേസി കൊണ്ടേ ഇര്‌ന്.

2 പത്ത്‌റോസു 3:10

ആണ്ടവാന് തിരിഗി ബരുവ നാള് ഒന്റു ത്‌റ്‌ട്ടാന് ബരുവ നാള് പാസെ ബര്‌മ്. അയി നാള്‌ക്ക് ബാന് ദൊഡ്ഡ ജദ്ദോഡ കാണദ്യായി തള്ള്‌മ്. ബാന്‌ലിര്‌ക്കുവ ജാദിഗാള് ഒട്ടുക്കു തീ ബെന്ത് ഉരുഗി പോമു. അദേപാസെ ബൂമിമ് അദ്‌ലിര്‌ക്കുവാദ് ഒട്ടുക്കുമു ബെന്ത് അളിന്ത് തള്ള്‌മ്.

ബെ്ളിപട്ട കാര്യ 22:7

<<ഇദാ നോഡുനു, നാന് സട്ടന ബന്റെ, സാമി നായന നേരെ കേ്ട്ട് സൊല്ലിര്‌ക്കുവ ഈ ബൊക്കുല കാര്യഗാള്‌ന കേ്ട്ട് നഡാക്ക്‌ന്റവാര് ബാഗ്യകേ്ട്ടവാര്.>>

ബെ്ളിപട്ട കാര്യ 3:11

നാന് ബേഗ ബരുവേന്. നിന്ന് ഗിര്യാഡന ആര്‌മ് ത്‌റ്‌ഡി എ്ഡ്‌ക്കാദെ ഇര്‌ക്ക്യ നിനാക്ക് ഇര്‌ക്കുവാദ്‌ന കയി ബ്‌ഡാദെ ബെയ്യി.

ബെ്ളിപട്ട കാര്യ 3:18

അദ്‌നാലെ നീ സൊത്തുഗാറനായ തീയില് സുത്താപ്പ് മാഡി എ്ഡ്‌ത്ത പൊന്നുമു, നീ ബെ്റ്‌ദെകറി ഇര്‌ക്കുവാദ്‌ന മറേസ്യ ബെ്ള്ളെ ഉഡുപ്പുമു, നിനാക്ക് കണ്ണ് കാട്ടുവാദ്‌ക്കുള്ള മര്‌ന്ത്‌മ് നീ എന്നോഡിന്ത് ബാങ്കുഡൊ എന്റ് നാന് നിനാക്ക് ബുദ്ദി സൊന്റെ.