ബെ്ളിപട്ട കാര്യ 16:12 - സാമി സേദി

¹² ആറാവാദ് ദൂദാന് തന്ന് സട്ടിന ഊപ്‌റട്ടീസ് എന്നുവ പെര്‌വാനിക്ക് ഊറ്റുനാന്. അദുക്കുള ക്‌ളാക്കിന്ത് ബരുവ രാജാവുഗാള്‌ക്ക് ബട്ടെ മാഡ്യ അദ്‌ല നീര് ബറ്റി തള്ള്‌ട്ട്.

ബെ്ളിപട്ട കാര്യ 16:12 ပူးပေါင်းရင်းမြစ်များ

ബെ്ളിപട്ട കാര്യ 11:14

റണ്ടാവാദ് കജട്ട തീന്ത്‌ദ്. ഇദാഗെ, മൂറാവാദ് കജട്ട ബര്യ പക്കായിര്‌ക്ക്‌ന്റ്.

ബെ്ളിപട്ട കാര്യ 17:15

അദ്‌ക്ക് പ്‌റ ദൂദാന് എനാക്ക്, <<ബേസി കുക്കാന്ത് ഇര്‌ക്കുവ പട്ട് എന്റ് നീ കണ്ട അയി നീര് എന്നുവാദ് എഞ്ചോ ബമ്മേസഗാള്‌മ്, എഞ്ചോ ജനഗാള്‌മ്, എഞ്ചോ ജാദിഗാള്‌മ്, എഞ്ചോ നായഗാറാര്‌മ്‌ത്തെ.

ബെ്ളിപട്ട കാര്യ 7:2

ബേ്റൊന്റു ദൂദാന് ഉജുരുള്ള സാമി മുദ്ദുറോഡ നേര കഡാന്ത് ബരുവ സാരിന്ത് ബരുവാദ്‌ന നാന് കണ്ടേന്. ബൂമിനാമ് സമ്‌ത്ത്‌റനാമ് കേ്ഡ് ബര്‌സ്സ്യ അദിഗര കെ്ഡേത്തിന്ത അയി നാക്ക് ദൂദനാമ്‌ക്ക് അയി ദൂദാന് ദൊഡ്ഡാദ്‌ക്ക് ഇത്തെ ബ്‌ളിത്ത് സൊന്നാന്:

ബെ്ളിപട്ട കാര്യ 9:14

കൊമ്പൂദുവ ജാദിന പ്‌ഡിത്തിന്ത ആറാവാദ് ദൂദാന്‌ക്ക്, <<ഊപ്‌റട്ടീസ് എന്നുവ പെര്‌വാനില് കെ്ട്ടി ബെത്ത്‌റ്‌ക്കുവ നാക്ക് ദൂദനാമ്‌നാമ് ഉക്കി ബ്‌ഡ്‌ഡൊ>> എന്റ് സൊല്ലുവ ജദ്ദത്തെ ആയിന്ത്‌ദ് അദ്.