ബെ്ളിപട്ട കാര്യ 16:1 - സാമി സേദി

¹ <<നിമ്മ പോയി ഏ്ള് സട്ടില് തുമ്പിര്‌ക്കുവ സാമി മൊനേന ബൂമിക്ക് ഊറ്റി തള്ള്‌ന്>> എന്റ് ഏ്ള് ദൂദനാമ്‌ക്ക്‌മ് സൊല്ലുവ ദൊഡ്ഡ ഒന്റു ജദ്ദന സാമിബീ്ഡ്‌ലിന്ത് നാന് കേ്ട്ടേന്.

ബെ്ളിപട്ട കാര്യ 16:1 ပူးပေါင်းရင်းမြစ်များ

ബെ്ളിപട്ട കാര്യ 11:19

പ്‌റ മേലോഗാത്ത്‌ല സാമിബീ്ഡ് ത്‌റാന്ത്‌ദ്. സാമി ബെത്ത ഒപ്പന്തന കാട്ടുവ പെ്ട്ടി അദ്‌ല് കാട്ട്‌റ്റ്. അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ്, കല്ല് മഗേമ് ബന്ത്‌ദ്, ബൂമിമ് കുലുങ്കുറ്റു.

ബെ്ളിപട്ട കാര്യ 14:15

ബേ്റൊന്റു ദൂദാന് സാമിബീ്ഡ്‌ലിന്ത് ബെ്ളിഗെ ബന്ത് മഞ്ച് കുദ്ദാക്ക് കുക്കാന്ത് ഇര്‌ക്ക്‌ന്റവാന്‌ക്ക് <<അറെ ഗളിഗെ ബന്ത്‌റ്‌ക്ക്‌ന്റ്, ബൂമില ബെ്ള്ളാമെ ബെ്ളേന്ത് അറ്‌ക്ക്യ ആയിര്‌ക്ക്‌ന്റ്. അദ്‌നാലെ നിന്ന് അരിവാള് കത്തിന എ്ഡ്‌ത്ത് അറുക്കുഡൊ>> എന്റ് ദൊഡ്ഡാദ്‌ക്ക് സൊന്നാന്.

ബെ്ളിപട്ട കാര്യ 14:18

തീ കാര്യന നോഡുവ ബേ്റൊന്റു ദൂദാന് മദ്‌ല്‌ലിന്ത് ഇ്റാഗി ബന്ത് ഉരുക്കിര്‌ക്കുവ അരിവാള് കത്ത്യോഡ നിന്റിന്ത ദൂദാന്‌ക്ക്, <<ബൂമില മുന്തിരി പഗ്‌ത്ത്‌റ്‌ക്ക്‌ന്റ്. അദ്‌നാലെ നിന്ന് അരിവാള്‌ന എ്ഡ്‌ത്ത് മുന്തിരി കൊഡിലിന്ത് മുന്തിരി പഗ സുട്ടിഗാള്‌ന അറ്‌ത്തെ്ഡ്>> എന്റ് ദൊഡ്ഡാദ്‌ക്ക് സൊന്നാന്.

ബെ്ളിപട്ട കാര്യ 15:1

നാന് മേലോഗാത്ത്‌ല് ദൊഡ്ഡാദ്‌മ് അദിസ്യപഡുവാദ്‌മ് ആന ബേ്റൊന്റു അഡ്യാള കണ്ടേന്. ഏ്ള് ദൂദനാമ് കഡേസി ബ്‌ഡുവ ഏ്ള് ദൊഡ്ഡ ദെ്ണ്ടണെഗാളോഡ ബന്റാര്. എന്ത്‌ക്കെന്റ് സൊന്ന അദോഡ സാമി മൊനെ തീന്ത്‌ദ്.

ബെ്ളിപട്ട കാര്യ 16:17

ഏ്ളാവാദ് ദൂദാന് തന്ന് സട്ടിന എ്ഡ്‌ത്ത് ബാന്‌ക്ക് ഊറ്റുനാന്. അദുക്കുള <<എല്ലാദ്‌മ് നഡാന്ത് മുഡിന്ത്‌ദ്>> എന്റ് സൊല്ലുവ ദൊഡ്ഡ ഒന്റു ജദ്ദ സാമിബീ്ഡ്‌ല കുറിഞ്ചി പട്ട്‌ലിന്ത് ബന്ത്‌ദ്.