ബെ്ളിപട്ട കാര്യ 15:1 - സാമി സേദി1 നാന് മേലോഗാത്ത്ല് ദൊഡ്ഡാദ്മ് അദിസ്യപഡുവാദ്മ് ആന ബേ്റൊന്റു അഡ്യാള കണ്ടേന്. ഏ്ള് ദൂദനാമ് കഡേസി ബ്ഡുവ ഏ്ള് ദൊഡ്ഡ ദെ്ണ്ടണെഗാളോഡ ബന്റാര്. എന്ത്ക്കെന്റ് സൊന്ന അദോഡ സാമി മൊനെ തീന്ത്ദ്. အခန်းကိုကြည့်ပါ။ |
സാമിക്ക് ഇര്ക്കുവ മ്ഗ്ന്ത മൊനെ എന്നുവ ഊറബെത്ത മുന്തിരി സാര കുഡിക്കുവാന്. നല്ല മപ്പ് ഏ്റുവ അയി മുന്തിരി സാര സാമി മൊനെ എന്നുവ സട്ടിക്ക് ഊറ്റി ബെത്ത്റ്ന്റാന് ഇര്ക്ക്ന്റാന്. സുത്താപ്പിര്ക്കുവ ദൂദനാമ്ക്ക്മ് കൊറ്യാഡ് കുട്ടിക്ക്മ് മുന്നുക്കു ബെത്ത് അയാള്ന തീയില്മ് ഗെന്തഗാത്ത്ല്മ് കൊഡിമെപഡുസുവാന്.
ബൂമില് ഇര്ക്കുവ എല്ലാ ആള്ഗാള്നാമ് സോലുസ്യ ബേ്ണ്ടി അയാള് ബായിലിന്ത് ഉരുക്കിര്ക്കുവ ബാള് ബെ്ളിഗെ കഡാക്ക്ന്റ്. <<അയാള് അവാര്ന ഇര്മ്പ് ബഡി എ്ഡ്ത്ത് ആളുവാന്.>> അയാള് മുന്തിരി സാര മെ്ട്ടി പെജേന്ത് എ്ഡ്ക്കുവ കുയിക്ക് മുന്തിരിന ഇക്കി മെ്ട്ടി പെജേവാന്. എല്ലാ ബിലാമ് ഇര്ക്കുവ സാമി മൊനേന കാട്ടുവാദ്ത്തെ അയി കുയി.
ഈ തീയിമ്, പൊഗേമ്, ഗെന്തഗാമ് തട്ടി സാഗാദെ മിച്ച ഇന്ത ആള്ഗാള് തമ്മ കയില് കുമ്മുഡുവ ജാദിഗാള് മാഡുവാദ്ന തള്ളി സാമിസാരി തിര്ഗാലെ. അദ്താനേമല്ല, പൊന്നുലുമു, ബെ്ള്ളില്മ്, ബെ്ങ്കലാല്മ്, കല്ല്ല്മ്, മരാത്ത്ല്മ് ഉണ്ടാക്ക്ന കാണ്യാമ് കേ്ള്ക്ക്യാമ് അലിങ്ക്യാമ് മുഡ്യാത്ത സെലെഗാള്ന കുമ്മുഡുവാദ്നാമ് കെ്ട്ടജാദിഗാള്ന കുമ്മുഡുവാദ്നാമ് അവാര് തള്ളാലെ.