ബെ്ളിപട്ട കാര്യ 14:2 - സാമി സേദി

² ദൊഡ്ഡ നീര് ഒളുഗുവ ജദ്ദന പാസേമ് ദൊഡ്ഡ ഇ്ഡി ബെ്ട്ടുവ ജദ്ദന പാസേമ് മേലോഗാത്ത്‌ലിന്ത് ഒന്റു ദൊഡ്ഡ ജദ്ദന നാന് കേ്ട്ടേന്. നാന് കേ്ട്ട അയി ദൊഡ്ഡ ജദ്ദ ബീ്ണെഗാറാര് ബീ്ണെ പ്‌ഡിക്കുവ പാസെ ഇന്ത്‌ദ്.

ബെ്ളിപട്ട കാര്യ 14:2 ပူးပေါင်းရင်းမြစ်များ

1 കൊരിന്ത്യഗാറാര് 13:1

നാന് മന്‌സാര് നായാത്ത്‌ലൊ ദൂദാര് നായാത്ത്‌ലൊ നായനൊഡിന്താല്‌മ് എനാക്ക് സീവാന് ഇല്ലാദെ പോന നാന് ബെ്റ്‌ദെ ഓസെ്റിവ മണിന പാസേമ് ജെല്‌ങ്കുവ ജെലികുന്റിന പാസേമ്‌ത്തെ.

ബെ്ളിപട്ട കാര്യ 1:10

ആണ്ടവാന്‌ന കുമ്മുഡുവ നാള് സാമിനിഗാല് നഡാത്തുവാദ്‌ക്ക് നാന് ഒന്റേപെ്ട്ട് കെ്ട്ട്‌പട്ട് ഇന്തേന്. അദുക്കുള എന്ന് പിന്ന് സാരി കൊമ്പൂദുവ ജദ്ദന പാസെ ദൊഡ്ഡൊന്റു ജദ്ദന നാന് കേ്ട്ടേന്.

ബെ്ളിപട്ട കാര്യ 1:15

അയാള് കാല്‌ഗാള് സൂളേല് സുട്ടു പഗ്‌സ്‌ന ബെ്ങ്കലാന പാസേമ് അയാള് ജദ്ദ ആലാത്ത് ബരുവ ദൊഡ്ഡ നീര്‌ന പാസേമ് ആയിന്ത്‌ദ്.

ബെ്ളിപട്ട കാര്യ 11:12

അദുക്കുള മേലോഗാത്ത്‌ലിന്ത് ദൊഡ്ഡ ഒന്റു ജദ്ദ <<ഈങ്ക് ഏ്റി ബാന്>> എന്റ് സൊല്ലുവാദ്‌ന അവാര് കേ്ട്ടാര്. അവാര് പോട്ടിഗാറാര് നോഡിര്‌ക്കാട്ടി താനെ മഞ്ച്‌ല് അവാര് മേലോഗാക്ക് ഏ്റി പോനാര്.

ബെ്ളിപട്ട കാര്യ 11:15

ഏ്ളാവദ് ദൂദാന് കൊമ്പൂദുഗാട്ടി മേലോഗത്ത്‌ലിന്ത് ദൊഡ്ഡ ജദ്ദഗാള് ഉണ്ടാറ്റ്. <<നമ്മ് ആണ്ടവാന്‌ക്ക്‌മ് അയാള് ക്‌റ്‌സ്‌ത്ത്‌ക്ക്‌മ് ഉലഗ രാജ്യന ഒട്ടുക്കു ആള്‌വാദ്‌ക്കുള്ള അദിഗര ഇര്‌ക്ക്‌ന്റ്. അയാള് എന്നാല്‌ക്ക്‌മ് ആളുവാന്.>>

ബെ്ളിപട്ട കാര്യ 15:2

തീ കലാന്ത ഒന്റു കന്നാഡി കഡാല്‌ന പാസെ ഇര്‌ക്കുവാദ്‌ന നാന് കണ്ടെ. ബേ്ണ്ട്‌നാമ്, അയി ബേ്ണ്ട് സെലെനാമ്, അയാള് പേര്‌ന കാട്ടുവ എ്ണ്ണനാമ് സോലുസുനവാര് അയി കഡാല്‌ക്ക് അര്‌ഗെ നിന്റിന്താര്. അവാര് തമ്മ് കയില് സാമി കൊഡുത്ത ബീ്ണെഗാള്‌നാമ് പ്‌ഡിത്തിന്താര്.

ബെ്ളിപട്ട കാര്യ 18:22

ബീ്ണെ പ്‌ഡിക്ക്‌ന്റവാര്‌മ്, പാട്ട്‌ഗാറാര്‌മ്, കുഗാല് പ്‌ഡിക്ക്‌ന്റവാര്‌മ്, കൊമ്പൂദുന്റവാര്‌മ് ഇന്നി നിന്ന് പട്ട്‌ല് ബീ്ണെ പ്‌ഡിക്കാമ് മാട്ടാര്, പാട്ട് പാഡാമ് മാട്ടാര്, കുഗാല് പ്‌ഡിക്കാമ് മാട്ടാര്. ഒന്റൊന്റു ദിന്‌സ് ഗിലാസത്ത്‌ല് മ്‌ഗ്‌ന്തവാര് ആന ഗിലാസഗാറാര്‌ന ഇന്നി നിന്ന് പട്ട്‌ല് കാണമാട്ടായി, ബീസ്‌ങ്കല്ല്‌ല് ബീസുവ ജദ്ദാമ് ഇന്നി നിന്ന് പട്ട്‌ല് കേ്ള്‌ക്കമാട്ടായി.

ബെ്ളിപട്ട കാര്യ 5:8

അദ്‌ന എ്ഡ്‌ത്താദ്‌മ് ഇരുവത്തിനാല് മൂപ്പനാമ്‌ഗാള്‌മ് അയി നാക്ക് ഉജുരുകെ്ളെഗാള്‌മ് അയി കൊറ്യാഡ് കുട്ടി മുന്നുക്കു സഡങ്ക ബ്‌ന്താര്. അവാര് ഒന്റൊന്റാള് കയില് ബീ്ണേമ്, സാമിഗാറാര്‌ത്ത് പരേസ എന്നുവ ഗമ്‌ഗമ ബാഡെ അഡിക്കുവ തുമ്മ തുമ്പിര്‌ക്കുവ പൊന്നു സട്ടിഗാള്‌മ് ഇന്ത്‌ദ്.

ബെ്ളിപട്ട കാര്യ 6:1

അദുക്കുള കൊറ്യാഡ് കുട്ടി ഏ്ള് മുദ്ദുറെഗാള്‌ല് ഒന്റുന ത്‌റാക്കുവാദ്‌ന നാന് കണ്ടേന്. അദുക്കുള അയി നാക്ക് ഉജുരുകെ്ളെഗാള്‌ല് ഒന്റു ഇ്ഡി ജദ്ദന പാസെ <<ബാ>> എന്റ് സൊല്ലുവാദ്‌ന നാന് കേ്ട്ടെ.

ബെ്ളിപട്ട കാര്യ 8:7

ഒണ്ണാവാദ് ദൂദാന് കൊമ്പൂദുഗാട്ടി സോരെ കലാന്ത കല്ല് മഗേമ് തീയിമ് ഉണ്ടായി അദ് ബൂമിക്ക് അഡിത്ത്‌ദ്. മൂറുലു ഒന്റു ബാഗ ബൂമി ബെന്ത് ബൂദ്യാറ്റ്, മരഗാള്‌ല് മൂറുലു ഒന്റു ബാഗ ബെന്ത് കരിന്ത്‌ദ്, പച്ചെ പുല്ലുഗാള് ഒട്ടുക്കു ബെന്ത് കരിന്ത്‌ദ്.