ബെ്ളിപട്ട കാര്യ 14:15 - സാമി സേദി

¹⁵ ബേ്റൊന്റു ദൂദാന് സാമിബീ്ഡ്‌ലിന്ത് ബെ്ളിഗെ ബന്ത് മഞ്ച് കുദ്ദാക്ക് കുക്കാന്ത് ഇര്‌ക്ക്‌ന്റവാന്‌ക്ക് <<അറെ ഗളിഗെ ബന്ത്‌റ്‌ക്ക്‌ന്റ്, ബൂമില ബെ്ള്ളാമെ ബെ്ളേന്ത് അറ്‌ക്ക്യ ആയിര്‌ക്ക്‌ന്റ്. അദ്‌നാലെ നിന്ന് അരിവാള് കത്തിന എ്ഡ്‌ത്ത് അറുക്കുഡൊ>> എന്റ് ദൊഡ്ഡാദ്‌ക്ക് സൊന്നാന്.

ബെ്ളിപട്ട കാര്യ 14:15 ပူးပေါင်းရင်းမြစ်များ

മത്തായി 13:30

അദ്‌നാലെ ഗോദിമ്പെ മ്‌ണ്ടേമ് കളേമ് അറെ ഗളിഗെ മാട്ട്‌ക്ക് ബളാരുഡൊ. അറെഗളിഗേക്ക് നാന് അറെഗാറാര്‌ക്ക് മുദാല് കളേന പ്‌ഡിങ്കി കൂട്ടി സുട്ടു തള്ള്യ ഒന്റൊന്റു കെ്ട്ട് മാഡി കെ്ട്ട്യാമ്, ഗോദിമ്പെന അന്നാന ബെക്കുവ ബീ്ഡ്‌ക്ക് തുമ്പിസി ബെക്ക്യാമ് സൊല്ലുവെ> എന്റ് സൊന്നാന്.>>

മത്തായി 13:39

അദ്‌ന ബിത്ത്‌ന പോട്ടിഗാറാന് എന്നുവാദ് സെയിത്താന്, അറെ എന്നുവാദ് ഉലഗ കഡേസി നാള്, അറെഗാറാര് എന്നുവാദ് ദൂദാര്‌ഗാള്.

മത്തായി 23:32

നിമ്മ് പാട്ടനാമ് ഗേയ പ്‌ഡിത്ത പാവാന നിമ്മ ഗേന്ത് മുഡിക്ക്‌ന്റ്‌റ്.

മര്‌ക്കോസു 4:29

അത്തെ ബെ്ളേന്ത് അറിക്ക്യ ആഗാട്ടി അയാള് ആള്‌ന സൊല്ലി ബ്‌ട്ട് അറ്‌ക്ക്‌ന്റാന്.>>

1 തെസെലോനിക്ക്യഗാറാര് 2:16

സാമി ദെ്ണ്ടിക്കുവ ദെ്ണ്ടണേലിന്ത് തപ്പിസി കഡാക്ക്യ ബേ്ണ്ടി എഗുദാരല്ലാത്ത ജാദിഗാള്‌ക്ക് എമ്മ സൊല്ലുവ നായന തഡ്‌ക്ക്‌ന്റവാര്‌മ്‌ത്തെ അവാര്. അത്തെ അവാര് ഗേന്ത് കൊണ്ട്‌റ്‌ക്കുവ പാവഗാള് കൂട്ടാക്ക് പിന്നേമ് പാവഗാള് ഗേന്ത് സേത്തി കൊണ്ട്‌റ്ക്ക്‌ന്റാര്. ആന സാമിക്ക് അവാരോഡ ഇര്‌ക്കുവ മൊനേന തീര്‌ക്കുവ കഡേസി നാള് ബന്ത്‌റ്‌ക്ക്‌ന്റ്.

ബെ്ളിപട്ട കാര്യ 11:19

പ്‌റ മേലോഗാത്ത്‌ല സാമിബീ്ഡ് ത്‌റാന്ത്‌ദ്. സാമി ബെത്ത ഒപ്പന്തന കാട്ടുവ പെ്ട്ടി അദ്‌ല് കാട്ട്‌റ്റ്. അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ്, കല്ല് മഗേമ് ബന്ത്‌ദ്, ബൂമിമ് കുലുങ്കുറ്റു.

ബെ്ളിപട്ട കാര്യ 13:12

മുദാല്‌ല ബേ്ണ്ട്‌ക്ക് ഇര്‌ക്കുവ അദിഗരാന ബെത്ത് അയി ബേ്ണ്ട് മുദാല്‌ല ബേ്ണ്ട്‌ക്ക് ബേ്ണ്ടി എല്ലാദ്‌നാമ് ഗേന്ത്‌ദ്. സത്ത് പോവാദ്‌ക്ക് തഗ്‌ന്ത ഈ്ഡ് പട്ട് ആറ്‌ന അയി മുദാല്‌ല ബേ്ണ്ട്‌ന കുമ്മുഡ്യ ബൂമില് ഇര്‌ക്ക്‌ന്റവാര്‌ന ഒട്ടുക്കു ഈ ബേ്ണ്ട് നത്ത്‌റ്റ്.

ബെ്ളിപട്ട കാര്യ 14:14

പ്‌റ നാന് നോഡുഗാട്ടി ബെ്ള്ളെ മഞ്ച്‌ന നാന് കണ്ടെ. അയി മഞ്ച് കുദ്ദാക്ക് <<മന്‌സാനായി പ്‌റാന്തവാന്‌ന പാസെ>> ഇര്‌ക്കുവ ഒരുത്താന് തലേല് പൊന്നു ഗിര്യാഡന ഇക്കിമ്, ഉരുക്കിര്‌ക്കുവ അരിവാള് കത്തിന കയില് പ്‌ഡിത്ത്‌മ് കുക്കാന്ത് ഇന്താന്.

ബെ്ളിപട്ട കാര്യ 14:16

അദുക്കുള മഞ്ച് കുദ്ദാക്ക് കുക്കാന്ത് ഇര്‌ക്ക്‌ന്റവാന് അരിവാള് കത്തിന ബൂമിക്ക് ബീസി ബൂമില ബെ്ള്ളാമെന അറ്‌ത്തെഡ്‌ത്താന്.

ബെ്ളിപട്ട കാര്യ 14:17

ബേ്റൊന്റു ദൂദാന് മേലോഗാത്ത്‌ല സാമിബീ്ഡ്‌ലിന്ത് ബെ്ളിഗെ ബന്താന്, അയാള്‌മ് ഉരുക്കിര്‌ക്കുവ അരിവാള് കത്തിന കയില് പ്‌ഡിത്തിന്താന്.

ബെ്ളിപട്ട കാര്യ 14:18

തീ കാര്യന നോഡുവ ബേ്റൊന്റു ദൂദാന് മദ്‌ല്‌ലിന്ത് ഇ്റാഗി ബന്ത് ഉരുക്കിര്‌ക്കുവ അരിവാള് കത്ത്യോഡ നിന്റിന്ത ദൂദാന്‌ക്ക്, <<ബൂമില മുന്തിരി പഗ്‌ത്ത്‌റ്‌ക്ക്‌ന്റ്. അദ്‌നാലെ നിന്ന് അരിവാള്‌ന എ്ഡ്‌ത്ത് മുന്തിരി കൊഡിലിന്ത് മുന്തിരി പഗ സുട്ടിഗാള്‌ന അറ്‌ത്തെ്ഡ്>> എന്റ് ദൊഡ്ഡാദ്‌ക്ക് സൊന്നാന്.

ബെ്ളിപട്ട കാര്യ 15:6

ഏ്ള് ദൊഡ്ഡ ദെ്ണ്ടണെഗാള്‌ന കഡേസി ബ്‌ഡുവ ഏ്ള് ദൂദനാമ് സാമിബീ്ഡ്‌ലിന്ത് ബെ്ളിഗെ ബന്താര്. ദഗദഗാത്ത് മിന്നുവ ബെ്ള്ളെ ഉഡുപ്പു ഇക്കിമ് മാര്‌ക്ക് പൊന്നു കച്ചെ കെ്ട്ടിമ് അവാര് ഇന്താര്.

ബെ്ളിപട്ട കാര്യ 16:17

ഏ്ളാവാദ് ദൂദാന് തന്ന് സട്ടിന എ്ഡ്‌ത്ത് ബാന്‌ക്ക് ഊറ്റുനാന്. അദുക്കുള <<എല്ലാദ്‌മ് നഡാന്ത് മുഡിന്ത്‌ദ്>> എന്റ് സൊല്ലുവ ദൊഡ്ഡ ഒന്റു ജദ്ദ സാമിബീ്ഡ്‌ല കുറിഞ്ചി പട്ട്‌ലിന്ത് ബന്ത്‌ദ്.

ബെ്ളിപട്ട കാര്യ 6:10

<<എല്ലാ ബിലാമ് ഇര്‌ക്കുവ ആണ്ടവാനെ, സുത്താപ്പുള്ളവാന്‌മ് സത്ത്യമുള്ളവാന്‌മ് ആനവാനെ, ബൂമില് ഇര്‌ക്ക്‌ന്റവാര്‌ന ബിദിക്ക്യാമ് എമാന കൊന്റാദ്‌ക്ക് പള്യെ്ഡിക്ക്യാമ് ഇന്നി എഞ്ച് നാളാമ്?>> എന്റ് ദൊഡ്ഡാദ്‌ക്ക് ബ്‌ളിത്ത് സൊന്നാര്.