ബെ്ളിപട്ട കാര്യ 14:14 - സാമി സേദി

¹⁴ പ്‌റ നാന് നോഡുഗാട്ടി ബെ്ള്ളെ മഞ്ച്‌ന നാന് കണ്ടെ. അയി മഞ്ച് കുദ്ദാക്ക് <<മന്‌സാനായി പ്‌റാന്തവാന്‌ന പാസെ>> ഇര്‌ക്കുവ ഒരുത്താന് തലേല് പൊന്നു ഗിര്യാഡന ഇക്കിമ്, ഉരുക്കിര്‌ക്കുവ അരിവാള് കത്തിന കയില് പ്‌ഡിത്ത്‌മ് കുക്കാന്ത് ഇന്താന്.

ബെ്ളിപട്ട കാര്യ 14:14 ပူးပေါင်းရင်းမြစ်များ

മത്തായി 13:30

അദ്‌നാലെ ഗോദിമ്പെ മ്‌ണ്ടേമ് കളേമ് അറെ ഗളിഗെ മാട്ട്‌ക്ക് ബളാരുഡൊ. അറെഗളിഗേക്ക് നാന് അറെഗാറാര്‌ക്ക് മുദാല് കളേന പ്‌ഡിങ്കി കൂട്ടി സുട്ടു തള്ള്യ ഒന്റൊന്റു കെ്ട്ട് മാഡി കെ്ട്ട്യാമ്, ഗോദിമ്പെന അന്നാന ബെക്കുവ ബീ്ഡ്‌ക്ക് തുമ്പിസി ബെക്ക്യാമ് സൊല്ലുവെ> എന്റ് സൊന്നാന്.>>

മത്തായി 17:5

ഇത്തെ പത്ത്‌റോസു സൊല്ലികൊണ്ടു ഇര്‌ക്കാട്ടിതാനെ ബെ്ള്‌സ ദഗദഗാത്ത് എരേവ മഞ്ച് ബന്ത് അവാര്‌ന മൂഡുറ്റു. അയി മഞ്ച്‌ലിന്ത്: <<ഇവാന് എനാക്ക് മെച്ച്‌പ്‌ഡിത്ത മഗാന്. ഇവാന്‌ന എനാക്ക് പിര്യപ്‌ഡിത്ത്‌റ്‌ക്ക്‌ന്റ്. ഇവാന് സൊല്ലുവാദ്‌ന കേ്ള്‌ന്>> എന്റ് ഒന്റു ജദ്ദാമ് ബന്ത്‌ദ്.

മര്‌ക്കോസു 4:29

അത്തെ ബെ്ളേന്ത് അറിക്ക്യ ആഗാട്ടി അയാള് ആള്‌ന സൊല്ലി ബ്‌ട്ട് അറ്‌ക്ക്‌ന്റാന്.>>

ലൂക്കോസു 21:27

അദുക്കുള മന്‌സാനായി പ്‌റാന്തവാന് സക്‌ത്യോഡാമ് അദിഗരത്തോഡാമ് നോഡ്യ മുഡ്യാത്ത ബെ്ഡിപ്പോഡാമ് മഞ്ച്‌ല് ബരുവാദ്‌ന അവാര് കാണുവാര്.

എവുറായാര് 2:9

ആന സാമി പ്‌ണ്ണ്യാത്ത്‌ല് എല്ലാവാര്‌ക്ക്‌മ് ബേ്ണ്ടി സായ, ഏസ്സ് ലേസ കാല മാട്ട്‌ക്ക് ദൂദാര്‌ഗാള്‌ന ബ്‌ഡ താന്തവാന് ആനാന്. താന് കജട്ട പട്ട് സത്താദ്‌നാലെ അയാള്‌ക്ക് മാനനാമ് മദ്‌പ്പ്‌നാമ് ഗിര്യാഡായി കൊഡുത്ത്‌റ്‌ന്റാന് എന്റ് നമ്മ കാണ്‌ന്റാമ്.

ബെ്ളിപട്ട കാര്യ 1:13

അയി നിലബ്‌ളാക്ക്‌ഗാള്‌ക്ക് നഡ്‌ക്കെ <<മന്‌സാനായി പ്‌റാന്തവാന്‌ന പാസെ>> ഒന്റാള്, ഉജാരാക്ക് ജൊഗെ ഇക്കിമ് മാര്‌ക്ക് തങ്ക കച്ചെനാമ് കെ്ട്ടി നിന്റ്‌റ്‌ക്കുവാദ്‌ന നാന് കണ്ടേന്.

ബെ്ളിപട്ട കാര്യ 1:7

ഇദാ നോഡുനു, അയാള് മഞ്ച്‌ല് ബന്റാന്, എല്ലാവാര്‌മ് അയാള്‌ന കാണുവാര്, അയാള്‌ന കുത്തുനവാര് ഗുഡി അയാള്‌ന കാണുവാര്, ബൂമിലിര്‌ക്കുവ എല്ലാ ആള്‌ഗാള്‌മ് അയാള്‌ന സൊല്ലി ദൊഡ്ഡാദ്‌ക്ക് അഗാറുവാര്. അദ് അത്തെ താനെ നഡാക്കുഡൊ. ആമേന്.

ബെ്ളിപട്ട കാര്യ 10:1

പ്‌റ നാന് നോഡുഗാട്ടി സക്‌തി ഇര്‌ക്കുവ ബേ്റെ ഒന്റു ദൂദാന് മേലോഗാത്ത്‌ലിന്ത് ഇ്റാഗി ബരുവാദ്‌ന നാന് കണ്ടേന്. അയി ദൂദാന് മഞ്ച്‌ന ഉഡുപ്പു മാഡി ഇക്കിന്താന്. അയാള് തലെ കുദ്ദാക്ക് കാമ ബില്ല്‌മ് ഇന്ത്‌ദ്. അയി സാമിദൂദാന് മൂഞ്ചി നേരന പാസേമ് കാല്‌ഗാള് തീ കമ്പന പാസേമ് ഇന്ത്‌ദ്.

ബെ്ളിപട്ട കാര്യ 11:17

എല്ലാ ബിലാമ് ഇര്‌ക്കുവ ആണ്ടവാനാന സാമ്യെ, ഇന്നാല് ഇര്‌ക്ക്‌ന്റവാന്‌മ് ഇന്തിന്തവാന്‌മ് ആനവാനെ, നിനാക്ക് ഇര്‌ക്കുവ മ്‌ഗ്‌ന്ത സക്‌തിന ബെത്ത് കൊണ്ടു ആള്യ പ്‌ഡിത്താദ്‌നാലെ എമ്മ നിനാക്ക് ഒഗെ ഇക്ക്‌ന്റേമ്.

ബെ്ളിപട്ട കാര്യ 19:12

അയാള് കണ്ണ്‌ഗാള് കത്തി എരേവ തീന പാസെ ആയിന്ത്‌ദ്. അയാള് തലേല് മൊത്തന ഗിര്യാഡഗാള്‌മ് ഇന്ത്‌ദ്. എ്ള്‌ദി ബെത്ത്‌റ്‌ക്കുവ ഒന്റു പേര്‌മ് അയാള്‌ക്ക് ഇര്‌ക്ക്‌ന്റ്. അദ് അയാള്‌ക്കല്ലാദെ ബേ്റെ ആര്‌ക്ക്‌മ് തെര്യ മാട്ട.

ബെ്ളിപട്ട കാര്യ 20:11

അദ്‌ക്ക് പ്‌റ ബെ്ള്ളെബെ്ള്ള്യ ഇര്‌ക്കുവ ദൊഡ്ഡ ഒന്റു കുറിഞ്ചിനാമ് അദ്‌ല് കുക്കാന്ത് ഇര്‌ക്ക്‌ന്റവാന്‌നാമ് നാന് കണ്ടെ. അയാള് പട്ട്‌ലിന്ത് ബൂമിമ് ബാന്‌മ് ഓഡി പോറ്റു. പിന്നെ അദ്‌ഗാള്‌ന കാണാഗേ ഇല്ലെ.

ബെ്ളിപട്ട കാര്യ 6:2

നാന് നോഡുഗാട്ടി ഒന്റു ബെ്ള്ളെ കുദുറെന കണ്ടെ. കുദുറെ കുദ്ദാക്ക് ഇര്‌ക്ക്‌ന്റവാന് കയില് ഒന്റു ബില്ല് ഇന്ത്‌ദ്. അയാള്‌ക്ക് ഒന്റു ഗിര്യാഡാമ് കെ്ഡേത്ത്‌ദ്. അയാള് ഗെല്‌സ്‌വാന് ആയിമ് ഗെലിസ്യാമ് ബേ്ണ്ടിമ് പോനാന്.