ബെ്ളിപട്ട കാര്യ 14:11 - സാമി സേദി

¹¹ അവാര്‌ന കൊഡിമെ പഡുസുവ തീ പൊഗെ എന്നാല്‌ക്ക്‌മ് പൊഗേന്ത് കൊണ്ടു ഇര്‌ക്ക്‌മ്. ബേ്ണ്ട്‌നാമ് അയി ബേ്ണ്ട് സെലെനാമ് കുമ്മുഡുന്റവാര്‌ക്ക്‌മ്, അയാള് പേര്‌ന കാട്ടുവ എ്ണ്ണ അഡ്യാള ബെത്ത് ഇര്‌ക്ക്‌ന്റവാര്‌ക്ക്‌മ് റാവുപഗാല് നിമ്മ്‌ദ്യേ ഇര്‌ക്കമാട്ട.>>

ബെ്ളിപട്ട കാര്യ 14:11 ပူးပေါင်းရင်းမြစ်များ

മത്തായി 11:28

പാഡ്‌പട്ട് സോറ്റിര്‌ക്ക്‌ന്റവാര്‌മ് ആരബാരാന താങ്കി നഡാക്ക്‌ന്റവാര്‌മ് ആയിര്‌ക്ക്‌ന്റവാര് ഒട്ടുക്കു എന്ന് പട്ട്‌ക്ക് ബാന്. നാന് നിമാന ഗാപാറ്യ ബെക്കുവെ.

മത്തായി 25:41

അദ്‌ക്ക് പ്‌റ തന്ന് ഇ്ഡസാരിന്തവാര്‌ക്ക്: <സാപ്പ പ്‌ഡിത്തവാരേ, എനാന ബ്‌ട്ട് സെയിത്താന്‌ക്ക്‌മ് അയാള് ദൂദാര്‌ക്ക്‌മ് ഒരിക്കിര്‌ക്കുവ എന്നാല്‌ക്ക്‌മ് കെ്ഡാത്ത തീക്ക് പോനു.

മത്തായി 25:46

അത്തെ ഇത്തവാള്‌ഗാള്‌ക്ക് തീരാത്ത ദെ്ണ്ടണെ കെ്ഡേക്ക്‌മ്. ആന നേര്‌മെഗാറാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് കെ്ഡേക്ക്‌മ്.>>

എവുറായാര് 1:8

ആന സാമി തന്ന് മഗാന്‌ന പറ്റി സൊല്ലിര്‌ക്കുവാദ് എന്തെന്റ് സൊന്ന, <<ദെയിവമേ, നിന്ന് രാജ്യ എന്നാല്‌ക്ക്‌മ് ഇര്‌ക്ക്‌മ്, നീ നേര്‌മോഡ നിന്ന് രാജ്യന ആളുവായി.

ബെ്ളിപട്ട കാര്യ 11:15

ഏ്ളാവദ് ദൂദാന് കൊമ്പൂദുഗാട്ടി മേലോഗത്ത്‌ലിന്ത് ദൊഡ്ഡ ജദ്ദഗാള് ഉണ്ടാറ്റ്. <<നമ്മ് ആണ്ടവാന്‌ക്ക്‌മ് അയാള് ക്‌റ്‌സ്‌ത്ത്‌ക്ക്‌മ് ഉലഗ രാജ്യന ഒട്ടുക്കു ആള്‌വാദ്‌ക്കുള്ള അദിഗര ഇര്‌ക്ക്‌ന്റ്. അയാള് എന്നാല്‌ക്ക്‌മ് ആളുവാന്.>>

ബെ്ളിപട്ട കാര്യ 13:12

മുദാല്‌ല ബേ്ണ്ട്‌ക്ക് ഇര്‌ക്കുവ അദിഗരാന ബെത്ത് അയി ബേ്ണ്ട് മുദാല്‌ല ബേ്ണ്ട്‌ക്ക് ബേ്ണ്ടി എല്ലാദ്‌നാമ് ഗേന്ത്‌ദ്. സത്ത് പോവാദ്‌ക്ക് തഗ്‌ന്ത ഈ്ഡ് പട്ട് ആറ്‌ന അയി മുദാല്‌ല ബേ്ണ്ട്‌ന കുമ്മുഡ്യ ബൂമില് ഇര്‌ക്ക്‌ന്റവാര്‌ന ഒട്ടുക്കു ഈ ബേ്ണ്ട് നത്ത്‌റ്റ്.

ബെ്ളിപട്ട കാര്യ 13:15

അയി ബേ്ണ്ട് സെലേക്ക് ഉജുരു കൊഡുക്കുവ മൂസുന കൊഡുക്ക്യാമ് റണ്ടാവാദ് ബേ്ണ്ട്‌ക്ക് അദിഗര കെ്ഡേത്ത്‌ദ്. അത്തെ അയി സെലെന നായ നൊഡിസ്യാമ് അയി സെലെന കുമ്മുഡത്തവാര്‌ന കൊല്ല്യാമ് അയി ബേ്ണ്ട്‌ക്ക് മുഡിന്ത്‌ദ്.

ബെ്ളിപട്ട കാര്യ 13:17

ഈ അഡ്യാള ഇല്ലാദെ ആര്‌ക്ക്‌മ് എന്തൊന്റു ബാങ്ക്യാഗൊ എന്തൊന്റു മാറ്യാഗൊ മുഡ്യാമാട്ട. ബേ്ണ്ട് പേരൊ, അയി പേര്‌ന കാട്ടുവ എ്ണ്ണാഗോത്തെ അയി അഡ്യാള.

ബെ്ളിപട്ട കാര്യ 14:9

മൂറാവാദ് ഒന്റു ദൂദാന് അവാര് പിന്ന്‌ക്ക് ബന്ത് ദൊഡ്ഡാദ്‌ക്ക് <<ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡിമ് നെറ്റിലൊ കയിലൊ അഡ്യാള ബെത്ത്‌മ് ഇര്‌ക്ക്‌ന്റവാന്

ബെ്ളിപട്ട കാര്യ 18:18

അവാള്‌ന സുഡുവ പൊഗെ കഡാക്കുവാദ്‌ന കണ്ടാര്. <ഈ മ്‌ഗ്‌ന്ത പട്ടണന പാസെ ഇര്‌ക്കുവ പട്ടണ ബേ്റെ ഏദ്‌ല് ഇര്‌ക്ക്‌ന്റ്?> എന്റ് ദൊഡ്ഡാദ്‌ക്ക് സൊല്ലി കേ്യ്‌ന്റാര്.

ബെ്ളിപട്ട കാര്യ 18:9

അവാളോഡ ബേസ്യാഡി നഡാന്ത്‌മ് അവാള്‌ക്ക് ഇന്ത സമ്പോത്ത പെ്ളേപ്പ്‌ല് പങ്ക്‌ഗാറാര്‌മ് ആന ബൂമില് ഇര്‌ക്കുവ എല്ലാ രാജാവുഗാള്‌മ് അവാള്‌ന സുഡുവ പൊഗെന കാണുവാര്. അദ്‌ന കണ്ട് അവാള് സത്താദ്‌ക്ക് അവാര് നെഞ്ച്‌നമാര്‌ന അഡിത്ത് കേ്യിവാര്.

ബെ്ളിപട്ട കാര്യ 19:3

അവാര് പിന്നേമ്, <<അല്ലേലൂയ! അവാള്‌ന സുഡുവ പൊഗെ എന്നാല്‌ക്ക്‌മ് മേല് കഡാന്ത് കൊണ്ടേ ഇര്‌ക്ക്‌മ്>> എന്റ് ആലാത്താര്.

ബെ്ളിപട്ട കാര്യ 20:10

ബേ്ണ്ട്‌നാമ് സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ്‌നാമ് എ്റിന്ത് ബ്‌ട്ട്‌റ്‌ക്കുവ ഗെന്തഗ കത്തി എരേവ തീ കഡാല്‌ക്ക് അവാര്‌ന ഏമാത്തിന്ത സെയിത്താന്‌ന എ്റിന്ത് ബ്‌ഡുവാന്. റാവുപഗാല് അദ്‌ലിന്ത് കൊണ്ടു അവാര് എന്നാല്‌ക്ക്‌മ് ദെ്ണ്ടണെപഡുവാര്.

ബെ്ളിപട്ട കാര്യ 22:5

അദ്‌ല് ഇന്നി ജാമ ഇര്‌ക്കമാട്ട. സാമ്യാന ആണ്ടവാന് അവാര്‌ക്ക് ബ്‌ളാക്ക് ആയിര്‌ക്കുവാദ്‌നാലെ ബ്‌ളാക്ക് ബെ്ള്‌സാഗൊ നേര ബെ്ള്‌സാഗൊ അവാര്‌ക്ക് തേവില്ലെ. അവാര് എന്നാല്‌ക്ക്‌മ് രാജാവുഗാള്‌ന പാസെ ആളുവാര്.

ബെ്ളിപട്ട കാര്യ 7:12

<<ആമേന്, നമ്മ് സാമിക്ക് എന്നാല്‌ക്ക്‌മ് ഒഗെ, അയാള്‌ക്ക് എന്നാല്‌ക്ക്‌മ് പേര്‌പെരിമേമ്, അറുവുമു ബുദ്ദിമ്, മാനാമ്, സക്‌തിമ്, ബിലാമ് ഇര്‌ക്കുഡൊ അയാള്‌ക്ക് എന്നാല്‌ക്ക് നണ്ണി സൊന്റേമ്, ആമേന്>> എന്റ് സൊല്ലി സാമിന കുമ്മുഡുനാര്.