ബെ്ളിപട്ട കാര്യ 14:10 - സാമി സേദി10 സാമിക്ക് ഇര്‌ക്കുവ മ്‌ഗ്‌ന്ത മൊനെ എന്നുവ ഊറബെത്ത മുന്തിരി സാര കുഡിക്കുവാന്. നല്ല മപ്പ് ഏ്റുവ അയി മുന്തിരി സാര സാമി മൊനെ എന്നുവ സട്ടിക്ക് ഊറ്റി ബെത്ത്‌റ്‌ന്റാന് ഇര്‌ക്ക്‌ന്റാന്. സുത്താപ്പിര്‌ക്കുവ ദൂദനാമ്‌ക്ക്‌മ് കൊറ്യാഡ് കുട്ടിക്ക്‌മ് മുന്നുക്കു ബെത്ത് അയാള്‌ന തീയില്‌മ് ഗെന്തഗാത്ത്‌ല്‌മ് കൊഡിമെപഡുസുവാന്. အခန်းကိုကြည့်ပါ။ |
ബെ്ളിപട്ട കാര്യ 14:10
45 ပူးပေါင်းရင်းမြစ်များ
<<പട്ടള തലെവാന് കൊറ്‌ന്നല്ലോസുത്തെ എമാന ഈങ്ക് സൊല്ലി ബ്‌ട്ടാദ്. അയാള് നല്ലവാന്‌മ്, സാമിന കുമ്മുഡുന്റവാന്‌മ്‌ത്തെ. എല്ലാ എഗുദാര്‌മ് അയാള്‌ന മദ്‌സ്‌ന്റാര്. നിനാക്ക് സൊല്ല്യ ഇര്‌ക്കുവാദ്‌ന തനാക്ക് കേ്ള്‌ക്ക്യ നിനാന തന്ന് ബീ്ഡ്‌ക്ക് ബ്‌ളിക്കുഡൊ എന്റ് ഒന്റു സാമിദൂദാന് കൊറ്‌ന്നല്ലോസുക്കു സൊന്നാന്>> എന്റ് അവാര് സൊന്നാര്.
അദേപാസെ സോദോമു പട്ടണാത്ത്‌ലവാര്‌മ് ഗൊമോറ പട്ടണാത്ത്‌ലവാര്‌മ് അദ്‌ക്ക് സുറ്റീല് ഇര്‌ക്കുവ ഊരുലവാര്‌ഗാള്‌മ് ഗണ്ടെന്റില്ലാദേമ് പെ്ണ്ണെന്റില്ലാദേമ് മൊറെതലെ നോഡാദെ കാണ്‌ന്റവാരോഡെല്ല ബേസ്യാഡികൊണ്ടു നഡാന്ത് തമാന താനെ കെ്ഡ്‌സ്‌നാര്. അദ്‌നാലെ സാമി അവാര്‌ന തീക്കിക്കി അളിത്താന്. അദേപാസെത്തെ ഇവാര്‌ക്ക്‌മ് എന്നാല്‌ക്ക്‌മ് കെ്ഡാദിര്‌ക്കുവ തീക്കിക്കി ദെ്ണ്ടിക്കുവ ദെ്ണ്ടണെ കെ്ഡേക്ക്‌മ്.
എന്ത്‌ക്കെന്റ് സൊന്ന ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌മ് കുഡിത്താര്. അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ്‌ത്തെ അയി ഊറബെത്ത മുന്തിരി സാര. ബൂമില് ഇര്‌ക്കുവ രാജാവുഗാള് അവാളോഡ ബേസ്യാഡ്‌നാര്. അഡാക്ക്യ മുഡ്യാത്ത കാമാക്ക് അഡിമെപട്ട് നഡാന്താദ്‌നാലെ ബൂമില് ഇര്‌ക്കുവ ഏവാരിഗാള് ദൊഡ്ഡ പണഗാറാരായി മുഡിന്താര്>> എന്റ് സൊന്നാന്.
ബൂമില് ഇര്‌ക്കുവ എല്ലാ ആള്‌ഗാള്‌നാമ് സോലുസ്യ ബേ്ണ്ടി അയാള് ബായിലിന്ത് ഉരുക്കിര്‌ക്കുവ ബാള് ബെ്ളിഗെ കഡാക്ക്‌ന്റ്. <<അയാള് അവാര്‌ന ഇര്‌മ്പ് ബഡി എ്ഡ്‌ത്ത് ആളുവാന്.>> അയാള് മുന്തിരി സാര മെ്ട്ടി പെജേന്ത് എ്ഡ്‌ക്കുവ കുയിക്ക് മുന്തിരിന ഇക്കി മെ്ട്ടി പെജേവാന്. എല്ലാ ബിലാമ് ഇര്‌ക്കുവ സാമി മൊനേന കാട്ടുവാദ്‌ത്തെ അയി കുയി.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.
ကြော်ငြာတွေ