ബെ്ളിപട്ട കാര്യ 13:5 - സാമി സേദി

⁵ പെരിമെനായ സൊല്ല്യാമ് സാമിന കുറ്റ സൊല്ല്യാമ് അയി ബേ്ണ്ട്‌ന ബ്‌ട്ടാന്. നാപത്തിരണ്ട് മാസ അദിഗരത്തോഡ ആള്യാമ് അദ്‌ന ബ്‌ട്ടാന്.

ബെ്ളിപട്ട കാര്യ 13:5 ပူးပေါင်းရင်းမြစ်များ

2 തെസെലോനിക്ക്യഗാറാര് 2:3

ഇത്തെ ആര്‌നാമ് ഏദൊന്റു ദിന്‌സ്‌ല് നിമാന ഏമാത്ത്യ ബ്‌ഡാദേന്. മുദാല് ആള്‌ഗാള് സാമ്യോഡ പോട്ടിക്ക് നിന്റ് ബാദിക്ക്‌ന്റവാര് ആവാര്. അദോഡൊപ്പ നാസാക്ക് ബേ്ണ്ടി പ്‌റാന്തവാന്‌മ് കേ്ഡ്‌ഗെ്ട്ടവാന്‌മ് ബെ്ളിപട്ട് ബരുവാന്.

2 തെസെലോനിക്ക്യഗാറാര് 2:4

അയാള് സാമിബീ്ഡ്‌ല് കുക്കാന്ത് കൊണ്ടു താന്‌ത്തെ സാമി എന്റ് സൊല്ലി നഡിക്കുവാന്. അയാള് സാമിക്കൊ സാമി എന്നുവ പേര്‌ല് കുമ്മുഡുവ ജാദിഗാള്‌ക്കൊ ബ്‌ഡ തനാന താനെ ഉജാത്തുവ എദിരിത്തെ.

2 തെസെലോനിക്ക്യഗാറാര് 2:8

അദുക്കുള അയി കേ്ഡ്‌ഗെ്ട്ടവാന് ബെ്ളിപഡുവാന്. ആണ്ടവാന് ഏസ്സ് മദ്‌പ്പുള്ള അദിഗരാത്ത്‌ല് ബര്‌ഗാട്ടി അയാള്‌ന അളിത്ത് അയാള് അദിഗരാന ഒന്റുമില്ലാദെ മാഡുവാന്.

ബെ്ളിപട്ട കാര്യ 11:7

തമാക്ക് സൊല്ല്യ സൊന്നാദ്‌ന അവാര് സൊല്ലി മുഡിക്കാട്ടി അഡി അറ്റ ഇല്ലാത്ത കുയിലിന്ത് ഏ്റി ബരുവ ബേ്ണ്ട് അവാരോഡ ജുദ്ദ ഗേന്ത് അവാര്‌ന സോലുസി കൊന്റു തള്ള്‌മ്.

ബെ്ളിപട്ട കാര്യ 12:14

അദുക്കുള അവാള് ബെ്ട്ടെകാഡ്‌ല് തനാക്ക് ഒരിക്കി ബെത്ത എ്ഡേക്ക് പറാന്ത് പോയ ബേ്ണ്ടി ദൊഡ്ഡ പാറ്‌ക്ക് ഇര്‌ക്കുവ റാഡ് ഇ്റാക്കെഗാള് അവാള്‌ക്ക് കെ്ഡേത്ത്‌ദ്. അദ്‌ല് അവാള്‌ന മൂണരെ ബര്‌സ്സ കാല അയി ദൊഡ്ഡ പാമ്പ് കണ്ണ്‌ക്ക്‌പഡാദെ പാദ്‌ഗാത്ത് ബെക്കുവാര്.

ബെ്ളിപട്ട കാര്യ 12:6

അയി പെ്ണ്ണ്‌പ്‌ളെ ബെ്ട്ടെകാഡ്‌ക്ക് ഓഡി പോനാള്. ആയിരത്തി ഇരുനൂറ്റി അറുവദ് നാള് അവാള്‌ന നോഡ്യ ബേ്ണ്ടി സാമി അദ്‌ല് അവാള്‌ക്ക് ഒന്റു എ്ഡെ ഒരിക്കി ബെത്തിന്താന്.

ബെ്ളിപട്ട കാര്യ 13:7

സാമിഗാറാരോഡ ജുദ്ദ ഗേന്ത് അവാര്‌ന സോലുസി ഗെലിസി കഡാക്ക്യ അദ്‌ക്ക് അദിഗര കെ്ഡേത്ത്‌ദ്. എല്ലാ കുലഗാറാര്‌നാമ്, എല്ലാ ബമ്മേസഗാറാര്‌നാമ്, എല്ലാ നായഗാറാര്‌നാമ്, എല്ലാ ജാദിഗാള്‌നാമ് ആള്‌വാദ്‌ക്കുള്ള അദിഗരാമ് അദ്‌ക്ക് കെ്ഡേത്ത്‌ദ്.