ബെ്ളിപട്ട കാര്യ 13:16 - സാമി സേദി16 സ്‌ന്നവാര്‌മ് ദൊഡ്ഡവാര്‌മ്, പണഗാറാര്‌മ് ഏ്ളെഗാള്‌മ്, അഡിമെഗാള്‌മ് അഡിമെ അല്ലത്തവാര്‌മ് ആന എല്ലാവാര്‌മ് ബല കയിക്കൊ നെറ്റിക്കൊ അഡ്യാള ബെക്ക്യ അയി റണ്ടാവാദ് ബേ്ണ്ട് നത്ത്‌റ്റ്. အခန်းကိုကြည့်ပါ။ |
ബെ്ളിപട്ട കാര്യ 13:16
26 ပူးပေါင်းရင်းမြစ်များ
അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.
ബൂമില് ഇര്‌ക്കുവ എല്ലാ ജാദിഗാള്‌മ് മൊനേക്ക്‌പട്ടാര്. ആന നീ മൊനേക്ക്‌പഡുവ ഗളിഗേമ് ബന്തെജ്ജ്‌റ്റ്. സത്തവാര്‌ന ബിദിക്കുവാദ്‌ക്കുള്ള ഗളിഗേമ്, നിന്ന് ഗിലാസഗാറാരാന സാമിദാസ്‌ഗാള്‌ക്ക്‌മ്, സാമിഗാറാര്‌ക്ക്‌മ്, നിനാക്ക് അഞ്ചി നഡാക്കുവ ദൊഡ്ഡവാര്‌മ് സ്‌ന്നവാര്‌മ് ആന എല്ലാവാര്‌ക്ക്‌മ് കൂലി കൊഡുക്കുവാദ്‌ക്കുള്ള ഗളിഗേമ് ബൂമിന കെ്ഡ്‌സ്‌ന്റവാര്‌ന അളിക്കുവാദ്‌ക്കുള്ള ഗളിഗേമ് ബന്ത്‌റ്‌ക്ക്‌ന്റ്.
രാജാവുഗാള്‌ത്ത്‌മ്, പട്ടള തലെവാര്‌ഗാള്‌ത്ത്‌മ്, ബീര്യഗാറാര് ആന പട്ടളഗാറാര്‌ത്ത്‌മ്, കുദുറെഗാള്‌ത്ത്‌മ്, കുദുറെഗാള് കുദ്ദാക്ക് കുക്കാന്ത് ഇര്‌ന്റവാര്‌ത്ത്‌മ്, അഡിമെഗാള്‌ത്ത്‌മ് അഡിമെഗാള് അല്ലാത്തവാര്‌ത്ത്‌മ്, സ്‌ന്നവാര്‌ത്ത്‌മ് ദൊഡ്ഡവാര്‌ത്ത്‌മ് അത്തെ എല്ലാവാര്‌മ്‌ത്തെ കറിന തിന്ന്യ ബാന്>> എന്റ് ബ്ളിത്ത് സൊന്നാന്.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
ദൊഡ്ഡവാര്‌മ് സ്‌ന്നവാര്‌മ് ആയി അത്തെ സത്തവാര് ഒട്ടുക്കു കുറിഞ്ചി മുന്നുക്കു നിന്റ്‌റ്‌ക്കുവാദ്‌നാമ് നാന് കണ്ടെ. ബൊക്കുഗാള്‌ന ത്‌റാന്താന്. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കു എന്നുവ ബേ്റെ ഒന്റു ബൊക്കുനാമ് ത്‌റാന്താന്. ബൊക്കുഗാള്‌ല് എ്ള്‌ദിര്‌ക്കുവ പാസെ തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് സത്തവാര്‌ക്കുള്ള ബിദി സൊന്നാന്.
അദ്‌ക്ക് പ്‌റ കുറിഞ്ചിഗാള്‌നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്‌ല് കുക്കാന്ത് ഇര്‌ക്കുവാദ്‌നാമ് നാന് കണ്ടെ. ഏസ്സ്‌ന പറ്റ്യുള്ള സത്ത്യന സൊന്നാദ്‌നാലേമ് സാമി സൊല്ലുസുലാക്കാന സൊന്നാദ്‌നാലേമ് ആള്‌ഗാള് തലെനെ ബെ്ട്ടി കൊന്റവാര് നിഗാല്‌ഗാള്‌നാമ് നാന് കണ്ടെ. അവാര് ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡത്തവാര്‌മ് നെറ്റിക്കൊ കയിക്കൊ മുദ്ദുറെ കുത്താത്തവാര്‌മ് ആയിന്താര്. അവാര് ഉജുരു കെ്ഡേസി ക്‌റ്‌സ്‌ത്തോഡൊപ്പ ആയിര ബര്‌സ്സ പെ്ളേത്താര്.
ကြော်ငြာတွေ