ബെ്ളിപട്ട കാര്യ 13:1 - സാമി സേദി

¹ പ്‌റ കഡാല്‌ലിന്ത് ഒന്റു ബേ്ണ്ട് ഏ്റി ബരുവാദ്‌ന നാന് കണ്ടേന്. അദ്‌ക്ക് പത്ത് കൊമ്പുഗാള്‌മ്, ഏ്ള് തലെഗാള്‌മ്, ഒന്റൊന്റു കൊമ്പുഗാള്‌ല് ഒന്റൊന്റു ഗിര്യാഡാമ്, തലെഗാള്‌ല് സാമിന മാനഗെ്ഡ്‌സുവ ഒന്റൊന്റു പേര്‌ഗാള്‌മ് ഇന്ത്‌ദ്.

ബെ്ളിപട്ട കാര്യ 13:1 ပူးပေါင်းရင်းမြစ်များ

ബെ്ളിപട്ട കാര്യ 11:7

തമാക്ക് സൊല്ല്യ സൊന്നാദ്‌ന അവാര് സൊല്ലി മുഡിക്കാട്ടി അഡി അറ്റ ഇല്ലാത്ത കുയിലിന്ത് ഏ്റി ബരുവ ബേ്ണ്ട് അവാരോഡ ജുദ്ദ ഗേന്ത് അവാര്‌ന സോലുസി കൊന്റു തള്ള്‌മ്.

ബെ്ളിപട്ട കാര്യ 12:3

മേലോഗാത്ത്‌ല് ബേ്റൊന്റു അഡ്യാള ഗുഡി കാട്ട്‌റ്റ്. ഏ്ള് തലേമ് പത്ത് കൊമ്പുമു ഇര്‌ക്കുവ തീന പാസെ സോരെസോര്യ ഇര്‌ക്കുവ ദൊഡ്ഡ ഒന്റു പാമ്പ്. ഒന്റൊന്റു തലേല് ഒന്റൊന്റു ഗിര്യാഡാമ് ഇന്ത്‌ദ്.

ബെ്ളിപട്ട കാര്യ 13:11

പ്‌റ ബൂമിലിന്ത് ഏ്റി ബന്ത ബേ്റൊന്റു ബേ്ണ്ട്‌ന നാന് കണ്ടേന്. കൊറ്യാഡ് കുട്ടിക്ക് ഇര്‌ക്കുവ പാസെ റാഡ് കൊമ്പു അദ്‌ക്ക് ഇന്ത്‌ദ്. അദ് ദൊഡ്ഡ ഒന്റു പാമ്പ്‌ന പാസെ നായ നൊഡിന്ത്‌ദ്.

ബെ്ളിപട്ട കാര്യ 13:14

മുദാല്‌ല ബേ്ണ്ട് മുന്നുക്കു ബെത്ത് തനാന ഗേയ ബ്‌ട്ട അദിസ്യളഗാള് ഗേന്ത് കാട്ടി റണ്ടാവാദ് ബേ്ണ്ട് ബൂമില് ഇര്‌ക്കുവ ആള്‌ഗാള്‌ന ഒട്ടുക്കു ഏമാത്ത്‌റ്റ്. ബാള്‌ല് ബെ്ട്ട് കെ്ഡേസിമ് പെ്ളേക്കുവ ബേ്ണ്ട്‌ക്ക് ബേ്ണ്ടി ഒന്റു സെലെ ഉണ്ടാക്ക്യ ബൂമില ജനഗാള്‌ക്ക് സൊല്ലിമ് ഇര്‌ക്ക്‌ന്റ്.

ബെ്ളിപട്ട കാര്യ 13:15

അയി ബേ്ണ്ട് സെലേക്ക് ഉജുരു കൊഡുക്കുവ മൂസുന കൊഡുക്ക്യാമ് റണ്ടാവാദ് ബേ്ണ്ട്‌ക്ക് അദിഗര കെ്ഡേത്ത്‌ദ്. അത്തെ അയി സെലെന നായ നൊഡിസ്യാമ് അയി സെലെന കുമ്മുഡത്തവാര്‌ന കൊല്ല്യാമ് അയി ബേ്ണ്ട്‌ക്ക് മുഡിന്ത്‌ദ്.

ബെ്ളിപട്ട കാര്യ 15:2

തീ കലാന്ത ഒന്റു കന്നാഡി കഡാല്‌ന പാസെ ഇര്‌ക്കുവാദ്‌ന നാന് കണ്ടെ. ബേ്ണ്ട്‌നാമ്, അയി ബേ്ണ്ട് സെലെനാമ്, അയാള് പേര്‌ന കാട്ടുവ എ്ണ്ണനാമ് സോലുസുനവാര് അയി കഡാല്‌ക്ക് അര്‌ഗെ നിന്റിന്താര്. അവാര് തമ്മ് കയില് സാമി കൊഡുത്ത ബീ്ണെഗാള്‌നാമ് പ്‌ഡിത്തിന്താര്.

ബെ്ളിപട്ട കാര്യ 16:13

അദുക്കുള ദൊഡ്ഡ പാമ്പ് ബായിലിന്ത്‌മ്, ബേ്ണ്ട് ബായിലിന്ത്‌മ്, സാമി സൊന്റാന് എന്റ് ഉറുട്ടു സൊല്ലുവ സാമിദാസ് ബായിലിന്ത്‌മ് കപ്പെഗാള്‌ന പാസെ മൂറു കെ്ട്ടജാദിഗാള് ബെ്ളിഗെ ബരുവാദ്‌ന നാന് കണ്ടെ.

ബെ്ളിപട്ട കാര്യ 17:16

നീ കണ്ട പത്ത് കൊമ്പുഗാള്‌മ് ബേ്ണ്ട്‌മ് ബേസിന തൊറേന്ത് തള്ളുവാര്. അവാര് അവാള്‌ക്ക് ഇര്‌ക്കുവാദ്‌ന ഒട്ടുക്കു എ്ഡ്‌ത്ത് തള്ളി അവാള്‌ന ബെ്റ്‌ദെകറി മാഡുവാര്. അത്തെ അവാള് കറി സദേന അവാര് തിന്നുവാര്, അവാള്‌ന തീയിക്ക് ഇക്കി സുട്ടുമു തള്ളുവാര്.

ബെ്ളിപട്ട കാര്യ 17:3

അദ്‌ക്ക് പ്‌റ സാമിനിഗാല് നഡാത്തുവാദ്‌ക്ക് നാന് ഒന്റേപെ്ട്ട് കെ്ട്ട്‌പട്ട് ഇര്‌ക്കാട്ടി അയി ദൂദാന് എനാന ബെ്ട്ടെകാഡ്‌ക്ക് കൂട്ടി പോനാന്. അദ്‌ല് ഒന്റു പെണ്ണ്‌പ്‌ളെ സോരെസോര്യ ഇര്‌ക്കുവ ഒന്റു ബേ്ണ്ട് കുദ്ദാക്ക് കുക്കാന്ത് ഇര്‌ക്കുവാദ്‌ന നാന് കണ്ടെ. അയി ബേ്ണ്ട് സരിഗലാത്ത്‌ല് ഒട്ടുക്കു സാമിന മാനഗെ്ഡ്‌സുവ പേര്‌ഗാള് ഇന്ത്‌ദ്. അയി ബേ്ണ്ട്‌ക്ക് ഏ്ള് തലെഗാള്‌മ് പത്ത് കൊമ്പുഗാള്‌മ് ഇന്ത്‌ദ്.

ബെ്ളിപട്ട കാര്യ 17:5

അവാള് നെറ്റില് അര്‌ത്ത എന്തെന്റ് ആര്‌ക്ക്‌മ് തെര്യാത്ത ഒന്റു പേര് എ്ള്‌ദിന്ത്‌ദ്. ബൂമില് ഇര്‌ക്കുവ ബേസിഗാള്‌ത്ത്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ത്ത്‌മ് അവ്വെ ആന ബാവിലോണു എന്നുവ മ്‌ഗ്‌ന്ത പട്ടണ എന്റ്‌ത്തെ അദ്‌ക്ക് പേര്.

ബെ്ളിപട്ട കാര്യ 19:19

പ്‌റ നാന് നോഡുഗാട്ടി കുദുറെ കുദ്ദാക്ക് ഇര്‌ക്ക്‌ന്റവാനോഡാമ് അയാള് പട്ടളഗാറാരോഡാമ് ജുദ്ദ ഗേയ ബേ്ണ്ടി ബൂമില് ഇര്‌ക്കുവ രാജാവുഗാള്‌മ് അവാര് പട്ടളഗാറാര്‌മ് ഒന്റായി ബന്ത് കൂഡിര്‌ക്കുവാദ്‌ന കണ്ടെ.