ബെ്ളിപട്ട കാര്യ 12:7 - സാമി സേദി

⁷ പ്‌റ മേലോഗാത്ത്‌ല് ജുദ്ദ ഉണ്ടാറ്റ്. മിഗായേല്‌മ് അയാള് ദൂദനാമ്‌മ് ദൊഡ്ഡ പാമ്പോഡ ജുദ്ദ ഗേന്താര്. ദൊഡ്ഡ പാമ്പ് തന്ന് ദൂദനാമോഡൊപ്പ അവാരോഡ ജുദ്ദ ഗേന്താന്.

ബെ്ളിപട്ട കാര്യ 12:7 ပူးပေါင်းရင်းမြစ်များ

മത്തായി 13:41

മന്‌സാനായി പ്‌റാന്തവാന് തന്ന് ദൂദാര്‌ന ബ്‌ട്ട് താന് ആള്‌ന്റവാര് കൂട്ടാത്ത്‌ല് പാവ ഗേന്റവാര്‌നാമ് കെ്ട്ട കാര്യഗാള് ഗേന്റവാര്‌നാമ് ഒന്റുക്കു സേത്തുവാന്.

മത്തായി 16:27

മന്‌സാനായി പ്‌റാന്തവാന് തന്ന് അപ്പാന് സാമിക്ക് ഇര്‌ക്കുവ മദ്‌പ്പ്‌ല് തന്ന് ദൂദാര്‌ഗാളോഡ ബരുവാന്. അദുക്കുള ഒന്റൊന്റാള് ഗേന്ത കാര്യഗാള്‌ക്ക് തഗ്‌ന്ത കൂലി അയാള് കൊഡുക്കുവാന്.

മത്തായി 24:31

മന്‌സാനായി പ്‌റാന്തവാന് തന്ന് ദൂദാര്‌ഗാള്‌ന ദൊഡ്ഡ ആലാപ്പോഡ ഊദുവ കൊമ്പൂദത്തോഡ സൊല്ലി ബ്‌ഡുവാന്. അവാര് സാമി തെരിന്തെ്ഡ്‌ത്തവാര്‌ന ബൂമിക്ക് നാക്ക് സാരിന്ത്‌മ് എല്ലാ എ്ഡെഗാള്‌ലിന്ത്‌മ് കൂട്ടി ഒന്റുക്കു സേത്തുവാര്.>>

മത്തായി 25:41

അദ്‌ക്ക് പ്‌റ തന്ന് ഇ്ഡസാരിന്തവാര്‌ക്ക്: <സാപ്പ പ്‌ഡിത്തവാരേ, എനാന ബ്‌ട്ട് സെയിത്താന്‌ക്ക്‌മ് അയാള് ദൂദാര്‌ക്ക്‌മ് ഒരിക്കിര്‌ക്കുവ എന്നാല്‌ക്ക്‌മ് കെ്ഡാത്ത തീക്ക് പോനു.

മത്തായി 26:53

എനാന കയിതാങ്ക്യ നാന് എന്നപ്പാന്‌ക്ക് സൊന്നദാന എനാക്ക് ബേ്ണ്ടി ഇന്നാല് താനെ പന്നന്റ് ലെഗ്യോനുക്കുമു അദിഗ ദൂദാര്‌ന സൊല്ലി ബ്‌ഡുവാന് എന്റ് നിമാക്ക് തെര്യാഗ?

2 കൊരിന്ത്യഗാറാര് 12:7

എനാക്ക് ബന്ത അദിസ്യമാന തോറ്റഗാള്‌ന സൊല്ലി നാന് അദിഗ പെരിമെപഡാദിര്‌ക്ക്യ ബേ്ണ്ടി എന്ന് സരിഗലാത്ത്‌ല് ഒന്റു മുള്ളു കുത്തുവ പാസെ ഇര്‌ക്കുവ കജട്ടന നാന് പട്ട്‌കൊണ്ടു ഇര്‌ക്ക്‌ന്റെ. ഇദ് എനാന കജട്ടപഡിസ്യ ബെത്ത്‌റ്‌ക്കുവ സെയിത്താന് ദൂദാന്‌ത്തെ.

എപസോസുഗാറാര് 6:12

എത്തെന്റ് സൊന്ന നമ്മ ജുദ്ദ ഗേവാദ് മന്‌സാരോഡല്ല. അദ്‌ക്ക് ബദ്‌ല കണ്ണ്‌ക്ക് കാട്ടാത്ത സെയിത്താന് പട്ടളഗാളോഡാമ് അവാര്‌ക്കിര്‌ക്കുവ അദിഗരഗാളോഡാമ് മാഗേലിന്ത് കൊണ്ടു തമാക്കിര്‌ക്കുവ ഏമാത്തുവ സക്‌തില് ഈ ഉലഗാന നഡാത്തി ബന്റവാരോഡാമ്‌ത്തെ ജുദ്ദ ഗേയ ഇര്‌ക്കുവാദ്.

2 തെസെലോനിക്ക്യഗാറാര് 1:7

അദുക്കുള സാമിന തെര്യാത്തവാര്‌നാമ് നമ്മ് ആണ്ടവാന് ഏസ്സ് സൊന്ന നല്ല സേദി സൊല്ലുപഡിക്ക് നഡാക്കാത്തവാര്‌നാമ് അയാള് പള്യെ്ഡ്‌ക്കുവാന്.

എവുറായാര് 2:10

എല്ലാദ്‌നാമ് ദ്‌ട്ടിസി പാദ്‌ഗാത്ത് ബെക്ക്‌ന്റവാന്‌ത്തെ സാമി. എഞ്ചോ മഗാനാര് തന്ന് മദ്‌പ്പ്‌ക്ക് പങ്ക്‌ഗാറാര് ആയ ബേ്ണ്ടി അവാര്‌ന കാപാറ്റുവ ഏസ്സ്‌ന എഞ്ചോ കജട്ടഗാള്‌പഡ്യ ബ്‌ട്ട് ഒന്റുക്കുമു കൊറേവില്ലത്തവാന് മാഡുവാദ് അയി സാമിക്ക് നല്ലാദ്‌ത്തെ ആയിന്ത്‌ദ്.

2 പത്ത്‌റോസു 2:4

പാവ ഗേന്ത ദൂദനാമ്‌ന ബെ്റ്‌ദെ ബ്‌ഡാദെ സാമി അവാര്‌ന നരഗാക്ക് എ്റിന്ത് ബ്‌ട്ടാന്. ബിദിക്കുവ നാള് മാട്ട്‌ക്ക് പേ്ണ്‌സ്യ അവാര്‌ന ഇ്റ്‌ട്ട് എന്നുവ സങ്കിലിക്കി കെ്ട്ടി ബെത്ത്‌റ്‌ന്റാന്.

ജൂദാന് 1:9

ആന ദൂദാര്‌ഗാള്‌ല് മുമ്പാനായിര്‌ക്കുവ മിഗായേല് മോസെ സാവുന പറ്റി സെയിത്താനോഡ തറ്‌ക്കുവ ഗളിഗേല് അയി സെയിത്താന് ഗേവ കുറ്റന കണ്ട് താന് അയാള്‌ന നൊഡിവാദ് സെര്യല്ല എന്റ് നെനേത്ത് ആണ്ടവാന് നിനാന ദെ്ണ്ടിക്കുഡൊ എന്റ്‌ത്തെ സൊന്നാന്.

ബെ്ളിപട്ട കാര്യ 12:8

എന്റാല്‌മ് ദൊഡ്ഡ പാമ്പ്‌ക്ക് ഗെലിസി കഡാക്ക്യ മുഡ്യാലെ. പ്‌റ മേലോഗാത്ത്‌ല് അവാര്‌ക്ക് എ്ഡേമ് കെ്ഡേക്കാലെ.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ബെ്ളിപട്ട കാര്യ 13:7

സാമിഗാറാരോഡ ജുദ്ദ ഗേന്ത് അവാര്‌ന സോലുസി ഗെലിസി കഡാക്ക്യ അദ്‌ക്ക് അദിഗര കെ്ഡേത്ത്‌ദ്. എല്ലാ കുലഗാറാര്‌നാമ്, എല്ലാ ബമ്മേസഗാറാര്‌നാമ്, എല്ലാ നായഗാറാര്‌നാമ്, എല്ലാ ജാദിഗാള്‌നാമ് ആള്‌വാദ്‌ക്കുള്ള അദിഗരാമ് അദ്‌ക്ക് കെ്ഡേത്ത്‌ദ്.

ബെ്ളിപട്ട കാര്യ 20:2

പിജാദ് എന്റ്‌മ് സെയിത്താന് എന്റ്‌മ് സൊല്ലുവ അയി പള്യ ദൊഡ്ഡ പാമ്പ്‌ന അയി ദൂദാന് പ്‌ഡിത്ത് ആയിര ബര്‌സ്സാക്ക് സങ്കിലിക്ക് കെ്ട്ടി ബെത്താന്.